အပ်နှံကားများရောင်းပြီး တင်သွင်းကားများ ပုံမှန်ဝယ်ယူလျက်ရှိတဲ့ မန်းကားဈေးကွက်

ယာဉ်အို၊ ယာဉ်ဟောင်း အပ်နှံရ မယ့်ကားများအားရောင်းပြီး တင်သွင်း လာတဲ့  မော်ဒယ်လ်မြင့်ကားများအား ငွေဖြည့်ပြီး ဝယ်ယူလျက်ရှိနေကြောင်း၊ မန္တလေးလမ်း ၆၀ ရှိ ကားရောင်းဝယ် ရေးစခန်းမှ သိရပါတယ်။ "ကားဈေးကွက်က ကားဈေးအနေ အထားအလိုက်  အလုပ်ဖြစ်ပါတယ်။ တင်သွင်းလာတဲ့ကားက   မော်ဒယ်လ် အသစ်ဝင်လာတော့ ရှိပြီးသားကားက မော်ဒယ်လ်နိမ့်လာတဲ့အတွက်ဈေးနည်း နည်းထပ်ကျတယ်။ ဒီတစ်ပတ်မှာ ဖေ ဖော်ဝါရီလလယ်ကထက် ပျမ်းမျှအား ဖြင့် ကျပ်သိန်း ၃၀ လောက် ဈေးထပ် ကျတယ်။ ပြီးခဲ့တဲ့ နှစ်ပတ်လောက်က သိန်း ၃၈၀၊ ၃၉၀ တန်တဲ့ မတ်(ခ်)တူး ကားက ဒီတစ်ပတ်မှာ သိန်း၃၂၀၊ ၃၃၀ ထိကျလာတယ်။ ခုလိုကားဆက်ဝင်ရင် ဈေးဆက်ကျနိုင်တယ်။ အပ်နှံမယ့်ကား ဟောင်းဈေးကွက်ကတော့ ခုဈေးထက် ပိုပြီး တက်နိုင်ခြေ မရှိတော့ဘူး"လို့ ဝယ်ရောင်းသူ ဦးဝင်းမြင့်ဦးက ပြောပါ တယ်။ အပ်နှံမယ့်ယာဉ်ဟောင်း 'စ' မှ 'ဒ' အက္ခရာထိကားများ ဈေးကွက်အတွင်း အရောင်းအဝယ်ရှိရာ ကျပ်သိန်း ၁၃၀ နဲ့ ၁၃၅ သိန်းကြား ကားကောင်းတဲ့ အပေါ်မူတည်ပြီး  ဈေးနှုန်းကွာခြား ကြောင်း သိရပါတယ်။ ကားဈေးကွက် အတွင်း အရောင်းအဝယ် ဖြစ်နေတဲ့ ကားဈေးနှုန်းများမှာ မတ်တူး (2.5G) 2001 M မှာ ကျပ်သိန်း ၃၃၀၊ ၃၄၀ ရှိကာ၊ ရိုးရိုး (2.5) ကားမှာ ကျပ်သိန်း ၃၂၀ ဝန်းကျင်၊ (99M) 2.5 M မှာ ကျပ် သိန်း ၃၀၀၊ ၃၁၀၊ အင်ဂျင် (၂.၅ ရိုးရိုး) ကျပ်သိန်း ၂၉၀၊ စူပါကာစတန် (ဟိုက် အေ့ကား) ၁၉၉၆ ကြ ကျပ်သိန်း ၂၀၀၊ ၂၁၀၊ ၂၀၀၀ ြ ကား ကျပ်သိန်း ၂၄၀-၂၅၀၊ Caldina  စက်ရုပ် (2001-02 M) ကျပ်သိန်း ၃၂၀ ဝန်းကျင်၊ Crown (2001 M) 3.0 ဓာတ်ဆီ ကျပ်သိန်း ၃၀၀၊ Crown မန်ချက်စတာ Grade (2002 M) ကျပ်သိန်း ၃၅၀၊ ပါဂျဲရိုး (2000-01 M) ဓာတ်ဆီကျပ်သိန်း ၄၁၀ ဝန်းကျင်ရှိကြောင်း သိရပါတယ်။ ဇူးဇူး