ငါးရှဉ့်ဈေးနှုန်းတည်ငြိမ်၍ ငါးရှဉ့်ဝယ်ယူပြီး တင်ပို့ရောင်းချသူများ အရှုံးမရှိ ငါးရှဉ့်များကို မူဆယ် ၁ဝ၅ မိုင်မှတစ်ဆင့် တရုတ်နိုင်ငံကို တင်ပို့ရောင်းချ ရာမှာ ယခုရက်ပိုင်း ဈေးကွက်ငြိမ်နေ တာကြောင့် ငါးရှဉ့်ဝယ်ယူပြီး တင်ပို့ ရောင်းချသူများ အရှုံးမရှိကြောင်း မန္တလေးမြို့ နတ်ရေကန်ရှိ ငါးရှဉ့် လုပ်ငန်းရှင်များအသင်းမှ သိရပါတယ်။ ''ဈေးနှုန်းငြိမ်နေတော့ အောက်မှာ ဝယ်ပြီး ပြန်ရောင်းရတာ အရှုံးမရှိဘူး ပေါ့။ ရှေ့လတွေက ဈေးမငြိမ်တော့ အောက်မှာဈေး တစ်မိုျးနဲ့ ဝယ်ရပြီး အပေါ်ရောက်တော့ ဈေးပြောင်း သွား ရော၊ တက်ရင်တော့ကိစ္စမရှိဘူး။ ဈေး ကျရင်ရှုံးတာပေါ့။ ဒီလမှာ ဈေးကငြိမ် နေ ပြီး ၃ ၊ ၄ ရက်အတွင်းမှာ နည်း နည်း တက်လာတယ်။ ဈေးမှန်လို့ ရတဲ့အတွက် အောက်မှာဈေးဖွင့် ဝယ် လို့ရတာပေါ့။ဒီရက်ပိုင်း ကုန်အတက် လည်းများလာတယ်။ ရန်ကုန် ဘက် က လာတာများတယ်။ အထက်ပိုင်းက ငါးရှဉ့်က ကန်ပိုက်တီးဘက်ကို ထွက် တယ်။ ငါးရှဉ့်ဈေးနှုန်းက ဆက်တက် နိုင်ပြီး ကုန်လည်း ပိုထွက်လာနိုင်တယ်'' လို့ ငါးရှဉ့်လုပ်ငန်းရှင်များအသင်း ဥက္ကဋ္ဌ ဦးဝင်းမြင့်က ပြောကြားပါတယ်။ တရုတ်နိုင်ငံကို မူဆယ် ၁ဝ၅ မိုင်နဲ့ ကန်ပိုက်တီးလမ်းတို့မှတစ်ဆင့် ငါးရှဉ့် များကို နေ့စဉ်တင်ပို့ ရောင်းချလျက်ရှိပါ တယ်။မူဆယ် ၁ဝ၅ မိုင်ကို ရန်ကုန်နဲ့ မန္တလေးဘက်မှ ၁၂ ဘီးကား ၅ စီး၊ ၆ စီးဝန်းကျင် တင်ပို့ရောင်းချရပြီး ကန် ပိုက်တီးလမ်းကြောင်းသို့ ရွှေဘိုနဲ့ ကော လင်းအထက် နယ်တစ်ဝိုက်မှ နေ့စဉ် ၂ တန်၊ ၃ တန်ဝန်းကျင် တင်ပို့ရာင်းချမှုရှိ ကြောင်း သိရပါတယ်။ လတ်တလောတွင် မူဆယ် ၁ဝ၅ မိုင်ဘက်ဈေးမှာ ငါးရှဉ့် တစ်တန်ကို ကန်ဒေါ်လာ ၂၁၅ဝ ဈေးရှိ၍ ကန်ပိုက် တီးရှိ ဈေးနှုန်းမှာ တစ်ပိဿာ ကို ၃၂ ယွမ်ဈေးရှိကြောင်း သိရပါတယ်။ ဇူးဇူး
Background