စက်မှုနယ်မြေများနှင့် စက်မှုဇုန်များမှ ယာဉ်နှင့်စက်ကိရိယာ ထုတ်လုပ်မှုလုပ်ငန်းများ

 ဦးတင်မောင်ဝင်း၊ အုပ်ခုျပ်မှုဒါရိုက်တာ၊ ရူပသိဒ္ဓိလျှပ်စစ်မော်တော်ကားထုတ်လုပ်ရေးစက်ရုံ         'ကျွန်တော်တို့ ရူပသိဒ္ဓိကုမ္ပဏီကို ၂ဝဝ၃ ခုနှစ် မှာ စတင်တည်ထောင်ခဲ့ပါတယ်။ ကျွန်တော် ကိုယ်တိုင်ကအင်ဂျင်နီယာဖြစ်လို့ မော်တော်ကားထုတ်လုပ် ရေးကို အထူးစိတ်ဝင်စားပြီး အဆင့်ဆင့်စမ်းသပ်   တီထွင်မှုကို သုတေသန ပြုလုပ်ခဲ့ပါတယ်။ ၂ဝဝ၃ ခုနှစ်မှာတော့ စမ်းသပ်တဲ့အဆင့်ကိုပထမဦးစွာ ဆောင်ရွက်ခဲ့ပါတယ်။ သတ်မှတ်တဲ့စံချိန်စံညွှန်းများ ရရှိနိုင်ဖို့လည်း စက်မှု (၁) ဝန်ကြီးဌာနနှင့် ပူးပေါင်းပြီး စစ်ဆေးခံဆောင်ရွက်ခဲ့ပါတယ်။ စမ်းသပ်သုတေသနပြုရင်းနဲ့ပဲ လူစီးလို့ရအောင်၊ စံချိန်မီအောင် ဆောင်ရွက်လာနိုင်ခဲ့ပါတယ်။ ကျွန်တော်တို့ကားမှာလျှပ်စစ် ပိုင်းနဲ့ ဂျင်နရေတာပိုင်းဟာ အဓိကကျပါတယ်။ ၂ဝဝ၉ ခုနှစ်မှာ စမ်းသပ်မှုအောင်မြင်ပြီးပထမဦးဆုံးအနေ နဲ့ ဂေါက်ကွင်းသုံးကားအဖြစ် ထုတ်လုပ်နိုင်ခဲ့ပါတယ်။ လျှပ်စစ်ကားဆိုတော့ သာမန်ကား တွေလို မိုင်များ များ တောက်လျှောက်မောင်းနှင်နိုင်အောင် စမ်းသပ်သုတေသနပြုပြီးယခုအခါမှာတော့ တောက်လျှောက် ၁ နာရီ သုံးနိုင်ပါတယ်။ ၅ဝ ကီလိုမီတာနဲ့ ၁ဝဝ ကီလိုမီတာအထိတောက်လျှောက်မောင်းနှင်နိုင်ပြီး ဖြစ်ပါတယ်။ မကြာခင်မှာလည်း ၂ ယောက်စီး၊ ၄ ယောက်စီးဆလွန်းကားအထိထုတ်လုပ်နိုင်ဖို့ ရည်မှန်း ထားပြီး ဖြစ်ပါတယ်။ ကျွန်တော်တို့ရဲ့ကားတွေဟာ လျှပ်စစ်ဓာတ်အားကို အဓိကထားတဲ့အတွက် ပတ်ဝန်း ကျင်ညစ်ညမ်းမှု မရှိပါဘူး။ဈေးကွက်ရဲ့လိုအပ်ချက်အရ ထုတ်လုပ်ပေးနိုင် စွမ်းရှိပါတယ်။ယခုအခါ IMAX, EMAX, PMAX SERIES များကို ထုတ်လုပ်ရောင်းချနေပြီဖြစ်ပါတယ်။  CHERRY SERIES ဆိုတဲ့ ၁၅ ယောက်စီး မော်တော်ကားအဖြစ် ထုတ်လုပ်ဖို့ စမ်းသပ်ဆောင်ရွက်နေပါပြီ။         မန္တလေး နန်းတွင်းဂေါက်ကွင်း၊ မုံရွာဂေါက်ကွင်းတွေမှာ ၂ဝဝ၉ ခုနှစ်ကစပြီး သုံးစွဲနေပါပြီ။ မကြာခင်မှာနေပြည်တော်ရဲ့လမ်းမကြီး တွေပေါ်မှာ မြင်တွေ့ရတော့မှာဖြစ်ပါတယ်။ စိတ်ချရမှုနဲ့ ဈေးနှုန်းသက်သာတာတွေကြောင့်လည်း မြန်မာ့မီးရထား၊ ဟိုတယ်များ၊ အဆင့်မြင့်အိမ်ရာတွေမှာလည်း ကျွန်တော်တို့ ရဲ့ကားတွေကို အသုံးပြုနေပါပြီ။