ပဲစင်းငုံတင်ပို့မှု သြဂုတ်လမှာ သိသိသာသာပို ယခုနှစ် ပင်လယ်ရေကြောင်းက ပဲစင်းငုံတင်ပို့မှု လျော့ကျပေမဲ့ သြဂုတ်လမှာ တန်ချိန် ၁၃ဝဝဝခန့်ထိ တင်ပို့နိုင်ခဲ့လို့ ယခင်လတွေနဲ့ နှိုင်းယှဉ်ရင် သိသိသာသာပိုလာခဲ့ပါတယ်။ ယခုနှစ် ဇူလိုင်လမှာ တန်ချိန် ၅ဝဝဝ ခန့်သာတင်ပို့မှု ရှိခဲ့ပြီး ၂ဝဝ၉ ခုနှစ်ကာလတူ သြဂုတ်လတင်ပို့မှုတန်ချိန် ၆ဝဝဝခန့် ထက်လည်း ၁ဆကျော်တင်ပို့လာတာတွေ့ရပါတယ်။ ယခုတစ်ပတ်တင်ပို့မှုအနေနဲ့ တန်ချိန် ၂ဝဝဝကျော်သာရှိလို့ယခင်သီတင်းပတ်များလိုနည်းနည်းနဲ့မှန်မှန်သွားနေတာ ဖြစ်ပါတယ်။ဈေးကွက်တွေမှာအိန္ဒိယဝယ်လက်တွေဝယ် ယူမှုအခြေအနေက အနည်း အကျဉ်း ရှိနေတယ်လို့ သိရပါတယ်။ ရန်ကုန် FOB ဈေးအနေနဲ့ ယခင်တစ်ပတ် ဈေးအတိုင်း ပြောင်းလဲခြင်းမရှိဘဲ စက်တင်ဘာလ ၉ ရက်နေ့မှာ ပဲစင်းငုံနီ တစ်တန် ကို ရူပီး ၇၄ဝ-၇၅ဝ ၊ ပဲစင်းငုံဖြူနီနဲ့ အဖြူက တစ်တန်ကို ရူပီး ၆၄ဝ-၆၅ဝ ရှိကြောင်း သိရပါတယ်။ MIRT - MAPT
Background