မူဆယ် ပဲ၊ ပြောင်း၊ နှမ်းလယ်ယာထွက်ကုန် ကုန်စည်ဒိုင်အဖွဲ့ ရန်ကုန်ဘုရင့်နောင်ကုန်စည်ဒိုင်သို့ လေ့လာရေးခရီးလာရောက်ခဲ့ မြန်မာတရုတ်နယ်စပ်ရှိ မူဆယ်နမ့်ခမ်း ကုန်သည်များ အသင်းမှ ပဲပြောင်းနှမ်းလယ်ယာထွက်ကုန် ကုန်စည်ဒိုင်ဥက္ကဌ ဦးလှမောင်ဦးစီးသော ပဲပြောင်းနှမ်းကုန်စည်ဒိုင်နှင့် သစ်သီး ဝလံကုန်စည်ဒိုင်တို့မှ အဖွဲ့ဝင် (၁ဝ) ဦးပါ အဖွဲ့သည် ရန်ကုန် မြို့ ဘုရင့်နောင်ကုန်စည်ဒိုင်သို့ သြဂုတ်လ၊ ဒုတိယပတ် အ တွင်း လေ့လာရေး ခရီးလာရောက်ခဲ့သည်ဟု သတင်းရရှိ သည်။ ဘုရင့်နောင် ကုန်စည်ဒိုင် ဒုတိယဥက္ကဌ ဦးအုန်းဆိုင်မှ ကုန်စည်ဒိုင် အစည်းအဝေးခန်းမတွင် မူဆယ်ကုန်စည်ဒိုင် လေ့လာရေးအဖွဲ့အား လက်ခံ တွေ့ဆုံပြီး ကုန်စည်ဒိုင် ဖြစ်ပေါ်လာမှု အခြေအနေ၊ ကုန်စည်ဒိုင်၏ သင်းဖွဲ့ စည်းမျဉ်း များ၊ အသင်းဝင် ၄ဝဝဝ ကျော်ဖြင့် လုပ်ငန်း ဆောင်ရွက်မှု၊ အသင်းသားလက်ခံသည့် စည်းမျဉ်းများ အမှုဆောင် ၄၇ ဦးအား တာဝန်ချထားမှု၊ ကုန်ဈေးနှုန်းထုတ်ပြန် အတည်ပြုမှု၊ များ၊နေ့စဉ်ရောင်းဝယ်ရေးဆောင်ရွက်မှုနှင့် ရောင်းဝယ်မှု ဆိုင်ရာပေါ်ပေါက်လာသော ပြဿနာများ ကိုဖြေရှင်းပေးမှု များအား အသေးစိတ်ရှင်းလင်းပြောကြားခဲ့သည်။ မူဆယ်ကုန်စည်ဒိုင်အသင်း ဥက္ကဌမှ မူဆယ်ကုန်စည်ဒိုင် အား လွန်ခဲ့သော တစ်နှစ်ကျော်ကမှသာ ဖွဲ့စည်းထား ခြင်း ဖြစ်ကြောင်း၊ မိမိပြည်တွင်းမှာဈေးကွက်ဖြစ်ပေါ်ရေး ကြိုးပမ်း ဆောင်ရွက်နေမှုအခြေအနေ၊ လောလောဆယ် မန္တလေး ကုန်စည်ဒိုင်နဲ့ နေ့စဉ်ဈေးနှုန်း သတင်းထုတ်ပြန် ချိတ်ဆက် ထားရှိမှုအခြေအနေများကို ရှင်းလင်းပြောကြားပြီး နောင် ရန်ကုန် ကုန်စည်ဒိုင်နှင့်လည်း ချိတ်ဆက် ဆောင်ရွက်သွားလို ကြောင်း ပြောကြားခဲ့သည်ဟုသိရသည်။ မူဆယ်ကုန်စည်ဒိုင် မှ လေ့လာရေးအဖွဲ့ဝင်များသည် လုပ်ငန်း ဆောင်ရွက်ချက် များ ရောင်းဝယ်မှုအခြေအနေနဲ့ ကုန်စည်ဒိုင်မှကောက်ခံမှု နှုန်းထားများ အငြင်းပွားမှုပြဿနဖြေရှင်းမှု များအား အသေး စိတ်မေးမြန်းကာ ကုန်စည်ဒိုင်အတွင်း ရောင်းဝယ်မှု အခြေ အနေများကို လေ့လာခဲ့ကြကြောင်း သတင်းရရှိသည်။ MIRT (DOBT)
Background