အနာဂတ်တွင် ပိုမိုဖွံ့ဖြိုးတိုးတက်လာမည့် ကုန်သွယ်မှုအတွက် ဆိပ်ကမ်းဝန်ဆောင်မှု အခြေခံအဆောက်အအုံများ ကုန်သွယ်မှုကို နိုင်ငံတစ်ခုဖွံ့ဖြိုးတိုးတက်ရေးအတွက် အင်ဂျင်စက်သဖွယ် တင်စားကြသည်။ ကုန်သွယ်မှုလုပ်ငန်းများ ဖွံ့ ဖြိုးတိုးတက်အောင် ဆောင်ရွက်ကြရာတွင် ပင်လယ်ရေကြောင်းဖြင့်် ကုန်သွယ်မှုသည် နိုင်ငံတိုင်းတွင် အဓိက အရေးပါလျှက်ရှိသည်။ မြန်မာနိုင်ငံအနေဖြင့်လည်း နှစ်စဉ်နိုင်ငံတကာနှင့် တိုးမြှင့်ကုန်သွယ်လျှက်ရှိရာ ပင်လယ်ရေကြောင်းဖြင့်ကုန်သွယ်မှု ပမာဏသည် နှစ်စဉ် ကုန်သွယ်မှုစုစုပေါင်း၏ ၈၅ရာခိုင်နှုန်းကျော်ရှိသည်ကို တွေ့ရသည်။ ထို့ကြောင့် နိုင်ငံတော်အစိုးရအနေဖြင့် ပင်လယ်ရေကြောင်း ပို့ဆောင်ရေး အခြေခံအဆောက်အအုံများဖြစ်သည့် ဆိပ်ခံတံတားများ၊ ကုန်သေတ္တာလွင်ပြင်နှင့် ကုန်သေတ္တာစခန်းများကိုတည်ဆောက်ပေးခဲ့သည်။ မြန်မာနိုင်ငံတွင် ပင်လယ်ဆိပ်ကမ်း ထွက်ပေါက်များအဖြစ် ပြည်နယ်နှင့် တိုင်းဒေသကြီးအလိုက် (၅)ခုရှိသည်။ ယင်းတို့မှာ-ရန်ကုန်တိုင်းဒေသကြီးတွင် - ရန်ကုန်ဆိပ်ကမ်း၊ ရခိုင်ပြည်နယ်တွင် - စစ်တွေ၊ ကျောက်ဖြုူ၊ သံတွဲ၊ ဧရာဝတီတိုင်းဒေသကြီးတွင် - ပုသိမ်၊ မွန်ပြည်နယ်တွင် - မော်လမြိုင်၊ တနင်္သာရီတိုင်းဒေသကြီးတွင်-ထားဝယ်၊မြိတ်၊ကော့သောင်း တို့ဖြစ်သည်။၁၉၈၈ ခုနှစ်အရှေ့ပိုင်းတွင် ဆိပ်ခံတံတား ၁၃ ခုရှိခဲ့ရာမှ ယခုအခါ ဆိပ်ခံတံတား ၂၈ ခုအထိရှိလာပြီ ဖြစ်သဖြင့် ဆိပ်ခံတံတား ၁၅ ခု တိုးတက်ခဲ့သည်။ ထို့အပြင် ၁၉၈၈ ခုနှစ်ရှေ့ပိုင်းတွင်မရှိခဲ့သော ကုန်းတွင်း ကုန်သေတ္တာလွင်ပြင်နှင့် ကုန်သေတ္တာစခန်း ၃ ခု တည်ဆောက်လုပ်ကိုင်လာနိုင်ခဲ့သည်။ ရန်ကုန်မြို့ရှိဆိပ်ကမ်းများ (၁) ထီးတန်းဆိပ်ကမ်း (Berth) (၂) ထီးတန်းဆန်ဆိပ်ကမ်း (Berth) (၃) အလုံဆိပ်ကမ်း (Wharves) (က) အမှတ် (၁) (ခ) အမှတ် (၂) (ဂ) အမှတ် (၃) (၄) မြန်မာစက်မှုဆိပ်ကမ်း (၅) ဆူးလေဘုရားဆိပ်ကမ်း (က) အမှတ် (၁) (ခ) အမှတ် (၂) (ဂ) အမှတ် (၃) (ဃ) အမှတ် (၄) (င) အမှတ် (၅) (စ) အမှတ် (၆) (ဆ) အမှတ် (၇) (၆) ကျန်းမာရေးဆိပ်ကမ်း (Jetty) (၇) ဗိုလ်အောင်ကျော်ဆိပ်ကမ်း (က) အမှတ် (၁) (ခ) အမှတ် (၂) (ဂ) အမှတ် (၃) (၈) သာကေတဆိပ်ကမ်း(Wharves) (က) အမှတ် (၁) (ခ) အမှတ် (၂) (၉) မြန်မာအင်တာနေရှင်နယ်သီလဝါဆိပ်ကမ်း (၁ဝ) မြန်မာအင်တီဂရိတ်တက်သီလဝါဆိပ်ကမ်း
Background