အိန္ဒိယကာနာတာကာမှာ ပဲစင်းငုံစိုက်ပိုျးမှု ၂ ဆကျော်ပိုမို အိန္ဒိယနိုင်ငံ ပဲစင်းငုံစိုက်ပိုျးမှု စုစုပေါင်းရဲ့ ၂ဝ ရာခိုင်နှုန်းစိုက်ပိုျးတဲ့ ကာနာတာကာရဲ့ အဓိကစိုက်ပိုျးတဲ့ ဒေသများမှာ အချိန်မှန် မိုးရွာသွန်းပြီး မိုးအလုံအလောက်ရရှိတာကြောင့် ယခုနှစ်အမြောက်အများထွက်ရှိမယ်လို့ ဆိုပါတယ်။ စိုက်ဧရိယာ အနေနဲ့ ယခင်နှစ်က ဟက်တာ ၃၅ဝဝဝဝ ရှိခဲ့ရာမှ ယခုနှစ်မှာ ၂ ဒသမ ၃ ဆပိုမိုပြီး ဟက်တာ ၈၃၃ဝဝဝ ထိစိုက်ပိုျးလာတာကြောင့် အထွက်မြင့်တက် မယ်လို့ မျှော်မှန်းခြင်းဖြစ်ပါတယ်။ ပြည်နယ်စိုက်ပိုျးရေးဌာနပြောကြားချက်အရ ဇွန်နဲ့ ဇူလိုင်လအတွင်း နေရာအနံှ့အပြား မိုးရွာတာကြောင့် စိုက်ဧရိယာ ပိုမိုလာခြင်း ဖြစ်တယ်လို့ ဆိုပါတယ်။ ဒါ့အပြင် ဆီထွက်သီးနံှများအစား ပဲစင်းငုံနဲ့ အခြားသက်တမ်းတို သီးနံှတွေဖြစ်တဲ့ ပဲတီစိမ်းနဲ့ မတ်ပဲကို အမြောက်အများပြောင်းလဲစိုက်ပိုျးလာကြတယ်လို့ ဆိုပါတယ်။ ၂ဝဝ၉-၂ဝ၁ဝ မှာ မိုးရွာသွန်းမှုနှေးကွေးခဲ့ပြီး စက်တင်ဘာမှ မိုးသည်းထန်စွာရွာသွန်းမှုကြောင့် ထုတ်လုပ်မှု ကျဆင်းခဲ့ပေမဲ့ ယခုနှစ် မှာတော့ ပမာဏအမြောက်အများထွက်ရှိမယ်လို့ မျှော်လင့်ထားပါတယ်။ လယ်မြေ တစ်ဟက်တာကို ပျမ်းမျှ ထွက်ရှိမှု တန်ချိန် ဝ ဒသမ ၅ တန်နှုန်းနဲ့ ယခုနှစ်မှာ တန်ချိန် ၄ ဒသမ ၁ သိန်း ဝန်းကျင် ထွက်ရှိနိုင်ဖွယ်ရှိလို့ ယခင်နှစ်ထွက်ရှိတဲ့ တန်ချိန် ၁ ဒသမ ၆ သိန်းထက် ၂ ဒသမ ၅ ဆပိုမိုမယ်လို့ ဆိုပါတယ်။ ဒါပေမဲ့ အမှန်တကယ်ထုတ်လုပ်မှုကတော့ နောက်ထပ်ရွာသွန်းမယ့်မိုး၊ ဓါတ်မြေသြဇာထည့်သွင်းမှုစတဲ့ အခြားအကြောင်းအရာ တွေပေါ်မှာ မူတည်တာဖြစ်လို့ သီးနံှထွက်ရှိမှုကို ခန့်မှန်းဖို့စောနေပါသေးတယ်။ အဓိကစိုက်ပိုျးတဲ့ ဂူဘာကာ ခရိုင်မှာ ယခုနှစ်မိုးပိုမိုရွာ သွန်းခဲ့ပြီးဖြစ်လို့ လယ်သမားများဟာ ပေါင်းပင်ထခြင်း ပြဿနာနဲ့ ကြုံတွေ့နိုင်ပြီး ထုတ်လုပ်မှုကို ထိခိုက်စေနိုင်တယ်လို့ ကာနာတာကာစိုက်ပိုျးထုတ်လုပ်သူများအသင်း ဥက္ကဌ Basavaraj Ingin ကပြောကြားပါတယ်။ ယမင်းခင် Sources: business standard
Background