တစ်ပတ်အတွင်း မြန်မာ့ရွှေဈေး ကျပ်တစ်သောင်းကျော်ကျဆင်းခဲ့

    မြန်မာ့ရွှေဈေးသည်  တစ်ပတ်အ တွင်း ကျပ်တစ်သောင်းကျော်ကျဆင်း ခဲ့ကြောင်း သိရသည်။ မေ ၂၁ ရက်က မြန်မာ့ရွှေ  ဈေးသည် ကျပ် ၇၀၄၈၀၀ ကျပ်ရှိခဲ့ရာမှ မေ ၂၃ ရက်တွင် ကျပ် ၆၉၃၅၀၀ သို့ ကျဆင်းခဲ့ရာ တစ်ပတ် အတွင်း ကျပ်တစ်သောင်းကျော် ကျ ဆင်းခဲ့ခြင်းဖြစ်သည်။ထိုရက်ပိုင်းမှ စတင်ကာ မြန်မာ့ရွှေ ဈေးသည် နေ့စဉ်အတက်အကျများဖြင့် ရှိနေခဲ့ရာ  ဒေါ်လာဈေးတက်လာမှု ကြောင့်မြန်မာ့ရွှေဈေးကျဆင်း လာရခြင်း ဖြစ်ကြောင်း ရွှေဈေးကွက်အတွင်းသုံး သပ်လျက်ရှိသည်။ထိုကဲ့သို့ ရွှေဈေးများ ကျဆင်းလာ ခဲ့သော်လည်း ရွှေအရောင်းအဝယ်မှာ မူ ပုံမှန်အတိုင်းသာရှိနေကြောင်း သိရ သည်။ သို့သော်  ဒုံးဝယ်ခြင်းထက် အ ထည်ကိုသာဝယ်သူပိုမိုများပြားကြောင်း   သိရသည်။"ရွှေဈေးက ဒီတစ်ပတ်ထဲမှာ ဆက် တိုက်ဆိုသလိုပဲကျလာတယ်။ ရက်ပိုင်း အတွင်းမှာ ကျပ်တစ်သောင်းကျော် ကျ ဆင်းတယ်ဆိုတာကမ္ဘာ့ရွှေဈေး ကလည်း လိုက်ကျသလို ဒေါ်လာတန်ဖိုးမြင့်လာ တော့ ရွှေဈေးက ကျလာတာပဲ။ ရွှေ ဈေးက တစ်ပတ်အတွင်းမှာ တည်ငြိမ်မှု မရှိတော့ ဝယ်ရောင်းတွေက လှုပ်ရှားမှု နည်းတယ်။  မရောင်းမဖြစ်တဲ့သူတွေ လောက်ပဲ ရောင်းကြတာ။ အထည်ကို ဝယ်တဲ့သူတွေကတော့ ရွှေဈေးကျလာ ပြီဆိုတာနဲ့ ဝယ်ကြတာပဲ။ ကားဈေး ကွက်ကြောင့်လည်း ပါတာပေါ့။ ကား ဈေးကွက်တွေ ပျက်နေကတည်းက ရွှေ ဈေးကွက်ကလည်း လှုပ်နေတာပဲ'' ဟု ရွှေကုန်သည်တစ်ဦးက ပြောသည်။မြန်မာ့ရွှေဈေးကွက်သည်  တည် ငြိမ်မှုမရှိဘဲ နေ့စဉ်အပြောင်းအလဲများ  များစွာဖြစ်ပေါ်နေခြင်းကြောင့် ရွှေဈေး ကွက်အတွင်း ဝယ်ရောင်းလုပ်သူ များ အတွက်  ထိခိုက်မှုများရှိနေကြောင်း  ရွှေကုန်သည်တစ်ဦးက ဆိုသည်။" မြန်မာ့ရွှေဈေးကွက်မှာ တစ်ပတ် နဲ့တစ်ပတ်ကိုအစိုးမရဘူးလို့ပြောရမယ်။ ဒီနေ့ဒီဈေးဆိုပေမယ့် နောက်နေ့ဈေး ဖွင့်တဲ့အခါကျတက်တာက နည်းပါတယ်။ တက်ရင် ၁၀၀၀ နဲ့ ၅၀၀၀ကြား ပဲ၊ အဲ ကျပြီဆိုရင်တော့    ၁၀၀၀၀ ကျော် လောက်အထိ ကျသွားတာ။  ကျမယ် ထင်ပြီး ဆက်စောင့်နေတော့ နောက် နေ့ကျတော့ ပြန်တက်လာပြန်ရော။ ဒါ ကြောင့် ရွှေဝယ်ရောင်းလုပ်တဲ့သူတွေ  အတွက် ထိခိုက်မှုတွေရှိနေတာပါ''ဟု ဆိုသည်။                 မယ်သီတာ