ကမ္ဘောဒီးယားနိုင်ငံသည် ၂၀၂၅ ခုနှစ် ဇန်နဝါရီလမှ သြဂုတ်လအတွင်း အထည်အလိပ်၊ အဝတ်အထည်၊ ဖိနပ်နှင့် ခရီးသွား အထောက်အကူပြုပစ္စည်း၊ စုစုပေါင်း အမေရိကန် ဒေါ်လာ ၁၀ ဒသ မ ၉၇ ဘီလီယံ တန်ဖိုး တင်ပို့ခဲ့ရာ ယခင်နှစ် အလားတူအချိန်က တင်ပို့ခဲ့သည့် ဒေါ်လာ ၉ဒသမ၂၁ ဘီလီယံ နှင့် နှိုင်းယှဉ်ပါက ၁၉ ရာခိုင်နှုန်း တိုးတက်ခဲ့ကြောင်း စက်တင် ဘာ ၁၉ ရက် ထုတ်ပြန်သော တရားဝင် အချက်အလက်များ အရ သိရသည်။
ဇန်နဝါရီလမှ သြဂုတ်လ ကာလအတွင်း အမေရိကန် ဒေါ်လာ ၇ဒသမ၇၃ ဘီလီယံတန်ဖိုးရှိ အထည်အလိပ်များကို တင်ပို့ခဲ့ပြီး ယခင်နှစ်ကထက် ၁၉ ရာခိုင်နှုန်းတိုးတက်ခဲ့သည်။ အမေရိကန်ဒေါ်လာ ၄၄၉ သန်း တန်ဖိုးရှိ အထည်အလိပ်များကို နိုင်ငံတကာဈေးကွက်သို့ တင်ပို့ခဲ့ပြီး ၃၅ ရာခိုင်နှုန်းတိုးတက် ခဲ့သည်။
အမေရိကန်ဒေါ်လာ ၁ ဒသမ ၄ ဘီလီယံတန်ဖိုးရှိ ဖိနပ် များတင်ပို့ရာတွင် ၂၈ ရာခိုင်နှုန်းတိုးတက်ခဲ့ပြီး ခရီးသွားသုံးပစ္စည်း များနှင့် အိတ်များ အမေရိကန်ဒေါ်လာ ၁ ဒသမ ၃၉ ဘီလီယံ တန်ဖိုးရှိ ပစ္စည်းများကို နိုင်ငံတကာ ဈေးကွက်သို့ ရောင်းချခဲ့ရာ ၆ ရာခိုင်နှုန်းနီးပါး တိုးတက်ခဲ့ကြောင်း သိရသည်။
အထည်ချုပ်၊ အထည်လိပ်၊ ဖိနပ်နှင့် ခရီးသွားလုပ်ငန်းသုံး ပစ္စည်းများသည် ကမ္ဘောဒီးယားနိုင်ငံအတွက် အကြီးမားဆုံး သော နိုင်ငံခြားဝင်ငွေရှာပေးသည့် လုပ်ငန်းများဖြစ်ကြောင်း သိရသည်။ Source : Xinhua
DOCA(ရန်ကုန်)၊ ကျော်မြင့်ဦး