ချီကာကိုပဲပုပ်ဆီဈေးကျဆင်းလို့ စားအုန်းဆီကြမ်းဈေးလည်း လျော့လာ ကုန်စည်ဈေးကွက်အများစုမှာ ရင်းနှီးမြှုပ်နံှသူတွေက ၎င်းတို့ရင်းနှီး မြှုပ်နံှထားတဲ့ ကုန်စည်တွေ ရှင်းထုတ်နေခြင်းနဲ့ အတူ ဈေးနှုန်းကျဆင်းလာတာကြောင့် ဖေဖော်ဝါရီလ ၂၃ ရက်၊ မလေးရှားကုန်စည်ဒိုင်မှာ စားအုန်းဆီကြမ်းဈေး လည်း အကျနဲ့ ပိတ်ခဲ့တယ်လို့ သိရပါတယ်။ မလေးရှားဘာစာကုန်စည်ဒိုင်မှာ မေလစာခုျပ် အခြေခံဈေးဟာ တစ်တန်ကို ရင်းဂစ် ၁၅၅ (ကန်ဒေါ်လာ ၅ဝ ဒသမ ၇၃) ကျဆင်းပြီး တစ်တန် ရင်းဂစ် ၃၅၁၄ (ကန်ဒေါ်လာ ၁၁၅ဝ) ဖြစ်ခဲ့တယ် လို့ သိရပါတယ်။ ချီကာကိုမှာ ပဲပုပ်ဆီကြိုပွိုင့်ဈေးက ၄ ဒသမ ၄ ရာခိုင်နှုန်းကျဆင်းပြီး တစ်ပေါင်ကို ကန်ဒေါ်လာ ၅၃ ဒသမ ၉၉ ဆင့် (တစ်တန် ကန်ဒေါ်လာ ၁၁၈၉ ဒသမ ၉၃) ဖြစ်ခဲ့တာကြောင့်လည်း စားအုန်းဆီကြမ်းဈေး ပိုမိုကျဆင်း လာတာ ဖြစ်ပါတယ်။ မလေးရှားနိုင်ငံရဲ့ စားအုန်းဆီအဓိကစိုက်ပျိုးတဲ့ဒေသတွေမှာ မိုးပါးသွား တာ ကြောင့် ဖေဖော်ဝါရီလ ထုတ်လုပ်မှုဟာ ယခင်လနဲ့ နှိုင်းယှဉ်ရင် ၅ ရာခိုင်နှုန်း၊ ၆ ရာခိုင်နှုန်းခန့်မြင့်တက်လာမယ့် အခြေအနေကလည်း စားအုန်းဆီဈေးကို ကျဆင်းဖို့ အထောက်အပံ့ဖြစ်စေတယ်လို့ စင်ကာပူအခြေစိုက် ကုန်သည်တစ်ဦးက ဆိုပါတယ်။ ဇန်နဝါရီလမှာ စားအုန်းဆီတန်ချိန် ၁ ဒသမ ဝ၆ သန်းထုတ်လုပ် ခဲ့တယ်လို့ မလေးရှားစားအုန်းဆီအဖွဲ့ရဲ့ စာရင်းတွေအရ သိရပါတယ်။ မလေးရှားနဲ့ အင်ဒိုနီးရှားမှာ စားအုန်းဆီထုတ်လုပ်မှု တဖြည်းဖြည်းမြင့်တက်လာခြင်း ကြောင့် လည်း စားအုန်းဆီဈေး ကျဆင်းလာတာပါလို့ မလေးရှားစားအုန်းဆီထုတ်လုပ်တဲ့ ကွာလမ်လာပူ Kepong Bhd ရဲ့ အမှုဆောင်အရာရှိ Lee Oi Hian က ပြောကြား ပါတယ်။ ရေနံအဓိကထုတ်လုပ်တဲ့ လစ်ဗျားမှာ မငြိမ်မသက်ဆက်ဖြစ်နေဦးမယ် ဆိုရင် ရေနံဈေးနှုန်းပိုမိုမြင့်တက် လာဦးမှာ ဖြစ်သလို ရေနံနဲ့ အပြိုင် ဘိုင်အိုဒီဇယ် အသုံးပြုတဲ့ စားအုန်းဆီဈေးလည်း လိုက်ပါမြင့်တက်ဦးမယ်လို့ စင်ကာပူ အခြေစိုက် ကုန်သည်တစ်ဦးက ဆိုပါတယ်။ ဒါပေမဲ့ လောလောဆယ်မှာတော့ အများသူငါ တွေက သတိထားနေကြလို့ ဈေးကွက်အတွင်း ရောင်းချသူများပြီး နိုင်ငံရေးတည်ငြိမ် ချိန်ထိ ဝယ်ယူမှုတို့ စောင့်ဆိုင်း နေကြတယ်လို့လည်း ၎င်းက ထပ်လောင်းပြောကြား ပါတယ်။ ဧပြီ၊ မေ၊ ဇွန်အတွက် စားအုန်းဆီခဲဈေးမှာ တစ်တန်ကို ကန်ဒေါ်လာ ၁၂ဝဝ မှ ၁၂ဝ၅ ရှိပြီး ချက်ချင်း တင်ပို့ရမယ့် စားအုန်းဆီကြမ်းဈေးမှာ တစ်တန်ကို ရင်းဂစ် ၁၃ဝ ကျဆင်းပြီး ရင်းဂစ် ၃၆၂ဝ (ကန်ဒေါ်လာ ၁၁၈၅) ဈေးရှိတယ်လို့ သိရပါတယ်။ ယုဇန၊Source: palmoilhq.com
Background