ရက်သတ္တပတ်အလိုက် ရွှေဈေး ဒုတိယအကြိမ်ကျ

ရက်သတ္တပတ်အလိုက် ရွှေဈေး ဒုတိယအကြိမ်ကျ                     ယူရိုဇုန်ရဲ့ ဘဏ္ဍာရေးအကျပ် အတည်းက သောင်မတင် ရေမကျရှိနေ ဆဲဖြစ်ပါတယ်။ ဒါပေမယ့် ဇွန် ၁၇ရက် ကမ္ဘာ့ရွှေဈေးက အနည်းငယ်အေးလာ ပါတယ်။ ငွေသတ္တုဈေးကလည်း တတိယမြောက် ရက်သတ္တပတ်အဖြစ် ဆက်ကျနေပါတယ်။ စင်ကာပူစံတော်ချိန် ဇွန် ၆ရက် နေ့လယ် ၁နာရီ ရွှေ လက်ငင်းဈေးက တစ်အောင်စကို ၁၅၄၂ ဒသမ ၆၆ ဒေါ်လာနှုန်းရှိပါတယ်။ ဒါပေမယ့် နယူးယောက်ဒိုင် Comex  ဌာနခွဲမှာ အလားတူအချိန်မှာ ပဲ သြဂုတ်ကြိုပွိုင့်ဈေးက တစ်အောင်စ ကို ၁၅၂၇ ဒသမ ၇၃ ဒေါ်လာနှုန်းရှိ ပါတယ်။                       ဒေါ်လာတန်ဖိုးပြန်လည်ဦးမော့လာတာက ရွှေဈေးကျဆင်းစေနိုင်ပြီး ယူရို၏ ဇုန်အကျပ်အတည်းကလည်း ယခုရက် သတ္တပတ်အတွင်း ရွှေဈေးကို မြှင့်တင် ပေးနိုင်မဲ့ အလားအလာမရှိဘူးလို့ ဆန်း စစ်သူတွေက သုံးသပ်ပါတယ်။ လာမဲ့ ရက်သတ္တပတ်မှာတော့ ဇွန် ၂၂ ရက်မှာ ထုတ်ပြန်မဲ့ အမေရိကန်ဗဟိုဘဏ်ရဲ့ လွတ်လပ်တဲ့ ဈေးကွက်ကော်မတီရဲ့ အတိုးနှုန်းဆုံးဖြတ်ချက်ကို ရင်းနှီးမြှုပ်နံှ သူတွေက စောင့်ကြည့်လေ့လာလိမ့် မယ်လို့ ခန့်မှန်းပါတယ်။                  ရွှေကို အဓိက ကျောထောက် နောက်ခံပြုထားတဲ့ နယူးယောက်က SPDR Gold Trust  က အလားတူကာလအတွင်းမှာ အပြောင်းအလဲမရှိ  ထိန်းထားပါတယ်။ လက်ငင်းရောင်းတဲ့ ငွေသတ္တုဈေးကလည်း ယခုရက် သတ္တ ပတ်အတွင်းမှာ ၂ ဒသမ ၁ ရာခိုင်နှုန်း ကျဆင်းပြီး တတိယမြောက် ရက်သတ္တ ပတ်အဖြစ် ဆက်လက်ကျဆင်းနိုင်ပါတယ်။ ငွေဈေးက တစ်အောင်စကို ၃၅ ဒသမ ၄၂ ဒေါ်လာနှုန်းရှိတဲ့အတွက် ဧပြီကရှိခဲ့တဲ့ တစ်အောင်စ ၄၉ ဒသမ ၅၂ ဒေါ်လာ စံချိန်တင်နှုန်းအောက် ကျ ဆင်းနေပါတယ်။ ဉာဏ်တင် Source:commodityonline.com