ဧရာဝတီမြစ်ရေတက်၍ ရေလမ်းကောင်းခြင်းကြောင့် ရန်ကုန်မြို့နှင့် ဧရာဝတီတစ်ကြောရှိ မြို့များသို့ အုန်းချော ကျောက် များအား သင်္ဘောဖြင့်နေ့စဉ်တင်ပို့မှုရှိ ပြင်ဦးလွင် - မန္တလေး ကားလမ်းမဘေး၊ အုန်ချောကျေးရွာရှိ ကျောက်ထုတ်လုပ်ရေးလုပ်ငန်းများမှ ထွက်ရှိ သည့် ကျောက်တုံးနှင့် ကျောက်မှုန့်များအား ရေလမ်းကောင်းခြင်းကြောင့် ရန်ကုန်မြို့နှင့် ဧရာဝတီမြစ်တစ်ကြောရှိ မြို့ များသို့ သင်္ဘောဖြင့် နေ့စဉ်တင်ပို့လျက် ရှိကြောင်း ကျောက်ထုတ်လုပ်ရေးလုပ်ငန်းကုမ္ပဏီတစ်ခုမှ သိရပါတယ်။ ''ရေတက်လာတော့ ရေလမ်းကြော ပွင့်နေလို့ ရန်ကုန်နှင့် ဧရာဝတီ မြစ်တစ်ကြောက အဆွဲများနေတယ်။ မောင်းကုန်းက နီကယ်စက်ရုံလည်း ပို့ရ တယ်။ မိုးတွင်းကာလမှာ မြို့ပေါ်က အဆွဲနည်းပြီး ရေလမ်းကြောင်းကတစ်ဆင့် အောက်ဘက်က အဆွဲများနေ တာ။ သင်္ဘောတစ်စီးကို ကျောက်တုံး ကျင်း ၂ဝဝ နှင့် ၃ဝဝ ကြား တင်ပို့ရတယ်။ သင်္ဘောတစ်စင်း ထွက်ရင်လမ်း မှာ ၃ - ၄ရက်ကြာတယ်။ ကျောက်တုံး ဈေးနှုန်းကတော့ အပြောင်းအလဲ မရှိဘူး''လို့ ကျောက်ထုတ်လုပ်ရေး လုပ်ငန်း ရှင်တစ်ဦးက ပြောပါတယ်။ အုန်းချောထွက် ကျောက်ဈေးနှုန်း များမှာ ဈေးအပြောင်းအလဲမရှိ၍ ကျောက်မှုန့် တစ်ကျင်းလျှင် ၁၇ဝဝဝ ကျပ်၊ ဘီကျောက်တစ်ကျင်းလျှင် ကျပ် ၂ဝဝဝဝ၊ သုံးမူးကျောက် တစ်ကျင်းလျှင် ၃၇ဝဝဝ ကျပ်၊ ချီပင်ကျောက်တစ်ကျင်း လျှင် ၃၇ဝဝဝ ကျပ်၊ ၆ လက်မ x ၉ လက်မဆိုက် ကျောက်တစ်ကျင်းလျှင် ၂၂ဝဝဝ ကျပ်ဖြင့် မြို့တွင်းအရောက် တင်ပို့ရောင်းချလျက်ရှိပြီး ယခုအခါ သင်္ဘောဆိပ်များသို့ပါ တင်ပို့ရောင်းချ ရကြောင်း သိရပါတယ်။ ဇူးဇူး
Background