၂ဝ၁၁ ခုနှစ် ပထမခြောက်လအတွင်း ကမ္ဘာ့စိန်ဈေးနှုန်း ၂၆ ရာခိုင်နှုန်း မြင့်မားခဲ့ ၂ဝ၁၁ ခုနှစ်အတွင်း တရုတ်နဲ့ အိန္ဒိယမှ စိန်ဝယ်လိုအားမြင့်လာပြီး ဈေးနှုန်း ၅ ဆမြင့်တက်ခဲ့ရာ ရွှေဈေးမြင့်မားတဲ့နှုန်းထက် ပိုမြန်နေကြောင်း သိရပါတယ်။ ယခုနှစ်မေလအတွင်း ရွှေတစ်အောင်စကို ၁၅၇၇ဒသမ ၅၇ဒေါ်လာအထိ ရောက်ရှိ ရာ စံချိန်သစ်တင်မြင့်မားခဲ့တဲ့ ဈေးနှုန်းက ယခုနှစ်အတွင်း ၅ ဒသမ ၆ ရာခိုင်နှုန်း သာ တိုးတက်ခဲ့သော်လည်း ကမ္ဘာ့စိန်ဈေးနှုန်းမှာ ၂၆ ရာခိုင်နှုန်း မြင့်မားခဲ့ပါတယ်။ တရုတ်နဲ့ အိန္ဒိယမှ အလယ်အလတ်တန်းစား လူတန်းစားတွေရဲ့ လက်ဝတ်ရတနာ ဝယ်လိုအားမြင့်မားလာခြင်းက စိန်ရိုင်းထုတ်လုပ်မှုပမာဏထက် ပိုမိုခဲ့ရာ စိန်ဈေး ရုတ်တရက်ထိုးတက်သွားတယ်လို့ သိရပါတယ်။ စိန်ဈေးမြင့်မားတဲ့အပြင် လာမဲ့ ၅ နှစ်အတွင်း စိန်တွင်းအသစ်တွေ မရှိနိုင်လို့ စိန်ရိုင်း ရောင်းလိုအားက တိုးတက်လာတဲ့ တရုတ်နဲ့ အိန္ဒိယရဲ့ ဝယ်လိုအားကို ဖြည့်ဆည်းပေးနိုင်မယ်မထင်ကြောင်း၊ ဒါကြောင့် စိန်ဈေး သိသိသာသာ မြင့်မား လာမှာဖြစ်ကြောင်း RBC Capital Markets Ltd မှ ပြောကြားပါတယ်။ စီးပွားရေးအားကောင်းလာတဲ့ တရုတ်နိုင်ငံက စိန်ဝယ်လိုအားမြင့်မားမှုကြောင့် ကမ္ဘာမှာ အမေရိကန်ပြီးရင် ဒုတိယမြောက်စိန်ဝယ်ယူမှု အများဆုံးနိုင်ငံဖြစ်လာတယ်။ ဒါကြောင့် ယခင်က ကမ္ဘာ့စိန်ဝယ်ယူမှု အများဆုံးနိုင်ငံတွေမှာ ဒုတိယနေရာ ယူထားတဲ့ ဂျပန်နိုင်ငံက တတိယနေရာကို ရောက်ရှိသွားပြီဖြစ်ပါတယ်။ Source:Bloomberg.com, ပပ
Background