ရှမ်းပြောင်းတွေလည်း ဈေးကွက်ကို အဝင်များနေပါပြီ။ အောက်တို ဘာလအထိ ပြောင်းသစ်တွေက အစိုဓာတ်ကြောင့် ဝယ်ယူမှုနည်းပြီး၊ လက်ကျန်အဟောင်းတွေသာ အရောင်းအဝယ်ဖြစ်နေခဲ့ပါတယ်။ ဒီနှစ်ပြောင်း အထွက်က မနှစ်ကလိုပဲ ပုံမှန်သာရှိပါတယ်။ ဒါပေမယ့် ဒီနှစ်က သယ်ယူခ တွေ ဈေးမြင့်တာကြောင့် ဝယ်ဈေးကိုချပြီး၊ ဝယ်ယူနေရတယ်လို့ သိရပါတယ်။ နယ်အစုံကထွက်ပြီဖြစ်လို့ ဈေးကွက်ကို အဝင်များလာပြီး၊ တစ်ရက် ကို ပိဿာချိန် တစ်သိန်းကျော်ဝင်တယ်လို့ သိရပါတယ်။ အစိုဓာတ် အနည်း ငယ်ကျန်နေသေးတာကြောင့် လှောင်လက်တွေ ဝယ်မလှောင်သေးပေမယ့် အစာစပ်ကုမ္ပဏီတွေက ဝယ်ယူနေတာရယ်။ ရန်ကုန်၊ မန္တလေးဝယ်လက် တွေ ဝယ်ယူနေတာကြောင့် အရောင်းသွက်နေပြီး တစ်ပတ်ကို ပိဿာချိန် ၁၀ သိန်းခန့်အရောင်းအဝယ်ဖြစ်နေပါတယ်။ စပေါ်ကာစ စက်တင်ဘာလ မှာ ပြောင်းအသစ်က တစ်ပိဿာ ၂၀၀ ကျပ်နဲ့ ဈေးကွက်ကိုစဝင်လာပြီး အောက်တိုဘာ၊ နိုဝင်ဘာလလယ်အထိ ဈေးက တစ်ပိဿာ ၂၁၀ ကျပ် - ၂၂၀ ကျပ်ဈေးနဲ့သာ ပတ်ချာလည်ရှိနေပါ တယ်။ နိုဝင်ဘာလကုန်လောက်မှာတော့ ဈေးအနည်းငယ်တက်လာပြီး၊ လက်ရှိ တစ်ပိဿာပေါက်ဈေးက ၂၂၅ ကျပ်- ၂၃၀ကျပ် ဈေးရှိလာပါတယ်။ အစိုဓါတ်ကုန်ပြီး ပြောင်းခြောက်ချိန်ရောက်တဲ့ ဒီဇင်ဘာ၊ ဇန်နဝါရီ လတွေဆိုရင် လှောင်လက်တွေဝယ်ရင်တော့ ဒီ့ထက်ဈေးတက်နိုင်တယ်လို့ ပဲ၊ ပြောင်းလုပ်ငန်းရှင်တွေထံမှ သိရပါတယ်။ ဧဧခိုင်
Background