ဧရာဝတီတိုင်းဒေသကြီး ပုသိမ်မြို့သည် မြစ်ဝကျွန်း ပေါ်ဒေသဖြစ်ပြီး ပုစွန်အပါအဝင်ရေထွက်ပစ္စည်းများ အလွန် ပြွေါကယ်ဝသော ဒေသဖြစ်သည်။ ဤသဘာဝအရင်းအမြစ်ကို အခြေခံ၍ ပုသိမ်မြို့သည် တာကိုင်းပုစွန်ချဉ်ဟူသော ဒေသ တွင်း ထင်ရှားသည့် ထုတ်ကုန်တစ်ခုကို မွေးထုတ်နိုင်ခဲ့ပြီး ယခုအခါ ပြည်တွင်းဈေးကွက်တွင်သာမက ပြည်ပသို့ပါ တင်ပို့နိုင်သည်အထိ နာမည်ကျော်ကြားလာသည်။
ပုသိမ်မြို့နယ် တာကိုင်းကျေးရွာနှင့် ပတ်ဝန်းကျင်ကျေး ရွာများသည် ပုစွန်ချဉ်လုပ်ငန်း၏ ဗဟိုချက်မဖြစ်သည်။ ကျေးရွာအသီးသီးရှိ အိမ်တွင်းမှသည် စက်ရုံအလတ်စားအထိ လုပ်ငန်းပေါင်း အနည်းဆုံး ၂၀ မှ ၃၀ ခန့်အထိ စနစ်တကျ လည်ပတ်လျက်ရှိကြောင်း သိရသည်။ ဤလုပ်ငန်းများသည် မိသားစုဝင်များဖြင့် စတင်လုပ်ကိုင်ကြပြီး ဈေးကွက်တိုးချဲ့ လာသည်နှင့်အမျှ လုပ်သားငှားကာ စီးပွားဖြစ် ထုတ်လုပ်လာ ကြသည်။
တာကိုင်းပုစွန်ချဉ်အတွက် အဓိကအသုံးပြုသည်မှာ ပုစွန်ကျော့ (သို့) ပုစွန်ကလေးများဖြစ်ပြီး ဧရာဝတီမြစ်ဝကျွန်း ပေါ်ဒေသမှ သဘာဝအလျောက်ဖမ်းဆီးရရှိသော ပုစွန်များ ကို အဓိကထား အသုံးပြုသည်။ ပုစွန်များကို ဒေသခံ ငါးဖမ်း သမားများထံမှ တိုက်ရိုက်ဝယ်ယူပြီး လတ်ဆတ်မှုကို အလေး ထားကြောင်း သိရသည်။
တာကိုင်းပုစွန်ချဉ်၏ ထူးခြားကောင်းမွန်မှုရခြင်းမှာ ပြုလုပ်သည့် နည်းစဉ်နှင့် သန့်ရှင်းမှုတို့ကြောင့်ဖြစ်သည်။ ပြုလုပ်နည်းမှာ ရှေးဦးစွာ ပုစွန်ကလေးများကို သေချာစွာ ဆေးကြောသန့်စင်ခြင်း၊ သန့်ရှင်းသော အိုးကြီးများ (သို့) ဒယ် အိုးကြီးများထဲသို့ ပုစွန်၊ ဆား၊ ထမင်းဆန်မှုန့် (သို့) ဆန်ဆေး ရည်တို့ကို အတိုင်းအတာ မှန်ကန်စွာ ရောနှောထည့်သွင်းခြင်း၊ အချဉ်ပေါက်ချိန်ကို ရာသီဥတုအလိုက် သုံးရက်မှ ခုနစ်ရက် အထိ အတိအကျ ထိန်းသိမ်းထားခြင်း၊ ထုပ်ပိုးရာတွင် ရေစိုခံ နိုင်ပြီး လေလုံသော ပလတ်စတစ်အိတ်များ (သို့) ဖန်ပုလင်း များဖြင့် သန့်သန့်ရှင်းရှင်း ထုပ်ပိုးကြပြီး အမှတ်တံဆိပ်များ တပ်ဆင်ကာ ဖော့ဖောင်းအိတ်များဖြင့် ထပ်မံထုပ်ပိုးပြီး ပို့ဆောင်ကြသည်။
တာကိုင်းပုစွန်ချဉ်၏ ဈေးကွက်အနေဖြင့် ပုသိမ်မြို့ အတွင်းရှိ ကျေးရွာဈေးများနှင့် အဓိကဈေးကြီးများတွင် အမြဲတမ်း ဝယ်ယူရရှိနိုင်ခြင်း ၊ ရန်ကုန်၊ မန္တလေး အပါအဝင် မြို့ကြီးများသို့ အဓိက တင်ပို့ရောင်းချသည်။
ရန်ကုန်ရှိ ကုန် တိုက်ကြီးများတွင်ပင် ဝင်ရောက်ရောင်း ချနေသည့်အပြင် ထိုင်း၊ စင်ကာပူ၊ မလေးရှား၊ တောင် ကိုရီး ယား စသည့်နိုင်ငံများရှိ မြန်မာ့အစားအစာ စားသောက်ဆိုင် များနှင့် ကုန်စုံဆိုင်များသို့ ပုံမှန်တင်ပို့လျက်ရှိသည်။ ပြည်ပသို့ တင်ပို့သည့် ထုတ်ကုန်များသည် စံချိန်စံညွှန်းနှင့် ကိုက်ညီ အောင် ပိုမိုသန့်ရှင်းပြီး အရည်အသွေးမြင့်စွာ ထုပ်ပိုးထား သည်။
လုပ်ငန်းတစ်ခုအတွက် ကုန်ကျစရိတ်နှင့် အမြတ် အစွန်းမှာ ထုတ်လုပ်မှုပမာဏပေါ် မူတည်သော်လည်း ပုစွန် ချဉ်လုပ်ငန်းသည် အိမ်တွင်းမှစ၍ စီးပွားဖြစ် လုပ်ကိုင်နိုင်သည့် ဝင်ငွေကောင်းရှိသော လုပ်ငန်းဖြစ်သည်။ ပုစွန်ချဉ် ၁၀ပိဿာ ထုတ်လုပ်ရန် ကုန်ကျစရိတ်အနေဖြင့် ကုန်ကြမ်းနှင့် အခြား စရိတ်များ စုစုပေါင်း ကျပ် ၇၀ဝ၀ဝ ခန့်ကုန်ကျပြီး ရောင်းဈေး ၁၀ ကျပ်သားလျှင် ကျပ် ၂၀ဝ၀ မှ ၂၅၀ဝ အထိ ရနိုင်ကာ ကျပ် ၁၃၀ဝ၀ဝ မှ ၁၈၀ဝ၀ဝ အထိ အမြတ်အစွန်း ရရှိနိုင်ကြောင်း ခန့်မှန်း ရသည်။ ပြည်ပသို့ တင်ပို့ပါက ပို၍အမြတ်အစွန်း များပြားသည်။
တာကိုင်းပုစွန်ချဉ်သည် ဧရာဝတီတိုင်းဒေသကြီး၏ ဂုဏ်ယူစရာ ဒေသထွက်ကုန်တစ်ခုအဖြစ် ရပ်တည်နေပြီဖြစ် သည်။ အနာဂတ်တွင် ထုတ်လုပ်မှုစံချိန်စံညွှန်းများ ပိုမိုပြဋ္ဌာန်း ခြင်း၊ ပြည်ပဈေးကွက်ကို ပုံမှန်နှင့် ပိုမိုတိုးချဲ့နိုင်ရန် ထုတ်ကုန် ဒီဇိုင်းနှင့် ထုပ်ပိုးမှုကို ခေတ်မီတိုးတက်အောင် ပြုလုပ်ခြင်း၊ အွန်လိုင်းမှ တစ်ဆင့် တိုက်ရိုက်ရောင်းချခြင်းများ ပြုလုပ်နိုင် မည်ဆိုပါက ဤထူးခြားသော မြန်မာ့အစားအစာသည် ကမ္ဘာ့ ဈေးကွက်ထဲသို့ ပိုမိုခိုင်မာစွာ ဝင်ရောက်နိုင်မည်ဖြစ်ကြောင်း ရေးသားတင်ပြလိုက်ရပါသည်။
ယွန်းပပအောင်DOCA(ဧရာဝတီ)