အိန္ဒိယနိုင်ငံအတွင်းသို့ ဆိုလာပစ္စည်း တင်သွင်းမှု တိုးမြင့်လာခြင်း ကြောင့် ပြည်တွင်းလုပ်ငန်းများအား ထိခိုက်နစ်နာမည်ကို စိုးရိမ်ပူပန်သည့် အတွက် တရုတ်နှင့် မလေးရှားတို့မှ အိန္ဒိယနိုင်ငံအတွင်းသို့ တင်သွင်းလာ သည့် ဆိုလာပြားများနှင့် ဆိုလာဘက် ထရီများအပေါ်Safeguard duty ၇၀ ရာခိုင်နှုန်းကောက်ခံရန် အိန္ဒိယအစိုးရ ၏ Directorate General of Safeguards(DGS) က ၎င်းတို့၏ စုံစမ်းစစ်ဆေး ရေးအစီရင်ခံစာ၌ အဆိုပြု ထားကြောင်း သိရှိရသည်။ပြည်ပမှ ဈေးနှုန်းသက်သာသည့်ဆိုလာပစ္စည်းတင်သွင်းမှုအဆမတန် မြင့်တက်လာသည့်အတွက် ပြည်တွင်း ထုတ်လုပ်သူများမှာ အရှုံးပေါ်နေသည့် အတွက် ယင်းလုပ်ငန်းရှင်များအား ကာကွယ်နို င်ေ ရး Safeguard duty ကောက်ခံရန် အိန္ဒိယဆိုလာထုတ်လုပ် သူများအသင်းက လျှောက်လဲအဆိုပြု တင်ပြလာမှုကြောင့် စုံစမ်းစစ်ဆေးမှုပြုလုပ်ခဲ့ခြင်းဖြစ်သည်။လုပ်ငန်းရှင်အချို့ကမူ ဆိုလာ ပြားများနှင့် အစိတ်အပိုင်း များအပေါ် အခွန်တိုးမြှင့် ကောက်ခံခြင်းကြောင့် ဆိုလာလုပ်ငန်း ဆောင်ရွက်နေသူများ အပေါ် ဝန်ထုပ်ဝန်ပိုးဖြစ်လာနိုင်ပြီး စားသုံးသူများကို ထိခိုက်နစ်နာနိုင် ကြောင်း၊ အခွန်ကောက်ခံခြင်းသည် ပြည်တွင်း ထုတ်လုပ်သူများကို ရေတို တွင် အထောက်အကူပြုနိုင်သော်လည်း ရေရှည်အကျိုးဖြစ်ထွန်းနိုင်ဖွယ် မရှိ ကြောင်း၊ ထိုမျှသာမက ဆိုလာစီမံကိန်း ကုန်ကျစရိတ်များမှာလည်း ယခင်ထက် ၄၀ ရာခိုင်နှုန်းမြင့်တက်လာမည်ဖြစ်ကာ ဆိုလာလျှပ်စစ်ခ နှုန်းထားများမှာလည်း ပိုမိုမြင့်မားလာစေနိုင်ကြောင်း၊ အကာအကွယ်ခွန်နှင့်တန်ပြန်စုပုံခွန(Safeguard duties and anti-dumping duty) များ စည်းကြပ်ကောက်ခံခြင်းသည် သဘောသဘာဝအားဖြင့် အကာ အကွယ်ြ ပုခြင်း သာဖြစ်ပြီး ရေရှည်တွင် ပြည်တွင်း ထုတ်လုပ်သူများကိုပင် အထောက်အကူမပြုနိုင်ဟုBridge to India ဆိုလာလုပ်ငန်းဆိုင်ရာ အကြံပေး အဖွဲ့အစည်း၏ မန်နေဂျာက သုံးသပ် ပြောကြားထားသည်။
DGS ၏ လေ့လာသုံးသပ်ချက် အရ တရုတ်နိုင်ငံအနေဖြင့် ဆိုလာပြား အမြောက်အမြား ထုတ်လုပ်လျက်ရှိပြီး အီးယူနှင့် အမေရိကန်နိုင်ငံတို့သို့ တင်ပို့ ရာ၌ အခက်အခဲ၊ အတားအဆီးများနှင့် ရင်ဆိုင်ရလျက်ရှိရာ ပိုလျှံလာ သည့် ပမာဏအတွက် သင့်တော်သည့် ဝယ်လက်နိုင်ငံတစ်နိုင်ငံကို ရှာဖွေခဲ့ပြီး အိန္ဒိယသည် ၎င်းင်းတို့၏ ထုတ်ကုန်များ အတွက် အသင့်တော်ဆုံးဖြစ်သည်ကို တွေ့ရှိခဲ့ကြကြောင်းနှင့် အီးယူနှင့် အမေရိကန်တို့က တရုတ်မှတင်သွင်း သည့် ဆိုလာဆဲလ်များအား ကာကွယ် တားဆီးသည့် လုပ်ငန်းစဉ်များဖော် ဆောင်လိုက်ခြင်းသည် တရုတ်ပို့ကုန် များကို အိန္ဒိယဆီသို့ဦးတည်စေခဲ့သည် ဟု ထောက်ပြပြောဆိုမှုများလည်းရှိ သည်။
အိန္ဒိယမှ အဓိကတင်သွင်းနေ သည့် ဆိုလာဆဲလ်များမှာ တရုတ်၊ အမေရိကန်၊ စင်ကာပူနှင့် တရုတ် (တိုင်ပေ) တို့မှဖြစ်ပြီး တင်သွင်းမှုပမာဏ အနေဖြင့် ၂၀၁၄-၁၅ တွင် ၁၂၇၅ မီဂါ ဝပ်သာရှိခဲ့ရာမှ ၂၀၁၇-၁၈ တွင် ၉၄၇၄မီဂါဝပ်သို့ တိုးမြင့်လာခဲ့ပြီး ၆၄၃ ရာခိုင် နှုန်းအထိ မြင့်တက်လာခဲ့ကြောင်း၊ ၂၀၁၇-၁၈ ဘဏ္ဍာနှစ်၏ ပထမခြောက် လတွင်ပင် ဆိုလာဆဲလ်တင်သွင်းမှု ပမာဏမှာ ၂၀၁၆-၁၇ ဘဏ္ဍာနှစ်တစ်ခု လုံး၏ ၇၄ ရာခိုင်နှုန်း မြင့် တက်ခဲ့ ကြောင်း၊ သို့ဖြစ်၍ လက်ရှိအနေအထား မှာ အလွန်အရေးကြီးသည့် အခြေအနေ ဖြစ်ပြီး ပြည်တွင်းလုပ်ငန်းရှင်များအား ကာကွယ်နိုင်ရန်အတွက် Safeguard Duty ကို အချိန်မဆိုင်းဘဲကောက်ခံသင့် ကာ အကောင် အထည်ဖော်မှုနှောင့်နှေး နေမည်ဆိုပါက ထိခိုက်နစ်နာမှုများ အား ပြန်လည်ပြင်ဆင်ထူထောင်ရန် ခက်ခဲလိမ့်မည်ဟု စုံစမ်းစစ်ဆေးရေး အစီရင်ခံစာ၌ ထည့်သွင်းဖော်ပြထား သည်။
၂၀၁၂ ခုနှစ်တွင် တရုတ်မှ အိန္ဒိယသို့တင်ပို့မှုမှာ တစ်ကမ္ဘာလုံးသို့ တင်ပို့သည့် ပမာဏ၏ ၁ ဒသမ ၅၂ ရာခိုင်နှုန်းသာ ပါဝင်ခဲ့ပြီး ၂၀၁၆ ခုနှစ် တွင် ၂၁ ဒသမ ၅၈ ရာခိုင်နှုန်းသို့ မြင့် တက်လာခဲ့ကြောင်း၊ တရုတ်ပို့ကုန်လုပ် ငန်းရှင်များအနေဖြင့် အမေရိကန်၊ အီးယူကဲ့သို့ ဈေးကွက်အခွင့်အလမ်း များ ဆုံးရှုံးထားခြင်းကြောင့် ပိုလျှံသည့် ပမာဏများကို အိန္ဒိယဈေးကွက်သို့ ဦးတည်လာနိုင်ကြောင်းကို ထောက်ပြ ပြောဆိုမှုများအရ သိရှိရသည်။
ယဉ်ယဉ်နွယ်၊ စီးပွားရေးသံမှူး
မြန်မာသံရုံး၊ နယူးဒေလီမြို့