အထွေထွေ

ဧရာဝတီတိုင်းဒေသကြီး၏  ပြည်ပပို့ကုန် များတွင် ပါဝင်လျက်ရှိသော ဆံပင်ဈေးကွက်မှာ ယခင် မူဆယ်မှတစ်ဆင့် တရုတ်နိုင်ငံသို့ အများဆုံး တင်ပို့ရောင်းချလျက်ရှိသော်လည်း ကိုဗစ်ကာလ တွင် ဆံပင်  အရောင်းအဝယ်အေးသွား၍ ကိုဗစ် ကာလအလွန် ရန်ကုန်မြို့သို့ တရုတ်၊ ဗီယက်နမ်နှင့် ထိုင်းနိုင်ငံသားများက လာရောက်ဝယ်ယူလျက်ရှိပြီး ဥညူငညန ဖြင့် ပစ္စည်းနမူနာပြသ၍ ရောင်းဝယ် လျက် ရှိသည့်အတွက် ဆံပင်ဈေးကွက် ပြောင်းလဲသွား ကြောင်း လုပ်ငန်းရှင်ထံမှသိရ သည်၊

ဆန်စပါးဥပဒေကို မကြာမီထုတ်ပြန်ပြဋ္ဌာန်း နိုင်တော့မည် ဖြစ်ကြောင်း  စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးညွန့် အောင်က ပြောကြားသည်။
နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနတွင် ဇွန် ၃၀ ရက်က ပြုလုပ်သည့် သိုလှောင်ရုံကုန်အပ်လက်မှတ်ကို အခြေပြုသည့် ငွေကြေးထောက်ပံ့မှုစနစ် အကောင်အထည်ဖော် ဆောင်ရွက်ရေး  အလုပ်ရုံဆွေးနွေးပွဲတွင် ယင်းသို့ပြောကြားခဲ့ခြင်း ဖြစ်သည်။

ထိုင်း-မြန်မာကျန်းမာရေးနှင့်အလှအပဆိုင်ရာ စီးပွားရေးတွေ့ဆုံဆွေးနွေးပွဲ (Thai-Myanmar Business Matching Health and Beauty-2023 ) ကို ရန်ကုန်မြို့ ပြည်လမ်းပေါ်ရှိ Novotel Yangon တွင် ကျင်းပခဲ့ကြောင်း သိရသည်။

ယွမ်ငွေလဲနှုန်း မြင့်တက်နေခြင်းကြောင့် ဒီဇင်ဘာ ကြံရာသီ စတင်ချိန် ဒီဇင်ဘာလတွင် တရုတ်နိုင်ငံသို့ တင်ပို့ ရောင်းချမည့်ကြံများ ဈေးကောင်းရနိုင်ကြောင်း မြန်မာနိုင်ငံ သကြားနှင့်ကြံထွက်ပစ္စည်းလုပ်ငန်းရှင်များအသင်းမှ   သိရ သည်။
ပြီးခဲ့သည့် နိုဝင်ဘာလအတွင်း နှစ်နိုင်ငံတာဝန်ရှိသူများ တွေ့ဆုံဆွေးနွေးမှုများ ပြုလုပ်ခဲ့ပြီးနောက် လက်ရှိ ၂၀၂၂-၂၀၂၃ ကြံရာသီတွင် စက်ရုံများက ကြံတစ်တန်လျှင် ကျပ် ခုနစ်သောင်းမှ ကျပ် ကိုးသောင်းကြား ဈေးနှုန်းသတ်မှတ်ပြီး ဝယ်ယူသွားရန် ဆုံးဖြတ်ထားကြောင်း အဆိုပါအသင်း ဒုတိယဥက္ကဋ္ဌ ဦးဝင်းဌေးက နိုဝင်ဘာ ၃၀ ရက်တွင် ပြောသည်။

မန္တလေးတိုင်းဒေသကြီး ကျောက်ဆည်ခရိုင်တွင် သီးနှံမျိုးစုံစိုက်ပျိုးလျက်ရှိရာ စားဖိုဆောင်သီးနှံတစ်မျိုး ဖြစ်သောနနွင်းကိုလည်း စိုက်ပျိုး ကြသည်။၂၀၂၁-၂၀၂၂ ဘဏ္ဍာနှစ်တွင်  နနွင်းစိုက်ဧက ၂၅၁၈ ဧက  စိုက်ပျိုးနိုင်ခဲ့ကြောင်း၊   ၂၀၂၂- ၂၀၂၃ ဘဏ္ဍာနှစ်တွင် နနွင်းစိုက်ဧက ၂၂၉၆ ဧက စိုက်ပျိုးနိုင် ခဲ့ပြီး ယခင်နှစ်ထက်လျော့နည်းစိုက်ပျိုးခြင်းမှာ မိုးစပါး များ ပိုမိုစိုက်ပျိုးသောကြောင့်  လျော့နည်းရခြင်းဖြစ် ကြောင်းသက်ဆိုင်ရာဌာန၏စာရင်းများအရ သိရသည်။နနွင်းဈေး နှုန်းအနေဖြင့် ယခင်ဈေးနှုန်းအနေ ဖြင့် နနွင်းတက်(အဟောင်း) တစ်ပိဿာလျှင် ၄၃၀ဝ ကျပ်၊ နနွင်းခေါင်းတစ်ပိဿာလျှင် ၄၀ဝ၀ ကျပ်နှင့် နနွင်းမှုန့် နို့ဆီဘူးတစ်ဘူးလျှင် ၁၀ဝ