တရုတ်-လာအိုမီးရထားလမ်းပေါ်ရှိ နယ်စပ်ဖြတ်ကျော်သည့် ဉမင်လိုဏ်ခေါင်း မှာ စက်တင်ဘာလအစောပိုင်းတွင် ဖောက်လုပ်ပြီးစီးသွားပြီဖြစ်၍ ရထားလိုင်းတစ်ခုလုံး အတွက် အပြည့်အဝအသုံးပြုနိုင်ရန် အခြေခံအုတ်မြစ်ကို တည်ဆောက်ပြီးသွားပြီဖြစ်သည်။
ချစ်ကြည်ရေးဉမင်လိုဏ်ခေါင်းဟု ခေါ်တွင်သည့် ၎င်းလိုဏ်ခေါင်းမှာ ကီလို မီတာ (၉.၅၉)ရှှည်လျားပြီး၊ တရုတ်နိုင်ငံဘက်တွင် (၇.၁၇) ကီလိုမီတာနှင့် လာအိုနိုင်ငံ ဘက်တွင် (၂.၄၂)ကီလိုမီတာ ရှည်လျားသည်။
တရုတ်နိုင်ငံ၏ နည်းပညာစံချိန်စံညွှန်းများနှင့် ကိရိယာတန်ဆာပလာများကို အသုံးပြုထားသည့် တရုတ်-လာအိုမီးရထားလမ်းမှာ တရုတ်နိုင်ငံအနောက်တောင်ပိုင်းရှိ ယူနန်ပြည်နယ်၏ မြို့တော်ကူမင်းမြို့မှ လာအိုနိုင်ငံ၏မြို့တော် ဗီယန်ကျန်းမြို့သို့ ဆက်သွယ်ထားတာ ကီလိုမီတာ (၁)ထောင်ကျော် ရှည်လျားသည်။
အဆိုပါရထားလမ်းစီမံကိန်းအား ၂၀၂၁ ခုနှစ်အကုန်တွင် အပြီးသတ်၍ ဖွင့်လှစ် သွားရန် စီစဉ်ထားရှိပြီး ကူမင်းနှင့် ဗီယန်ကျန်းတို့အကြား ခရီးသွားလာချိန်အား ၁၂ နာရီခန့် လျှော့ချပေးသွားနိုင်ကြောင်း သိရသည်။
ရင်းမြစ်၊ Chinadaily (၁၄-၉-၂၀၂၀)
ဒေါက်တာရွှေစင်ကို၊ စီးပွားရေးသံမှူး
နန်နင်းမြို့