မလေးရှားနိုင်ငံ ACCCIM (Associated Chinese Chambers of Commerce and Industry of Malaysia) မှ ကိုယ်စားလှယ် ၃၂ ဦးပါဝင်သော ကိုယ်စားလှယ်အဖွဲ့သည် မတ်လ ၁၆ ရက်နေ့တွင် ပြည်ထောင်စုမြန်မာနိုင်ငံ ကုန် သည်များနှင့် စက်မှုလက်မှု လုပ်ငန်းရှင်များ အသင်း ချုပ်တွင် မြန်မာနိုင်ငံမှ စီးပွားရေး လုပ်ငန်းရှင်များ နှင့် တွေ့ဆုံပွဲကို ပြုလုပ်ခဲ့သည်။ ကိုယ်စားလှယ် အဖွဲ့ကို Kejuru teraan Wang Yuer Sdv-Bhd မှ ဥက္ကဋ္ဌ Mr.Tan Sri Dato'Soong Siew Hoong မှ ခေါင်းဆောင်၍ လာရောက် ခဲ့ခြင်း ဖြစ် ပါသည်။ အဖွဲ့ဝင်များအနေဖြင့် သတင်းနှင့် နည်း ပညာကဏ္ဍ၊ စားအုန်းဆီထုတ်လုပ်မှု ကဏ္ဍ၊ စက် နှင့် စက်ပစ္စည်းကိရိယာကဏ္ဍ၊ ဆောက်လုပ်ရေး ကဏ္ဍများအပြင် လျှပ်စစ်ပစ္စည်း၊ သုတ်ဆေး၊ ယာဉ်စက်အရန်ပစ္စည်း၊ ဘက်ထရီ၊ စက်ဆီ ချောဆီ၊ လယ်ယာသုံးကိရိယာ တန်ဆာပလာ၊ ပရိ ဘောဂပစ္စည်းများ၊ နို့ဆီ၊ စူပါမားကက်အတွက် လိုအပ်သောပစ္စည်းများ၊ ချုပ်စက်များ၊ ပုံနှိပ်လုပ် ငန်း၊ စာအုပ် ထုတ်ပိုးပစ္စည်းများ၊ စာအုပ်ချုပ်စက် ပစ္စည်း ကိရိယာ၊ အိမ်သုံး ပစ္စည်းများ၊ ကလေး စားစရာများ ထုတ်လုပ်သူများ ပါဝင်ကြောင်း သိရ ပါသည်။အဆိုပါကဏ္ဍများအနက် စိုက်ပျိုးရေး လုပ် ငန်းသုံး ကိရိယာတန်ဆာပလာများ ရောင်းချသည့် Chiap Hup Agriuclture Development Sdv-Bhd. ကုမ္ပဏီမှ ဥက္ကဋ္ဌ Mr.Wee Chong Yan ကို ကောမတ်စ်က တွေ့ဆုံမေးမြန်းရာမှာ ၎င်းတို့ ကုမ္ပဏီအနေဖြင့် ပဲ၊ ငရုတ်သီး၊ သခွားသီး၊ ရုံးပဒီသီး၊ ကန်စွန်း၊ ဘူးသီး၊ ကြက်ဟင်းခါးသီး၊ ခဝဲသီး၊ ဘုံလုံသီး၊ ဟင်းသီးဟင်းရွက် စသည့်သီးနှံ များ၏မျိုးစေ့များ၊ စိုက်ပျိုးရေးနည်းပညာများအပြင် ပျိုးခင်းအတွက်ပျိုးဗန်း၊ သီးနှံများမရင့်မှည့်မီ အသီး စွပ်သော ထုတ်ပိုးပစ္စည်းများ ပံ့ပိုးမှုပေးပြီး သီးနှံ ထွက်ရှိသောအခါ အဆိုပါသီးနှံအား မလေးရှားသို့ ပြန်လည်တင်သွင်းသော စနစ်ကို ကျင့်သုံးနေ ကြောင်း။ လက်ရှိ ထိုင်းနိုင်ငံနှင့် တရုတ်နိုင်ငံတို့နှင့် မြေငှားရမ်းပြီး ဆောင်ရွက်နေကြောင်း ရှင်းပြခဲ့ သည်။ တစ်နှစ်လျှင် မက်ထရစ်တန် ၂၀၀ ခန့််ကို တရုတ်နိုင်ငံမှ မလေးရှားသို့ ရေကြောင်းမှ ပြန် လည် တင်သွင်းလျက်ရှိကြောင်း၊ ကုမ္ပဏီအနေဖြင့် ထိုင်း၊ တရုတ်နိုင်ငံကဲ့သို့ပင် မြန်မာနိုင်ငံမှာလည်း အဆိုပါ သီးနှံများကိုစိုက်ပျိုး ထုတ်လုပ်လိုသော ကြောင့် စိတ်ဝင်စားသူများကို ဖိတ်ခေါ်လျက်ရှိ ကြောင်း ၎င်းင်းက ဆက်လက်ရှင်းပြသည်။အဆိုပါတွေ့ဆုံပွဲသို့ တက်ရောက်လာသည့် ဦးမျိုးအောင် (မျက်မှောက်ရေးရာ မဂ္ဂဇင်း)က မြန်မာ-မလေးရှား နှစ်နိုင်ငံအရေး ဆွေးနွေးပွဲ အပေါ် ၎င်းင်း၏အမြင်ကို ပြောကြားရာတွင် "ကျွန် တော်က စာအုပ်စာပေဆိုင်ရာ ဆက်စပ်ပစ္စည်း တွေကို ဆွေးနွေးခဲ့တာပါ။ မလေးရှားဘက်က ဆွေးနွေးသူတွေက ပုံနှိပ်စက်တွေ ပရင်တာတွေ ရောင်းချင်ကြောင်း ပြောပါတယ်၊ အရည်အသွေး ပြည့်ဝတဲ့ စက်များရဲ့အကြောင်းကို စက်ပိုင်းဆိုင်ရာ အာမခံချက်တွေနဲ့ရှင်းပြတယ်။ မြန်မာပြည်က ပုံနှိပ် ထုတ်ဝေတဲ့လုပ်ငန်းတွေ လုပ်ကိုင်နေတဲ့ ကုမ္ပဏီ တွေနဲ့ဆက်စပ်လိုက်ရင် အချိန်တိုအတွင်း စွမ်းရည် ပြည့် အရည်အသွေးရော အရေတွက်ပါ တက်လာ မယ်။ အကျိုးရှိနိုင်တယ်။ ဒါကြောင့် ပြည်တွင်း မှာရှိတဲ့ လက်တွေ့နယ်ပယ်က လူတွေနဲ့ ချိတ် ဆက်နိုင်ဖို့အတွက် ဆွေးနွေးခဲ့ပါတယ်" ဟု ဆိုပါ သည်။ပြည်တွင်း စက်မှုထွက်ကုန်ဖြစ်သော အဝတ်အထည် ပိုမိုတိုးမြှင့် ထုတ်လုပ်တင်ပို့နိုင် ရေးကဏ္ဍအတွက်တော့ "ချုပ်စက်တွေ ရောင်းချတဲ့ ကုမ္ပဏီနဲ့ ဆွေးနွေးဖြစ်တယ်။ ကျွန်တော်တို့ အထည်ချုပ်လုပ်ငန်းမှာ သုံးစွဲရင် အရည်အသွေး မြင့်တဲ့ အထည်တွေ ရလာနိုင်တယ်။ ဒါကြောင့် ဒီစက်မျိုးတွေကို တင်သွင်းပြီး လက်တွေ့လုပ်နေတဲ့ လုပ်ငန်းရှင်တွေ ကျယ်ကျယ်ပြန့်ပြန့်လေ့လာကာ လက်တွေ့နဲ့ ပေါင်းစပ် ဆောင်ရွက်နိုင်အောင် အထည်ချုပ်လုပ်ငန်းရှင်များအသင်းနဲ့ ပူးပေါင်းပြီး ဆက်သွယ်ဆောင်ရွက်ဖို့နဲ့ ဒီချုပ်စက်တွေကို ပြည်တွင်းမှာ Show Room တစ်ခုဖွင့်ပြီး စက် ပစ္စည်းရော နည်းပညာပါ ပြသနိုင်ဖို့ အထည်ချုပ် အသင်းနဲ့ပူးပေါင်းပြီး ဆက်လက် စီစဉ်ဆောင်ရွက် သွားဖို့ တိုက်တွန်းဆွေးနွေးခဲ့တယ်။ အသေးစိတ် အချက်အလက်တွေကိုလည်း ထပ်မံသတင်းထုတ် ပြန်ပေးသွားမှာဖြစ်ပါတယ်။ ဒါ့အပြင် ဒီစက်ပစ္စည်း ရောင်းချလိုတဲ့ ကုမ္ပဏီတွေကိုလည်း ပြည်တွင်းမှာ ရှိတဲ့လုပ်ငန်းရှင်များရဲ့ စက်ရုံတွေကို သွားရောက် လေ့လာပြီး ဈေးကွက်အခြေအနေကို ပြသဖို့ရှိပါ တယ်" ဟု မြန်မာနိုင်ငံ အထည်ချုပ်လုပ်ငန်းရှင် များအသင်း ဥက္ကဋ္ဌ ဦးမြင့်စိုးက ပြောပြသည်။မြန်မာနိုင်ငံ စက်မှုကုန်ထုတ်လုပ်ငန်းရှင် အသင်းက ဦးမြင့်ဇော်ကတော့"အခုလာရောက်တဲ့ မလေးရှား လုပ်ငန်းရှင်တွေက မျိုးဆက်သစ်တွေ များပါတယ်။ အရေအတွက်များသလို ကဏ္ဍအစုံ လည်းပါတယ်။ တကယ်လုပ်ငန်း လုပ်ကိုင်ဖို့ရာ အခက်အခဲ အတားအဆီးတွေရှိနေလည်း ထဲထဲ ဝင်ဝင် လိုလိုလားလားလုပ်ကိုင်လိုစိတ် ပြင်းထန် နေကြပါတယ်။ အနာဂတ်မှာ ပူပေါင်းလုပ်ကိုင် ဆောင်ရွက်ခွင့်ရမဲ့ အခြေအနေတွေရှိလို့ ဆွေးနွေး ရတာ စိတ်ဝင်စားစရာကောင်းပါတယ်" လို့ ၎င်းင်း၏ ဆွေးနွေးမှု အတွေ့အကြုံကို ပြောပြပါသည်။ "ဒီနေ့ မလေးရှားနဲ့ မြန်မာလုပ်ငန်းရှင် အချင်းချင်းတွေ့ဆုံတဲ့ပွဲမှာ လယ်ယာစိုက်ပျိုးရေး ကဏ္ဍ၊ သစ်တောထွက်ကဏ္ဍ၊ အလုပ်အကိုင် ရှာဖွေရေးကဏ္ဍ၊ လက်လီလက်ကားစူပါမားကတ် ထူထောင်ရေးကဏ္ဍ၊ ပို့ကုန်^သွင်းကုန်ကဏ္ဍ၊ စက် နှင့် စက်ကိရိယာကဏ္ဍ စသည်ဖြင့် သွင်းကုန်ပိုင်း မှာ တော့တော့ကို အမယ်စုံပါတယ်။ ဆွေးနွေးလို့ လဲကောင်းပါတယ်။ အခုသစ်အချောထည် ဝယ်ယူ လိုသူတွေရှိတာမို့ မုံရွာစက်မှုဇုန်က ဥက္ကဋ္ဌနဲ့ ချိတ် ဆက်ပြီး ဆက်လက်တင်ပို့နိုင်မယ့် နည်းလမ်းတွေ ကို ဆွေးနွေးကြပါတယ်။ ချိတ်ဆက်မှုလည်း ရရှိခဲ့ ပါတယ်။ ဝယ်သူ၊ ရောင်းသူ တိုက်ရိုက်ဆက်သွယ်မှု ကြောင့် မလေးရှား-မြန်မာ နှစ်နိုင်ငံကုန်သွယ်မှုမှာ ပိုပြီးတိုးမြင့်လာမှာ ဖြစ်ပါတယ်" လို့ မြန်မာနိုင်ငံ စက်မှုကုန်ထုတ်လုပ်ငန်းရှင်အသင်းရဲ့ ဥက္ကဋ္ဌ ဦးပေါ ဟိန်းကလည်း ဆွေးနွေးပါသည်။ အဆိုပါ မြန်မာ-မလေးရှား စီးပွားရေးလုပ် ငန်းရှင်များအချင်းချင်း တွေ့ဆုံဆွေးနွေးပွဲက နှစ် နိုင်ငံအကြား ကုန်သွယ်မှုလုပ်ငန်းများ ပိုမိုတိုးတက် စေဖို့ အထောက်အကူဖြစ်စေမည်ဟု ယုံကြည် ကြောင်း ရေးသားလိုက်ရပါသည်။ WWN, KK
Background