နိုင်ငံတော်၏ စီးပွားရေးဦးတည်ချက်နှင့် အညီ MSMEs စက်မှုလုပ်ငန်းများ၏ စီးပွားရေး မောင်းနှင်အားကို အဓိကထား၍ ဧရာဝတီတိုင်း ဒေသကြီး အစိုးရအဖွဲ့၏ ဦးဆောင်မှုနှင့်အတူ ကျုံပျော်ခရိုင်၊ ကျုံပျော်မြို့၌ ကျင်းပပြုလုပ်သည့် အသေးစား၊ အငယ်စားနှင့် အလတ်စားMSME ဒေသထွက်ကုန်ပစ္စည်းပြပွဲကို ဒီဇင်ဘာလ ၁၇ ရက် နေ့တွင် ကျင်းပရာ နိုင်ငံတော်စီမံအုပ်ချုပ်ရေး ကောင်စီအဖွဲ့ဝင် မန်းငြိမ်းမောင်နှင့်အဖွဲ့ဝင်များ၊ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းနှင့်ဝန်ကြီးများ၊ ကျုံပျော်ခရိုင် အတွင်းရှိ ဌာနဆိုင်ရာများ ဖိတ်ကြားထားသော ဧည့်သည်တော်များနှင့်မြို့မိမြို့ဖများ တက်ရောက် ခဲ့သည်၊
ပြပွဲတွင် လယ်ယာသုံးပစ္စည်း အရောင်း ပြခန်း၊ စက်ပစ္စည်းအရောင်းပြခန်း၊ ဒေသထွက် ပီလောပီနံပျော့ဖတ်မှ ထုတ်လုပ်သော သဘာဝ မြေသြဇာနှင့် တိရစ္ဆာန်အစာ ထုတ်လုပ်မှုပြခန်း၊ ငှက်ပျောနှင့်ငှက်ပျောချည်ဖြင့် ပြုလုပ်ထားသည့် ဖိနပ်၊ စက္ကူအိတ်၊ ပိုက်ဆံအိတ်၊ ဦးထုပ်၊ လက်ကိုင် အိတ်၊ တစ်သျှူးဘောက်နှင့် အခြားအလှကုန်ပစ္စည်း ပြခန်း၊ ဟိုတယ်နှင့် စားသောက်ဆိုင်များတွင် အလှ ဆင်ရန် ပန်းပုရုပ်တုများနှင့် ဝါး၊ ကြိမ်၊ ဗေဒါလက်မှု ပစ္စည်းပြခန်း၊ ကြက်အူချောင်း၊ ဝက်အူချောင်းနှင့် ဆီထွက်ပစ္စည်းပြခန်းများ ၊ စပါးခွံလောင်စာတောင့် လုပ်ငန်း၊ ပြည်ပဈေးကွက် ဝယ်လိုအားရှိသော စားသောက်ကုန်လုပ်ငန်း၊ လူသုံးကုန်လုပ်ငန်း ပြခန်းများ ၊ ဆန်နှင့်ဆန်ထွက်ပစ္စည်းပြခန်း၊ ငါး လုပ်ငန်းဦးစီးဌာနပြခန်း၊ မွေးမြူရေးနှင့်ကုသရေး ဦးစီးဌာနပြခန်း၊ ဒေသထွက်နုထွေးလက်ဖက်နှင့် ချင်းသုပ်လုပ်ငန်းပြခန်းများ အပါအဝင် ပြခန်း ပေါင်း ၃၀ ကျော် ပါဝင်ပြသခဲ့ကြောင်း သိရသည်၊
ယခုကဲ့သို့ အသေးစား၊ အငယ်စားနှင့် အလတ်စား ြှနျြ စီးပွားရေး ထုတ်ကုန်များပြပွဲ နှင့် ဈေးရောင်းပွဲတော်များ ကျင်းပခြင်းဖြင့် စီးပွား ရေးလုပ်ငန်းရှင်များ အချင်းချင်းဆက်သွယ်မှုရရှိ ပြီး မိမိတို့ထုတ်ကုန်များအတွက် ဈေးကွက်အခွင့် အလမ်းများ ရရှိနိုင်သလို ဝယ်ယူသူများမှလည်း တစ်နေရာတည်း၌ဒေသထွက်ကုန်များ စိတ်ကြိုက် ရွေးချယ် ဝယ်ယူနိုင်ပြီး စီးပွားရေးတိုးတက်မှုနှင့် အတူ နိုင်ငံစီးပွားမြှင့်တင်ရာရောက်မည်ဖြစ်ကြောင်း ၎င်းအပြင် လုပ်ငန်းရှင်နှင့်ပြည်သူများ အကျိုးရှိ မည့် MSMEs စီးပွားရေးထုတ်ကုန်ပြပွဲနှင့် ဈေး ရောင်းပွဲတော်ကိုလည်း အလျဉ်းသင့်သလို စဉ် ဆက်မပြတ် ကျင်းပခြင်းဖြင့် မိမိတို့ တိုင်းဒေသ ကြီးအတွင်းရှိ ဒေသထွက်ကုန်စည်များ ဈေးကွက် ပိုမိုကျယ်ပြန့်လာမှာဖြစ်ကြောင်း ရေးသားလိုက်ရ ပါသည်၊
မင်းမင်းဦး(ပသ)