မကြာသေးခင်နှစ်များက ဖြစ်ပွားခဲ့သည့် နိုင်ငံတကာငွေ ကြေး အကျပ်အတည်းများကြောင့် ကမ္ဘာတစ်ဝန်းမှ မူဝါဒချမှတ် သူများအနေနှင့် ပြည်တွင်း ငွေချေးသက်သေခံလက်မှတ် ဈေး ကွက် ဖွံ့ဖြိုးတိုးတက်ရန် အထူးသဖြင့် ငွေချေးစာချုပ်ဈေးကွက်ဖွံ့ဖြိုးတိုးတက်ရန် အာရုံစိုက်လာကြသည်။ အဆိုပါငွေချေးစာချုပ် ဈေးကွက် (Bond Market) တိုးတက်ဖွံ့ဖြိုးရေးအတွက် ကမ္ဘာ့ အဖွဲ့အစည်းအသီးသီးမှ မူဝါဒဆိုင်ရာ အကြံပြုမှုများစွာပေါ်ထွက် ခဲ့သည်။ အစိုးရတစ်ရပ်၏ ြွေကးမြီစီမံခန့်ခွဲမှုစနစ်တစ်ရပ်သည် ပြည်တွင်းငွေချေး သက်သေခံလက်မှတ်ဈေးကွက် (Domestic Securities Market ) ဖွံ့ဖြိုးမှုနှင့် တိုက်ရိုက်ဆက်နွှယ်ပတ်သက်လျက် ရှိသည်။ သို့ဖြစ်ရာ ကမ္ဘာ့ဘဏ် World Bank)) နှင့် အပြည်ပြည် ဆိုင်ရာငွေကြေးရန်ပုံငွေအဖွဲ့ IMF တို့သည်ဖွံ့ဖြိုးဆဲနိုင်ငံများ၏ ငွေချေးစာချုပ် ဖွံ့ဖြိုးတိုးတက်ရေးအတွက် လမ်းညွှန်ချက်များ ချမှတ်ကာ နည်းပညာအကူအညီများ ပေးအပ်လျက်ရှိသည်။
ငွေချေးသက်သေခံလက်မှတ် ဖွံ့ဖြိုးတိုးတက်မှုသည် ရှုပ် ထွေးနက်နဲသော လုပ်ငန်းများဖြစ်ပြီး ယင်း၏ အောင်မြင်မှုသည် နိုင်ငံတစ်ခုချင်း၏ ဘဏ္ဍာရေးစနစ် ဖွံ့ဖြိုးတိုးတက်မှုနှင့် ဘဏ္ဍာ ရေးဈေးကွက် ဖွံ့ဖြိုးတိုးတက်ရေး ဆောင်ရွက်မှုများအပေါ် မူတည်သည်။ နိုင်ငံအတော်များများတွင် ငွေချေးစာချုပ်ဈေးကွက် ဖွံ့ဖြိုးတိုးတက်မှုမှာ ယင်းနိုင်ငံများ၏ စတော့ရှယ်ယာဈေးကွက် အကောင် အထည်ဖော်ဆောင်မှု၊ မူဝါဒရေးရာ အားနည်းမှုများ ကြောင့် အခက်အခဲ အတားအဆီးများစွာ ဖြစ်ပေါ်နေရသည်။ ဥပမာအားဖြင့် အချို့သော အဖွဲ့အစည်းများသည် ဘဏ္ဍာငွေ ဖြည့်တင်းရေးအတွက် ပြည်တွင်းကူးသန်းရောင်းဝယ်ရေးဘဏ် အနည်းစုကိုသာ အားကိုးအားထား ပြုနေကြခြင်းကြောင့် ပြိုင် ဆိုင်မှုအားနည်းကာ တစ်ဖက်တွင်လည်း လုပ်ငန်းဆောင်ရွက်မှု စရိတ်စကများ ကြီးမားစေသည်။ ခိုင်မာသည့်ဈေးကွက်အခြေခံ အဆောက်အအုံများ မရှိခြင်းက ငွေချေးသက်သေခံလက်မှတ် ဈေးကွက် ဖွံ့ဖြိုးရေးအတွက် ဆောင်ရွက်ရန်အခက်အခဲများစွာ ကြုံတွေ့နိုင်သည်။
အဖွဲ့အစည်းအလိုက် ရင်းနှီးမြှုပ်နှံသူများ နည်းပါးခြင်း၊ ပြည်တွင်းစုဆောင်းမှုနှုန်း လျော့ကျခြင်း၊ နိုင်ငံတကာ ရင်းနှီးမြှုပ်နှံ သူများ နည်းပါးခြင်းက ဈေးကွက်ဖွံ့ဖြိုးမှုတစ်ခု ဖြစ်ပေါ်စေရေး အတွက် အတားအဆီးများဖြစ်သည်။ ထို့အပြင် စီးပွားရေးတည် ငြိမ်မှုမရှိခြင်း၊ ကြီးမားသော ဘဏ္ဍာရေးလိုငွေပြနေခြင်း၊ လှည့် လည်ငွေကြေးပမာဏ မြင့်တက်လာခြင်း၊ ငွေလဲလှယ်မှုနှုန်းများ တည် ငြိမ်မှုမရှိခြင်း စသည်များက ရင်းနှီးမြှုပ်နှံသူများ၏ ယုံကြည် မှုများကို လျော့ကျစေကာ ငွေချေးစာချုပ်ဈေးကွက် တိုးတက် ဖွံ့ဖြိုးရေးအတွက် ဆုံးရှုံးနိုင်ခြေရှိမှု (ျွငျု) များပြားစေသည်။
ငွေချေးစာချုပ်ဈေးကွက် (သြညိ ာမေုနအ) သည် ထုတ်ဝေ သူများအတွက် ကာလရှည်ဘဏ္ဍာငွေ လိုအပ်ချက်များကို ဖြည့် ဆည်းပေးသော နေရာတစ်ခုဖြစ်သည်။ ငွေချေးစာချုပ်သည် ြွေကးမြီဝန်ခံချက် (ှုဥ့) နှင့်တူညီသည်။ ငွေချေးစာချုပ် ထုတ်ဝေ သူသည် ငွေချေးယူသူဖြစ်သည်။ ငွေချေးစာချုပ်ဝယ်ယူသူ သည် ငွေချေးငှားသူဖြစ်သည်။ သို့သော် ြွေကးမြီဝန်ခံချက်နှင့် ခြားနား သည်မှာ ငွေချေးစာချုပ်များသည် တစ်ဦးမှတစ်ဦးသို့ လွှဲပြောင်း နိုင်သည့်အခွင့်အလမ်းရှိသည်။ ှနခသညိမေပ ာမေုနအ တွင် ရောင်း ဝယ်ဖောက်ကားနိုင်သည်။ ငွေချေး စာချုပ်တွင်စာချုပ်၏သက် တမ်း၊ အတိုးနှုန်း၊ အတိုးပေးမည့်ကာလ စသည်တို့ဖြင့် ပြည့်စုံစွာ ပါရှိသည်။ ငွေချေးစာချုပ်သည် ပုံမှန်အတိုးပေးရပြီး သက်တမ်း စေ့သည့်အချိနတွင် အရင်းပြန်ဆပ်ရသည်။
အစိုးရငွေ ချေးစာချုပ် (ွသလနမညာနညအ ွှမနျေကမပ သြညိ )များသည် အစိုးရ၏ ဘဏ္ဍာငွေလိုအပ်ချက်အရ ထုတ်ဝေသော စာချုပ်စာတမ်းများဖြစ်ပြီး အာမခံမှု အပြည့်အဝရရှိသည်။ ဆုံးရှုံး နိုင်ခြေလုံးဝမရှိနိုင်သော ငွေချေးစာချုပ်များဖြစ်ပြီး ငွေချေးစာချုပ် များအားလုံး၏ စံနမူနာပြပြန်ရနှုန်းမျဉ်းကွေး (နြညခာ့မေု ့ငနိူ ဃကမလန) တစ်ခုအဖြစ် သတ်မှတ်ထားကြသည်။ ကော်ပိုရိတ် ငွေချေးစာချုပ် (ခသမစသမအေန ဘသညိ) များသည် ကုမ္ပဏီများမှ ထုတ် ဝေသော ငွေချေးစာချုပ်များဖြစ်ပြီး သတ်မှတ်ထားသော သက် တမ်းပြည့်လျှင် အတိုးနှင့် အရင်းကို ပြန်လည်ပေးအပ်မည်ဟု ကတိပြု၍ ထုတ်ဝေသော ငွေချေးစာချုပ်များဖြစ်သည်။ အတိုး ငွေများကို တစ်နှစ်လျှင် နှစ်ကြိမ်သော်လည်းကောင်း၊ လေးကြိမ် သော်လည်းကောင်း ထုတ်ပေးလေ့ရှိသည်။ အစိုးရမှ ထုတ်ဝေ သော ငွေချေးစာချုပ်များထက် အနည်းငယ်ခိုင်မာမှု အားနည်း သည်ဟု သတ်မှတ်ထားကြသည်။
ခိုင်မာသော ငွေချေးစာချုပ်ဈေးကွက်တစ်ခုသည် အစိုးရ နှင့် ကော်ပိုရေးရှင်းများအတွက် ကျယ်ပြန့်များပြားသော ရင်းနှီး မြှုပ်နှံမှုအခွင့်အလမ်းများကို ပေးနိုင်စွမ်းရှိသည်။ အစိုးရငွေချေး စာချုပ်ဈေးကွက်သည် ပုံသေဝင်ငွေရရှိသော ငွေချေးသက်သေ ခံလက်မှတ်အားလုံး၏ အခြေခံကျောရိုးတစ်ခုဖြစ်ကာ စံနမူနာ တစ်ခုလည်းဖြစ်သည်။ အစိုးရ ငွေချေးစာချုပ်အားလုံးသည် အစိုးရအပေါ် ယုံကြည်စိတ်ချရမှု တစ်ခုတည်းအပေါ် အခြေခံ ထားကာ ထုတ်ဝေပြီး အခြားသော ရုပ်ဒြပ်ပိုင်ဆိုင်မှုများကို ကျော ထောက်နောက်ခံပြုထားခြင်း မရှိပါ။ သို့သော်လည်း အစိုးရမှလွဲ၍ အခြားသော ပုဂ္ဂလိကများမှထုတ်ဝေသော ငွေချေးစာချုပ်များ အတွက်မူ ထုတ်ဝေသောပမာဏ၏ အပြည့်သော်လည်းကောင်း၊ တစ်စိတ်တစ်ပိုင်းကို လည်းကောင်း အပေါင်ပစ္စည်း (သြမအေါါန) ဟုခေါ်သော ပိုင်ဆိုင်မှုနှင့်သက်ဆိုင်သည့်ပစ္စည်းများကို အာမခံ ကာ ထုတ်ဝေကြရသည်။ ထို့အတူ အခြားသောပုံသဏ္ဌာန်အမျိုးမျိုး မှ ရရန်ရှိပစ္စည်းများကိုလည်း အပေါင်အဖြစ်ထားကာ ထုတ်ဝေ နိုင်ကြပသည်။
ကမ္ဘာတစ်ဝန်းလုံးမှ ငွေချေးစာချုပ်ထုတ်ဝေသူများသည် အခြေခံမူများဖြစ်သည့် ကာလရှည်လိုအပ်သော ငွေကြေးအရင်း အနှီးအတွက် ထုတ်ဝေခြင်း၊ ရင်းနှီးမြှုပ်နှံသူများအနေနှင့် စုဆောင်းမှုမှသည် ငွေဖြစ်လွယ်သော အရင်းအနှီးအဖြစ်ပြောင်း လဲခြင်း၊ ဘဏ္ဍာရေး ကြားခံအဖွဲ့များက ထုတ်ဝေသူနှင့် ရင်းနှီး မြှုပ်နှံသူတို့ အကြား ပေါင်းကူးပေးခြင်းနှင့် အခြေခံအဆောက် အအုံများဖြစ်သည့် ရောင်းဝယ်ရေးစနစ်များ၊ ဥပဒေထိန်းကျောင်း မှုများနှင့် စာရင်းရှင်းလင်းရေးစနစ်များ စသည်တို့ကို လိုက်နာ ဆောင်ရွက်ကြရသည်။
ငွေချေးစာချုပ်ဈေးကွက်ကို အခြေခံအားဖြင့် ဥပဒေစည်း မျဉ်းများ ရေးဆွဲကာ ထိန်းကျောင်းပေးပြီး ယင်းဥပဒေဖြင့်ပင် အရင်းအနှီးဈေးကွက် သို့မဟုတ် စတော့ရှယ်ယာဈေးကွက်ကြီးတစ်ခုလုံးကို ထိန်းကျောင်းပေးသည်။ ထိရောက်သွက်လက်သော ငွေချေးစာချုပ်ဈေးကွက်တွင် ထူးခြားသောသွင်ပြင်လက္ခဏာများ စွာရှိပြီး ယင်းတို့မှာ ယှဉ်ပြိုင်မှု အပြည့်အဝရှိသော ဈေးကွက် ပုံသဏ္ဌာန်ရှိခြင်း၊ လုပ်ငန်းဆောင်ရွက်မှု ကုန်ကျစရိတ် နည်း ပါးခြင်း၊ ခိုင်မာပြီး စိတ်ချရသည့် ဈေးကွက်အခြေခံအဆောက် အအုံရှိခြင်း၊ အရွယ်အစား စုံလင်လှသော ရင်းနှီးမြှုပ်နှံသူမျိုးစုံ ရှိခြင်း စသည်တို့ဖြစ်သည်။
နိုင်ငံတစ်ခုတွင်ခိုင်မာသော ငွေချေးစာချုပ်ဈေးကွက်တစ်ခု သာရှိမည်ဆိုပါက ယင်းမှ နိုင်ငံတော်နှင့် ရင်းနှီးမြှုပ်နှံသူတို့ အတွက် မြောက်မြားစွာသော အကျိုးကျေးဇူးများကိုပေးနိုင်စွမ်း ရှိသည်။ မေခရိုစီးပွားရေး မူဝါဒအဆင့်တွင် ငွေချေးစာချုပ်သည် နိုင်ငံတော်အတွက် လိုအပ်နေသော ဘတ်ဂျက်လိုငွေကို ဖြည့် ဆည်းပေးကာ အစိုးရမှ ငွေစက္ကူများ ငွေကြေးစနစ်အတွင်းသို့ ဖြည့်တင်းနေရမှုကို လျော့နည်းသက်သာစေသည်။ ထို့အပြင် အစိုးရအနေဖြင့် ပြည်ပနိုင်ငံများမှ ြွေကးမြီလိုအပ်ချက်များ ကိုလည်း လျော့နည်းသက်သာစေသည်။
ထို့အပြင် အစိုးရငွေချေးသက်သေခံလက်မှတ်ဈေးကွက် သည် နိုင်ငံ၏ငွေကြေးမူဝါဒ (သြညနအမေပ ဏသူငခပ) များဖြစ်သည့် ငွေကြေး စနစ်ခိုင်မာရေးနှင့် ငွေဖောင်းပွမှုနှုန်းလျော့နည်းစေရေး စသည်တို့ကိုလည်း အထောက်အကူပြုသည်။ နောက်ဆုံးအနေနှင့် နိုင်ငံတစ်ခုအား ဈေးကွက်စီးပွားရေးစနစ်သို့ ပြောင်းလဲရာတွင် လိုအပ်သည့်ကာလတို၊ ကာလရှည် ငွေကြေးများအတွက် ဘဏ္ဍာ ငွေဖြည့်တင်းမှုကို ရရှိစေသော ဈေးကွက်တစ်ခုကို ဖြစ်ပေါ်စေ သည်။
မိုက်ခရိုစီးပွားရေးမူဝါဒ အဆင့်တွင်လည်း ပြည်တွင်း ငွေချေး သက်သေခံလက်မှတ် ဈေးကွက်ဖွံ့ဖြိုးမှုသည် ဘဏ္ဍာရေး စနစ် အားလုံး၏ တည်ငြိမ်မှုကိုရရှိစေကာဘဏ္ဍာရေး ကြားခံ အဖွဲ့များအနေနှင့် ကြီးမား သော ယှဉ်ပြိုင်မှုများကိုဖြစ်ပေါ်စေ ပြီး ယင်းနှင့် ဆက်နွှယ်နေသော ဘဏ္ဍာရေးအခြေခံအဆောက် အအုံများ၊ ထုတ်ကုန်များနှင့် ဝန်ဆောင်မှုများအားလုံးကို ဖွံ့ဖြိုး တိုးတက်မှုဖြစ်ပေါ်စေသည်။ ငွေချေးသက်သေခံလက်မှတ်ဈေး ကွက် ဖွံ့ဖြိုးတိုးတက်မှုမှသည် မူလဘဏ်အခြေခံသောစနစ်မှသည် အဆင့်များစွာပါဝင်သည့် ဘဏ္ဍာရေးစနစ်များကို ဖြစ်ပေါ်စေ သည်။ အစိုးရနှင့် ဆက်နွှယ်သည့် ပုဂ္ဂလိက ကဏ္ဍတို့တွင် ငွေချေး သက်သေခံလက်မှတ်ဈေးကွက် ဖွံ့ဖြိုးတိုး တက်လာသည်နှင့်အမျှ ကူးသန်းရောင်းဝယ်ရေးဘဏ်များကိုလည်း ပိုမိုစုံလင်သည့် ဘဏ္ဍာရေး စာချုပ်စာတမ်းများတွင် ပါဝင်ပတ်သက်ရန် အခွင့် အလမ်းများစွာကို ရရှိစေနိုင်မည်ဖြစ်သည်။
အချုပ်အားဖြင့် ငွေချေးသက်သေခံလက်မှတ် ဈေးကွက် ဖွံ့ဖြိုးတိုးတက်မှုမှသည် ကျယ်ပြန့်သည့် သတင်းအချက်အလက် စနစ်များ၊ ဥပဒေရေးရာများ၊ အခြေခံအဆောက်အအုံဆိုင်ရာများ ဖွံ့ဖြိုးတိုးတက်လာကာနိုင်ငံ၏ ဘဏ္ဍာရေးစနစ်ကြီး တစ်ခုလုံးကို အောင်မြင်မှုရရှိစေမည်ဖြစ်ပါသည်။
(ဆက်လက်ဖော်ပြပါမည်)
ထွန်းသက်ထွန်း