ဈေးကွက်အတွင်း တရားဝင်ဖြန့်ဖြူးရောင်းချနေသော အလှကုန်၊ လူသုံးကုန်များ ဘေးအန္တရာယ်ကင်းရှင်းရေးနှင့် ကုန်အညွှန်းအမှတ်အသား ပြည့်စုံရေး အသိပညာပေးဆွေးနွေးပွဲ ကျင်းပ

ဈေးကွက်အတွင်း တရားဝင် ဖြန့်ဖြူးရောင်းချနေ သော အလှကုန်၊ လူသုံးကုန်များ ဘေးအန္တရာယ်ကင်း ရှင်းရေးနှင့်   ကုန်အညွှန်းအမှတ်အသား ပြည့်စုံရေး အတွက် စီးပွားရေးလုပ်ငန်းရှင်များ လိုက်နာဆောင် ရွက်နိုင်ရေး အသိပညာပေး ဆွေးနွေးပွဲအခမ်းအနား ကို သြဂုတ် ၂၇ ရက် နံနက် ၉ နာရီတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏  ရန်ကုန်ရုံးရှိ ပဉ္စမထပ် အစည်းအဝေးခန်းမတွင် ကျင်းပခဲ့သည်။  
အခမ်းအနားကို  စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး  ဦးကျော်ကျော်လွင် နှင့်တကွ အရာထမ်း၊ အမှုထမ်းများ၊ ဖိတ်ကြားထား‌ သော မိတ်ဖက်ဌာနများမှ  တာဝန်ရှိသူများ၊ မြန်မာ နိုင်ငံအလှကုန်အသင်းမှ  တာဝန်ရှိသူများ ဖိတ်ကြား ထားသော  ဧည့်သည်တော်များ  စုစုပေါင်း ၁၂၉ ဦး တက်ရောက်ခဲ့ကြောင်း သိရသည်။ 
အခမ်းအနား စတင်ချိန်တွင် စားသုံးသူရေးရာ ဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော် ကျော်လွင်က စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန မိတ်ဆက်နှင့် စားသုံးသူရေးရာဦးစီးဌာန ၏ လုပ်ငန်းဆောင်ရွက်နေမှုများနှင့်ပတ်သက်၍ အဖွင့်  စကား ပြောကြားခဲ့သည်။ 
ထို့နောက် မြန်မာနိုင်ငံ အလှကုန်အသင်းဒုတိယ ဥက္ကဋ္ဌ ဒေါ်နီနီအောင်က အသင်း၏ သမိုင်းကြောင်း နှင့်  ဆောင်ရွက်နေမှုများကို  ရှင်းလင်းပြောကြားခဲ့ ကြောင်း သိရသည်။ ဆက်လက်၍ အစားအသောက် နှင့် ဆေးဝါးကွပ်ကဲရေးဦးစီးဌာနမှ ညွှန်ကြားရေးမှူး ‌ဒေါက်တာမင်းဝန်က ဆွေးနွေးပြောကြားခဲ့ပြီး အသေး စားစက်မှုလက်မှုလုပ်ငန်းဦးစီးဌာနမှ ညွှန်ကြားရေးမှူး ဦးသက်နိုင်ဦးက ဌာနမိတ်ဆက်နှင့်MSMEs လုပ်ငန်း များ လိုက်နာဆောင်ရွက်ရမည့်  အချက်များကို ရှင်း လင်းပြောကြားခဲ့သည်။ 
ဆက်လက်၍ ရန်ကုန်မြို့တော် စည်ပင်သာယာ ရေးကော်မတီ စီမံရေးရာဌာနမှ  ဒုတိယညွှန်ကြားရေး မှူး ဦးသိုက်စိုးက လိုင်စင်ဆိုင်ရာ သိကောင်းစရာများ နှင့်  စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူးရုံးမှလက်ထောက်ညွှန်ကြားရေးမှူး ‌ဒေါ်ဝါဝါ ခိုင်က ကုန်အညွှန်းအမှတ်အသား  ဖော်ပြခြင်းဆိုင်ရာ သိကောင်းစရာများနှင့် အွန်လိုင်းစနစ်ဖြင့် မှတ်ပုံတင် ခြင်းဆိုင်ရာ  သိကောင်းစရာများကို  ရှင်းလင်းပြော ကြားခဲ့ကြောင်း သိရသည်။  
ထို့နောက်  အခမ်းအနား တက်ရောက်လာကြ သူများက သိလိုသည်များကို မေးမြန်းခဲ့ကြပြီး စားသုံး သူရေးရာဦးစီးဌာန  ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်က နိဂုံးချုပ် အမှာစကား ပြောကြား ခဲ့ကာ အခမ်းအနားအောင်မြင်စွာ ပြီးမြောက်ခဲ့ကြောင်း သိရသည်။

မြသူ
DOCA (ရန်ကုန်)