အိမ်ရာကဏ္ဍ ဖွံ့ဖြိုးရေးအတွက် ဘဏ္ဍာငွေ ဖြည့်တင်းရေး

ယခုအခါ ကမ္ဘာပေါ်ရှိ လူဦးရေသည် တစ်စထက်တစ်စ တိုးတက်များပြားလာသလို ယင်းလူဦးရေများအတွက် နေထိုင် ရေး ကိစ္စသည် မူဝါဒချမှတ်သူများအဖို့ ခေါင်းခဲစရာကိစ္စတစ်ခု ဖြစ်လာခဲ့သည်။ ကျေးလက်ဒေသမှ လူတို့သည် အလုပ်အကိုင် အခွင့်အလမ်းပေါများရာ မြို့ပြသို့ ပြောင်းရွှေ့နေထိုင်လာကြခြင်း၊ အခြားမြို့တစ်မြို့မှ နောက်တစ်မြို့သို့ ရေကြည်ရာ  မြက်နုရာ ပြောင်းရွှေ့ကြခြင်း၊ အိမ်ခြံမြေဈေးနှုန်း  မြင့်မားလာမှုကြောင့် ဝင်ငွေ အတော်အသင့်ရှိသူများက တိုက်ခန်းနှင့် ကွန်ဒိုမီနီယံများ ကို ရွေးချယ်ဝယ်ယူလာခြင်း၊ အိမ်ရာ ကန်ထရိုက်တာများ အနေ နှင့် မြို့ပြနှင့် ဆင်ခြေဖုံးဒေသများတွင် အိုးအိမ်ဖွံ့ဖြိုးတိုးတက်မှု စီမံချက်များကို ပြုလုပ်လာကြခြင်း၊ နိုင်ငံတော်ပိုင် အိုးအိမ်ဌာန များကလည်း အိုးအိမ်ဖွံ့ဖြိုးရေးလုပ်ငန်းများကို တိုးချဲ့ဆောင် ရွက်လာကြခြင်း စသည်တို့ကို တွေ့မြင်လာရသည်။ 
အချို့မြေယာပေါများသော နိုင်ငံများသည် မိမိတို့ အိုးအိမ် များကို ဘေးတိုက် ချဲ့ထွင်ခြင်း horizontally)) ဆောင်ရွက်ကြသည် များရှိသလို မြေယာအခက်အခဲရှိသော နိုင်ငံများတွင်လည်း အထက်သို့ ချဲ့ထွင်ခြင်း (vertically) နည်းလမ်းဖြင့် ဆောင်ရွက်ကြ သည်လည်းရှိသည်။
ယင်းသို့ အိမ်ရာများ တိုးချဲ့ဆောက်လုပ်ရာတွင် အဓိက လိုအပ်သည်မှာ ငွေကြေးအရင်းအနှီးဖြစ်သည်။ ယင်းငွေကြေး အရင်းအနှီးကို  ဖြည့်တင်းရေးအတွက် ပုဂ္ဂလိက ကုမ္ပဏီများ၊ အစိုးရများသည် နည်းလမ်းမျိုးစုံဖြင့် ဆောင်ရွက်လျက်ရှိကြရာ ယင်းတို့၏ ဆောက်လုပ်ရေးနှင့်  အိမ်ရာစီမံကိန်းများအတွက် မည်သို့မည်ပုံ ဘဏ္ဍာငွေများကို ဖြည့်တင်းကြသည်ဆိုသည်ကို လေ့လာသင့်သည်။ အစဉ်အလာအားဖြင့် အိမ်ရာ ဆောက်လုပ် ရေးကဏ္ဍများအတွက် လိုအပ်သော ဘဏ္ဍာငွေကို ဖြည့်ဆည်း ပေးသောအဖွဲ့မှာ ဘဏ်များဖြစ်သည်။
ခေတ်သစ် ဘဏ္ဍာရေးစနစ်ကြီးအတွင်း ဆောက်လုပ်ရေး နှင့် အိမ်ရာကဏ္ဍ ဖွံ့ဖြိုးတိုးတက်ရေးအတွက် အခြားသော ပါဝင် ပတ်သက်သည့်  အဖွဲ့အစည်းပေါင်းများစွာ ပေါက်လာသလို ဘဏ္ဍာငွေရယူသည့် နည်းလမ်းအသစ်များလည်း အမျိုးအစား စုံလင်စွာ ပေါ်ပေါက်လာခဲ့သည်။
အချို့အိမ်ရာဖွံ့ဖြိုးရေး  ပရောဂျက်များသည် အများနှင့် သက်ဆိုင်သော ကော်ပိုရေးရှင်းများအဖြစ် တည်ထောင်ကာ မိမိ တို့လိုအပ်သည့် အရင်းအနှီးအတွက် အများပြည်သူသို့ ရှယ်ယာ များ ထုတ်ဝေရောင်းချကာ ဖြည့်တင်းလေ့ရှိသည်။ အချို့သော အစိုးရပရောဂျက်များအတွက်လည်း အိမ်ရာဖွံ့ဖြိုးမှုဆိုင်ရာ ငွေ ချေးစာချုပ်များကို အများပြည်သူသို့ ထုတ်ဝေရောင်းချကာ ဖြည့် တင်းကြသည်လည်းရှိသည်။ အချို့နိုင်ငံများတွင်လည်း အိမ်ရာ များကို ပြည်သူများသို့ တိုက်ရိုက်အရစ်ကျစနစ်ဖြင့် ရောင်းချကာ ဖြည့်တင်းကြသည်များ ရှိသလို အချို့မှာ ပြည်သူများထံမှငွေကို အရင်ရယူပြီး နောက်မှ လုပ်ငန်းများ အကောင်အထည်ဖော်ခြင်း များလည်းရှိသည်။
အချို့နိုင်ငံများသည်လည်း ဆောက်လုပ်ရေးလုပ်ငန်း ဆိုင်ရာ ငွေချေးစာချုပ်များ၊ ဒီဗင်ချာများ ထုတ်ဝေကာ အများ ပြည်သူသို့ ရောင်းချကြသလို  အချို့ကလည်း  နိုင်ငံတော်ပိုင် အိမ်ရာဖွံ့ဖြိုးတိုးတက်ရေး ချေးငွေအစီအစဉ်များကို ဥပဒေများ ပြဋ္ဌာန်းရေးဆွဲကာ အိမ်ရာများ ပြည်သူတို့ သက်သာစွာ ဝယ်ယူ နိုင်ရေးအတွက် ဆောင်ရွက်ကြသည်ကိုလည်း တွေ့ရှိရသည်။
အချို့နိုင်ငံများတွင် ဆောက်လုပ်ရေးချေးငွေ Construction Loan အစီအစဉ်များကို ပြဋ္ဌာန်းထားသည်။ ယင်းမှာ အိမ်ရာ ဆောက်လုပ်ရေးအတွက် လောလောဆယ်ကုန်ကျမည့် စရိတ်များ ကာမိစေရေးအတွက် ဆောက်လုပ်ဆဲကာလအတွင်း ချေးငွေများရယူခြင်းဖြစ်သည်။ ဘဏ်များသည် ဆောက်လုပ်နေ  သော အဆောက်အအုံနှင့် မြေကို အာမခံပစ္စည်းအဖြစ် ရယူခြင်း ဖြစ်သည်။ ဆောက်လုပ်သည့် အဆင့်များ သတ်မှတ်ပြီး ချေးငွေကို အရစ်ကျထုတ်ပေးသည်။ ဆောက်လုပ်ပြီးသည့် အချိန်တွင် ငွေ ထုတ်ချေးအပြီးဖြစ်အောင် အချိန်ကိုက်  ချေးခြင်းဖြစ်သည်။ 
ဆောက်လုပ်ပြီးသည့်အခါ အမြဲတမ်းအိမ်ပေါင် ချေးငွေ ရယူပြီး ပေးဆပ်သည်။ အမြဲတမ်း အိမ်ပေါင်ချေးငွေကို အဖွဲ့ အစည်းလိုက် မြီရှင်များ Institutional Lender) ဖြစ်သော ဘဏ်များ၊ ငွေစုဘဏ်၊ ပင်စင်ရန်ပုံငွေအဖွဲ့များ၊ အာမခံအဖွဲ့ များက ထုတ်ချေးခြင်းဖြစ်သည်။ 
ဤနေရာတွင် ထိုင်းနိုင်ငံ အိမ်ခြံမြေဖွံ့ဖြိုးရေး လုပ်ငန်းတွင် ဘဏ္ဍာငွေဖြည့်တင်းမှုများကို တင်ပြလိုသည်။ ထိုင်းနိုင်ငံ စတော့ အိတ်ချိန်းတွင် စာရင်းဝင်ထားသော အိမ်ခြံမြေဖွံ့ဖြိုးရေး ကုမ္ပဏီ များသည် ၎င်းတို့၏ ဘဏ္ဍာရေးဖွဲ့စည်းမှုပုံသဏ္ဌာန်Financial Portfolio) ကို  ပိုမိုအားကောင်းစေရန်အတွက် ကာလတိုနှင့် ကာလလတ် ဒီဗင်ချာများကိုအများပြည်သူသို့ ထုတ်ဝေရောင်းချ ကာ ၎င်းတို့၏ဘဏ္ဍာငွေ လိုအပ်ချက်များကို ဖြည့်တင်းခဲ့ကြသည်။ ဒီဗင်ချာ debenture)  ဆိုသည်မှာ အပေါင်ပစ္စည်း၊ အာမခံ အစ  ရှိသော ကျောထောက်နောက်ခံများထားရှိရန်မလိုဘဲ ထုတ်ဝေ သော၊ ကုမ္ပဏီများ၏ သိက္ခာနှင့် ယုံကြည်မှုတို့အပေါ်အခြေခံကာ ထုတ်ဝေသော စာချုပ်စာတမ်းများဖြစ်သည်။ ယင်းတို့သည် ခိုင်မာမှု အားကောင်းသော ငွေချေးစာချုပ်များဖြစ်ပြီး ကာလ သက်တမ်းကို ၅ နှစ် ၁၀နှစ်၊ အနှစ် ၂၀ ၊ ၃၀ စသည်ဖြင့် ထုတ်ဝေ နိုင်သည်။  ပုံမှန်အတိုးပေးပြီး အချိန်စေ့လျှင် အရင်းပြန်ထုတ်ပေး သည်။ တစ်ချိန်တွင် ယင်းတို့ကို စတော့အဖြစ်လည်း ပြောင်းလဲ နိုင်သော စာချုပ်များဖြစ်သည်။ 
ဒီဗင်ချာများ ထုတ်ဝေခြင်းသည် အဆိုပါအိမ်ခြံမြေဖွံ့ဖြိုးရေး အဖွဲ့များ၏ ငွေသားစီးဆင်းမှုပုံသဏ္ဌာန် (Cash Flowကို ပိုမို အဆင်ပြေချောမွေ့စေကာ ဘဏ်ချေးငွေများအပေါ် မှီခိုမှုများ၊ ဘဏ်အတိုးနှုန်း ဝန်ပိမှုများကို တစ်နည်း တစ်ဖုံလျော့ကျစေသည်။  အိမ်ခြံမြေကုမ္ပဏီတို့သည် မိမိတို့ အိမ်ခြံမြေစီမံချက်ကာလ သက် တမ်းအလိုက် လိုအပ်သော ဒီဗင်ချာများကို ထုတ်ဝေနိုင်သည်။ အထူးသဖြင့် တိုက်ခန်းနှင့် ကွန်ဒိုမီနီယံ ပရောဂျက်များ တည် ဆောက်ရာတွင် အသုံးပြုလေ့ရှိပြီး ယင်းတည်ဆောက်မှု ကာလ သည် နှစ်နှစ်မှ သုံးနှစ်အထိ ကြာမြင့်သည့်အတွက်ကြောင့် ဖြစ် သည်။
နောက်ထပ်တင်ပြလိုသော စနစ်တစ်ခုမှာ အမေရိကန် အစိုးရ၊ အိုးအိမ်ဌာနမှ တာဝန်ခံကာ ထုတ်ဝေသော ငွေချေးစာချုပ်Housing Authority Bond  များဖြစ်သည်။ ယင်းမှာ ကာလတိုနှင့် ကာလလတ် ငွေချေးစာချုပ်များဖြစ်ပြီး ပြည်သူ့အိုးအိမ်အာဏာ ပိုင်အဖွဲ့မှ ထုတ်ဝေကာ အတိုးနှင့်အရင်းကို  ပြန်ပေးရန် အမေ ရိကန်၏ Department of Housing and Urban Development  မှ အာမခံခြင်းဖြစ်သည်။ ယင်းကို Public Housing Development Bond   ဟုလည်းခေါ်ဆိုသည်။ ဤငွေချေးစာချုပ်များကို ထုတ်ဝေ ရောင်းချ၍ရသော  ငွေများဖြင့် ဝင်ငွေနည်းသူများနှင့် ဝင်ငွေ အလယ်အလတ်ရှိသူများအတွက်  တန်ဖိုးနည်း  အိမ်ရာများ ဆောက်လုပ်ရာတွင် သုံးစွဲလေ့ရှိသည်။
အမေရိကန်အစိုးရသည်Federal Home Loan System  စနစ်တစ်ခုကိုဖန်တီးကာ အစိုးရအိမ်ရာချေးငွေ ဥပဒေ ၁၉၃၂ အရ ဒေသဆိုင်ရာဘဏ် ၁၂ ခုအား စုစည်း၍  အိမ်ရာချေးငွေ စနစ်တစ်ခု  တည်ထောင်ခဲ့သည်။ ယင်းစနစ်အရ ငွေစုငွေချေးအဖွဲ့ အစည်းများsaving and loan org  ကိုစုစည်းကာ ငွေကြေးပမာဏ  တစ်ခုကို စုစည်းပြီး အိမ်ရာဖွံ့ဖြိုးရေး ဆောင်ရွက်သူများသို့ထုတ် ချေးခြင်းဖြစ်သည်။ ဤစနစ်အရ အမေရိကန်ရှိ ခရိုင်ဘဏ်များ သည် ငွေစုငွေချေးအသင်းများသို့ ချေးငွေများထုတ်ချေးကာ ယင်း ငွေစုငွေချေးအသင်းများမှတစ်ဆင့် အိုးအိမ် ပရောဂျက်များသို့ ပြန်လည်ထုတ်ချေးခြင်းဖြစ်သည်။ 
ယင်းသို့အိမ်ရာဖွံ့ဖြိုးရေး ရန်ပုံငွေများကို  ကြီးကြပ်ရန် အတွက် ပြည်ထောင်စုအိမ်ရာချေးငွေ ထောက်ပံ့ရေးဘုတ်အဖွဲ့ (Federal Housing Finance Board ကို တည်ထောင်ထားသည်။ ယင်းအဖွဲ့သည် နိုင်ငံတော်ဥပဒေအရ တည်ထောင်သော ဗဟို အစိုးရအဖွဲ့အစည်းတစ်ခုဖြစ်ကာ အိမ်ရာချေးငွေများကို တာဝန် ယူ ထုတ်ချေးသည့် ဘဏ်များကို ကြီးကြပ်ရသည်။ ယင်းဘုတ်အဖွဲ့ သည် သမ္မတမှတိုက်ရိုက်ခန့်အပ်သော အဖွဲ့ဖြစ်ပြီး အဖွဲ့ဝင် ငါးဦး ပါရှိသည်။ ယင်းအဖွဲ့၏သက်တမ်းမှာခုနစ်နှစ်ဖြစ်သည်။ 
ယင်းအဖွဲ့သည် ခရိုင်ဘဏ်များမှ လက်ခံနိုင်သော အိမ်ရာ ဖွံ့ဖြိုးမှုပရောဂျက်များကို တည်ထောင်ခြင်း၊ ဈေးကွက်အတိုးနှုန်း ထက်နိမ့်သော အိမ်ပေါင်ချေးငွေများဖြင့် ဝင်ငွေနိမ့်ပြည်သူများ အား ငွေထုတ်ချေးခြင်း၊ ရင်းနှီးမြှုပ်နှံမှု ရန်ပုံငွေများထူထောင်ခြင်း၊ အကြေးဝန်ထုပ်ပိနေသည့် ငွေစုငွေချေးအသင်းများကို ကယ်တင် ခြင်း၊ နေအိမ် အပေါင်များကို အာမခံပေါ်လစီများ ထုတ်ပေးခြင်း စသည့် လုပ်ငန်းများကို ကြီးကြပ်ဆောင်ရွက်ရသည်။
အိန္ဒိယနိုင်ငံသည်လည်းUnion Home Loan   စနစ်ကို တည်ထောင်ကာ ဝင်ငွေနည်းပါးသူ ပြည်သူများအတွက် အိမ်ရာ ချေးငွေစနစ် စီစဉ်ထားရှိကြောင်းသိရှိရသည်။ ဤချေးငွေစနစ်ကိုUnion Bank of India  မှ တာဝန်ယူဆောင်ရွက်သည်။ ဤသို့စီစဉ် ထားသောကြောင့် ပြည်သူများအနေနှင့် တိုက်ခန်းများကိုလည်း ကောင်း၊ မြေကွက်များကိုလည်းကောင်း၊ လက်ရှိအိမ်နှင့် တိုက် ခန်းများ ပြုပြင်ထိန်းသိမ်းရေးအတွက် လည်းကောင်း ချေးငွေများ ကို ရယူနိုင်သည်။ ချေးငွေရယူနိုင်သောသူများမှာ အိန္ဒိယနိုင်ငံ သား ဖြစ်ရမည့်အပြင် အသက်မှာ (၂၁)နှစ်ပြည့်ပြီးသူများ ဖြစ်ရ မည်။  ချေးငွေကို  တစ်ဦးကျဖြစ်စေ၊ မိသားစုအလိုက်ဖြစ်စေ စုပေါင်း၍ ချေးယူနိုင်ပြီး ငွေချေးယူသူများအနေနှင့် ပုံမှန်ဝင်ငွေ ရှိသူများဖြစ်ရန် လိုအပ်သည်။ 
ချေးယူနိုင်သည့်ပမာဏမှာ ဝယ်ယူမည့်တိုက်ခန်း သို့မဟုတ် မြေကွက်၏ တန်ဖိုးနှင့် မိမိတို့ အရစ်ကျပြန်ဆပ်နိုင်သည့် ပမာဏ အပေါ်မူတည်သည်။ အိမ်ပြင်ဆင်ရန်အတွက် ချေးငွေပမာဏ မှာ အများဆုံး ရူပီး ၃ သန်းဖြစ်သည်။ ချေးငွေချေးယူရာတွင် အနည်းဆုံးချေးယူသူမှ ထည့်ဝင်ရမည့်ပမာဏကိုလည်း သတ် မှတ်ထားသည်။ ချေးငွေ ရူပီး ၇ ဒသမ ၅ သန်းအထိ ရယူလိုသူ အတွက် ကနဦးထည့်ဝင်ငွေမှာ ၂ ရာခိုင်နှုန်းဖြစ်ပြီး ချေးငွေ ၇ ဒသမ ၅ သန်းမှ ၂၀ သန်းအထိကို ၂၅ ရာခိုင်နှုန်း ထည့်ဝင်ရန် လိုအပ်သည်။ ၂၀ သန်းနှင့်အထက်ချေးငွေအတွက် ကနဦး ထည့်ဝင်ငွေမှာ ၃၅ ရာခိုင်နှုန်းဖြစ်သည်။ အိမ်ပြင်ဆင်ချေးငွေ အတွက်မူ ကနဦးထည့်ဝင်ငွေမှာ ၂ ရာခိုင်နှုန်းဖြစ်သည်။ ချေး ငွေအားလုံးအဆွက် ဆိုင်းငံ့ကာလကို ၁၈ လ သတ်မှတ်ထားသည်။ 
အိမ်ရာချေးငွေ ရယူလိုသူများသည် မိမိတို့၏ ချေးငွေကို အနှစ် ၃၀ အတွင်း အကျေဆပ်ရမည်ဖြစ်ပြီး အိမ်ပြင်ချေးငွေ အတွက်မူ ၁၀ နှစ်အတွင်း အကျေဆပ်ရန်လိုအပ်သည်။ လစဉ် ပေးရမည့် အတိုးနှုန်းမှာ  တစ်ရာခိုင်နှုန်းဖြစ်သည်။   အိန္ဒိယ အိမ်ရာချေးငွေစနစ်တွင် မှတ်သားစရာကောင်းသည့် အချက်မှာThird party guarantee မလိုအပ်ခြင်း၊ အခြားသော ဝင်ငွေအရင်း အမြစ်များမှ ငွေပေါ်သောကြောင့် ချေးငွေအကျေဆပ်လျှင်လည်း prepayment penalty ပေးဆောင်ရန်မလိုခြင်း ဖြစ်သည်။ သို့ရာ တွင် မိမိတို့လက်ဝယ်ရယူထားသော အဆောက်အအုံများအတွက် ဆုံးရှုံးမှုများမှ ကြိုတင်ကာကွယ်နိုင်ရန်  စမသစနမအပ ငညျကမညေခန မထားမနေ ထားရမည်ဖြစ်သည်။
Reference : Investment Guide Book

ထွန်းသက်ထွန်း