၂ဝ၁ဝ ပြည့်နှစ်အတွင်း တရုတ်ကုန်စည်ဈေးကွက် ထူးခြားချက် တရုတ်နိုင်ငံမှာ ၂ဝ၁ဝ ပြည့်နှစ်အတွင်းစားသောက်ကုန် ပစ္စည်း အများအပြားဈေးနှုန်းပြောင်းလဲ မြင့်တက်ခဲ့ပါတယ်။ ၎င်းအနက် လယ်ယာထွက်ကုန်ပစ္စည်းဈေးနှုန်းများ မြင့်တက် မှုဟာ နိုင်ငံရဲ့ ဈေးဆနှုန်းကိန်း (CPI) ကို မြင့်တက်စေခဲ့ပြီး ငွေကြေး ဖောင်းပွမှုနှုန်း ၅ဝ ရာခိုင်နှုန်းအထိရှိခဲ့တယ်လို့ သိရပါတယ်။တစ်ပြိုင်တည်းမှာပင်အစိုးရကပုံသေကားချပ် ဆောင် ရွက်နေတဲ့ စည်းမျဉ်းစည်းကမ်းများကလည်း စားကုန်ပစ္စည်း များ ဈေးနှုန်းမြင့်တက်မှုကို အားပေးရာရောက်ပြီး ကာလကြာ ရှည်စွာ ဈေးနှုန်းမြင့်တက်မှုကို ဖြစ်ပေါ်စေခဲ့ပါတယ်။ ကြက်သွန်ဖြူ ၂ဝ၁ဝ ပြည့်နှစ်ပိုင်းမှစ၍ ရာသီဥတုအခြေအနေကြောင့် ကြက်သွန်ဖြူထုတ်လုပ်မှုတင်ပို့မှု ၂ဝ ရာခိုင်နှုန်းခန့် ကျဆင်း ခဲ့ပေမဲ့ ကြက်သွန်ဖြူတင်ပို့မှုနဲ့ ပြည်တွင်းဈေးကွက် ဝယ်လို အား များပြားခဲ့တာကြောင့်ကြက်သွန်ဖြူဈေးနှုန်းမှာ ဝက်သား ဈေးနှုန် ထက်ပင်ပိုတဲ့အထိ စံချိန်မြင့်တက်ခဲ့ပြီး နိုဝင်ဘာလ ခန့်တွင်မှ ပြန်လည် ကျဆင်းခဲ့ကြောင်း သိရှိရပါတယ်။ ငရုတ်ကောင်း တရုတ်နိုင်ငံအရှေ့တောင်ပိုင်းဒေသဟာ ငရုတ်ကောင်း အများအပြား စိုက်ပျိုးထုတ်လုပ်ရာဒေသဖြစ် သလို နိုင်ငံရဲ့ ဈေးကွက်များအတွင်း ငရုတ်ကောင်းရောင်းလိုအား အများ အပြားဖြည့်တင်းပေးရာဒေသလည်းဖြစ် ပါတယ်။ယခုနှစ် အတွင်း အဆိုပါဒေသမှာ အလွန်ဆိုးရွားစွာ မိုးခေါင်ခဲ့တဲ့ အတွက် ငရုတ်ကောင်းထွက်ရှိမှု လျော့ကျ ခဲ့ရာမတ်လခန့်မှ စပြီး တရုတ်နိုင်ငံရဲ့ မြို့တော်အများအပြားမှာ ငရုတ်ကောင်း ဈေးနှုန်းနှစ်ဆ၊ သုံးဆခန့်အထိ မြင့်တက်သကဲ့သို့ နှစ်လယ် ပိုင်းခန့်မှာ တရုတ်နိုင်ငံရဲ့အဓိကမြို့တော်ကြီးများမှာ ငရုတ် ကောင်း ၁ ကီလိုဂရမ်လျှင် ၄ဝ ယွမ်အထိ ၁ဝ ဆခန့်မြင့်တက် ခဲ့ကြောင်း သိရှိရပါတယ်။ အာလူူး ၂ဝဝ၉ ခုနှစ်၊ အောက်တိုဘာလခန့်မှစ၍လစဉ်ဈေးနှုန်း တစ်ရိပ်ရိပ်မြင့်တက်ခဲ့ရာယခင်ကာလတူအချိန် နှင့်နှိုင်းယှဉ် လျှင် ၈၄ ဒသမ ၅ ရာခိုင်နှုန်းခန့်အထိ မြင့်တက်ခဲ့တဲ့အတွက် နိုင်ငံအတွင်းရှိကော်မှုန့်လုပ်ငန်းစက်ရုံ အတော်များများမှာ အာလူးဈေးနှုန်းမြင့်တက်မှုကြောင့် အကျပ်အတည်း တော်တော်များများနဲ့ ရင်ဆိုင်ခဲ့ရတယ်လို့သိရှိရပါတယ်။ ပဲတီစိမ်း ၂ဝဝ၉ ခုနှစ်အတွင်း ပဲတီစိမ်းထွက်ရှိမှုလျော့နည်းခဲ့တာ ကြောင့် ၂ဝ၁ဝ နှစ်စပိုင်းမှစပြီး ပဲတီစိမ်း ၁ ကီလိုဂရမ်လျှင် ၁၂ ယွမ်အထိဈေးနှုန်းမြင့်တက်ခဲ့ပြီး မြို့တော်ကြီးတွေမှာ ပဲတီစိမ်း သိုလှောင်ရောင်းဝယ် ဈေးကစားမှုများဖြစ်ပေါ်ခဲ့ သဖြင့် တရုတ်နိုင်ငံ အမျိုးသားဖွံ့ဖြိုးတိုးတက်ရေးနှင့် ပြုပြင် ပြောင်းလဲရေး ကော်မရှင်နှင့်ဒေသအာဏာပိုင် များ ပူးပေါင်း ပြီး ပဲတီစိမ်း သိုလှောင်ရောင်းဝယ် ဈေးကစားသူများနဲ့ ကုမ္ပဏီများအား ဒဏ်ကြေးငွေယွမ် ၁ သန်း အထိ ပြစ်ဒဏ် ချမှတ် ထိန်းသိမ်းခဲ့ရပြီး နှစ်လကျော်ကာလအတွင်း ဈေးနှုန်း များ ပြန်လည်တည်ငြိမ်ကျဆင်းခဲ့ကြောင်း သိရှိရပါတယ်။ ချင်း ယခုနှစ်အတွင်း ရာသီဥတုအခြေအနေကြောင့် ချင်း ထွက်ရှိမှု လျော့နည်းခဲ့ရာ ဇူလိုင်လခန့်မှစ၍ ချင်းဈေးနှုန်းများ ၂ဝ၁ဝ ပြည့်နှစ်အတွင်း တရုတ်ကုန်စည်ဈေးကွက် ထူးခြားချက် မြင့်တက်လာခဲ့ပြီး ချင်းအဓိကစိုက်ပိုျးတဲ့ ပြည်နယ်တွေမှာ တောင် ချင်း ၁ ကီလိုဂရမ်ကို ၄ ဒသမ ၅ ယွမ် (၃၂၈ ဒသမ ၆) ရာခိုင်နှုန်းအထိ မြင့်တက်ခဲ့တယ်လို့ သိရှိရပါတယ်။ ပြောင်း တရုတ်နိုင်ငံဟာ ပြောင်းထုတ်လုပ်မှုနှစ်စဉ် တိုးတက်နေ ပေမဲ့ သုံးစွဲမှုကလည်း အလားတူမြင့်တက်နေရာ ပြောင်းတင် သွင်းမှုမှာလည်း နှစ်စဉ် မြင့်တက်လျက်ရှိပါတယ်။၂ဝ၁ဝ ခုနှစ် ဧပြီလအတွင်း ပြောင်းဈေးနှုန်း စံချိန်တင် မြင့်တက်ခဲ့တဲ့ အတွက် အမျိုးသားဖွံ့ဖြိုးတိုးတက်ရေးနဲ့ ပြုပြင်ပြောင်းလဲရေး ကော်မရှင်နဲ့ ပြည်နယ်ကောက်ပဲသီးနံှ စီမံခန့်ခွဲရေးဌာနတို့မှ ပြောင်းဈေးနှုန်းများ တည်ငြိမ်စေရန် ပြည်တွင်းမှာ အရန်သိုလှောင်ထားတဲ့ ပြောင်းတွေ ကို လေလံတင်ရောင်းချ ပေးခဲ့ ပြီး ပြောင်းဈေးနှုန်းကို ထိန်းခုျပ်ခဲ့ရတဲ့အပြင် သက်ဆိုင်ရာ ပြည်နယ်အစိုးရတွေ အနေနှင့် ပဲပြောင်းသိုလှောင် ရောင်း ဝယ်ဈေးကစားမှုများကြောင့် ဈေးနှုန်းမြင့်တက်မှုကို ထိန်းခုျပ် ဖို့ မူဝါဒများ ချမှတ်ဆောင်ရွက်ခဲ့ရတယ်လို့ သိရပါတယ်။ ဝါ ၂ဝ၁ဝ ခုနှစ်အတွင်း ဝါထွက်ရှိမှုလျော့ကျခဲ့သော်လည်း ပြည်တွင်းဝယ်လိုအားမြင့်တက်ခဲ့လို သြဂုတ်လမှစတင်ပြီး ဈေးနှုန်းများမြင့်တက်ခဲ့ရာစက်တင်ဘာလခန့်မှာ ၂ဝ ရာခိုင်နှုန်းခန့်အထိ မကြုံစဖူးထူးကဲစွာ ဈေးနှုန်းမြင့်တက်ခဲ့ပါတယ်။ တရုတ်နိုင်ငံရှိအထည်ချုပ်လုပ်ငန်းများအနက် အသေးစားနှင့် အလတ်စားအထည် ချုပ်လုပ်ငန်းများမှာ ကုန်ကြမ်းဈေးနှုန်း ကြီးမြင့်ခြင်း၊ လုပ်သားခကြီးမြင့်ခြင်းစတဲ့ အခက်အခဲများ အပြင် ငွေကြေး အကျပ်အတည်းများနဲ့ ကြုံတွေ့ခဲ့ရတယ်လို့ သိရှိရပါတယ်။ ဟင်းသီးဟင်းရွက် တရုတ်နိုင်ငံရဲ့ ပြည်နယ်အတော်များများမှာ ရာသီဥတု ဆိုးရွားခဲ့တာကြောင့် မြို့တော် ၃၆ မြို့တော်ရှိ ဟင်းသီး ဟင်းရွက်အမျိုးအစား ၁၈ မျိုးခန့်မှာ ဈေးနှုန်း ၆၂ ဒသမ ၄ ရာခိုင်နှုန်းခန့်အထိ မြင့်တက်ခဲ့ကြောင်း သိရှိရပါတယ်။ သကြား ကမ္ဘာ့သကြားဈေးနှုန်းများမြင့်တက်လာခဲ့တဲ့အတွက် ပြည်တွင်းသကြားထုတ်လုပ်မှုလုပ်ငန်းများ တွက်ခြေကိုက်မှု နည်းကာထုတ်လုပ်မှုလျှော့ချခဲ့သဖြင့် သကြား ၁ တန်ဈေးနှုန်း မှာ ယခင်နှစ် ၂ဝဝ၉ ခုနှစ်က ယွမ် ၄ဝဝဝ သာရှိသော်လည်း ၂ဝ၁ဝ ခုနှစ်မှာ ယွမ် ၆ဝဝဝ အထိဈေးနှုန်းမြင့်တက်ခဲ့ပါတယ်။ တရုတ်ပရဆေးပင်များ ၂ဝ၁ဝ ခုနှစ်အတွင်း တရုတ်အိမ်သုံးဆေးဝါးများမှာ အသုံးပြုတဲ့ ပရဆေးပင်အမျိုးအစား လေးပုံတစ်ပုံ ကျော်ခန့် မှာ ဈေးနှုန်း ၅ဝ ရာခိုင်နှုန်းမှ ၁ဝဝ ရာခိုင်နှုန်းအထိ မြင့်တက် ခဲ့ပါတယ်။ အချို့ရှားပါးပရဆေးပင်များမှာ စိုက်ပျိုးထုပ်လုပ်မှုစရိတ် ကြီးမြင့်တဲ့ အတွက်တရုတ်ဆေးဝါးကုမ္ပဏီများမှ ထုတ်လုပ်မှု လျှော့ချခဲ့တဲ့အပြင် ရာသီဥတုဒဏ်ကြောင့်လည်း ထုတ်လုပ် မှု ကျဆင်းခဲ့ရပါတယ်။တစ်ချိန်တည်းမှာပဲ ပြည်တွင်းဝယ်လို အား မြင့်တက်ခဲ့တာကြောင့် ၃ဝဝ ရာခိုင်နှုန်းအထိ ဈေးနှုန်း များ စံချိန်တင်ကြီးမြင့်ရခြင်းဖြစ်တယ်လို့ သိရပါတယ်။ စကိုင်းနက်၊Source: Chinadaily.com
Background