ကုန်သွယ်ရေးသတင်း

ယခုဘဏ္ဍာနှစ်အတွင်း မြန်မာနိုင်ငံမှ ပြည်ပသို့ ပုစွန်မက်ထရစ်တန် ၃၀ဝ၀ နီးပါး တင်ပို့နိုင်ခဲ့ပြီး အမေရိကန်ဒေါ်လာ ကိုးသန်းကျော် ရရှိခဲ့ကြောင်း သိရသည်။
ဧပြီ ၁ ရက်မှ ဇူလိုင် ၃၁ ရက်အထိ  ပုစွန်မက်ထရစ်တန် ၂၉၅၆ ဒသမ ၆၃၆ တန် တင်ပို့ခဲ့ရာမှ အမေရိကန်ဒေါ်လာ ၉ ဒသမ ၃၄၄ သန်း ရရှိခဲ့ခြင်းဖြစ်သည်။
ယင်းပုစွန်တင်ပို့မှုများအနက် ပုံမှန်ကုန်သွယ်ရေးလမ်းကြောင်းမှ မက်ထရစ်တန် ၂၈၂၀ ဒသမ ၃၀၁ တန် တင်ပို့ခဲ့ပြီး အမေရိကန်ဒေါ်လာ ၈ဒသမ ၅၈၈ သန်း ရရှိခဲ့သည်။ နယ်စပ်လမ်းကြောင်းမှ မက်ထရစ်တန် ၁၃၆ ဒသမ ၃၃၅ တန် တင်ပို့ခဲ့ပြီး အမေရိကန်ဒေါ်လာ သုည ဒသမ ၇၅၆ သန်း ရရှိခဲ့သည်။

ရှေ့ဆက်ရမည့် စီးပွားရေးအခန်းကဏ္ဍသစ်
၂၀၂၆ ခုနှစ် ဧပြီ ၂၉ ရက်တွင် အမေရိကန် ကွန်ကရက်လွှတ်တော်၌ ပြောကြားခဲ့သည့်  ဗြိတိန်ဘုရင် ချားလ်စ်(၃)၏  သမိုင်းဝင်မိန့်ခွန်းသည် နိုင်ငံရေးနှင့် သံတမန်ရေးရာကိစ္စရပ်များသာမက   ပြောင်း လဲလာနေသည့် "ကမ္ဘာ့စီးပွားရေး ရေစီးကြောင်းသစ်" ကိုပါ ထည့် သွင်း  မီးမောင်းထိုးပြခဲ့သည်။  အဆိုပါမိန့်ခွန်းတွင်  အနာဂတ်ကုန် သွယ်ရေးကဏ္ဍ၌ အရေးပါလာမည့်အချက်များနှင့်  ကြိုတင်သတိပြု ပြင်ဆင်ထားရမည့်  မဟာဗျူဟာမြောက်   အယူအဆများ   ပါဝင်နေ သည့်အတွက်   စီးပွားရေးရှုထောင့်မှ   လေ့လာသင့်သော  မိန့်ခွန်းတစ် ရပ်ဖြစ်သည်။

၂၀၂၆ ခုနှစ်၏ ပထမနှစ်လအတွင်း ဗီယက်နမ်နိုင်ငံ၏ နဂါးမောက်သီးတင်ပို့မှုသည် ထိုင်းနိုင်ငံနှင့် အရှေ့အလယ်ပိုင်းဈေးကွက်များသို့ အလုံးအရင်းနှင့် တင်ပို့နိုင်ခဲ့ခြင်းကြောင့် ယခင်နှစ်အလားတူကာလထက်   ၁၄ ရာခိုင်နှုန်း     မြင့်တက်လာပြီး    အမေရိကန်ဒေါ်လာ ၁၀၈ ဒသမ ၅ သန်းအထိ ရရှိခဲ့သည်။
အကောက်ခွန်ဆိုင်ရာ အချက်အလက်များအရ ထိုင်းနိုင်ငံသို့ တင်ပို့မှုသည် ၂ ဒသမ ၇ ဆကျော် မြင့်တက်လာကာ ဒေါ်လာ ၉ ဒသမ ၂ သန်းအထိရှိခဲ့ပြီး အာရပ်စော်ဘွားများပြည်ထောင်စု (UAE)  သို့ တင်ပို့မှုမှာလည်း ၅၇ ရာခိုင်နှုန်း မြင့်တက်လာကာ ဒေါ်လာ ၃ ဒသမ ၃ သန်းအထိ ရှိခဲ့သည်။

ဒူးရင်းဈေးကွက်ချဲ့ထွင်နိုင်ရေးအတွက် မြန်မာ့ဒူးရင်းသီးပွဲတော်ကို ယခုလအတွင်း ရန်ကုန်မြို့၌ ကျင်းပနိုင်ရန် ပြင်ဆင်နေကြောင်း မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။
ယင်းပွဲတော်ကို မြန်မာ့ဒေသထွက် ဒူးရင်းသီးများကို ပြည်ပပို့ကုန်အဖြစ် တိုးမြှင့်နိုင်ရန်"မြန်မာ့ဒူးရင်း" အမည်ဖြင့် နိုင်ငံတကာဈေးကွက်တွင် ထိုးဖောက်နိုင်ရန်နှင့် ခေတ်မီစိုက်ပျိုးရေးနည်းပညာများ၊ ရိတ်သိမ်းပြီးနောက် ထိန်းသိမ်းခြင်းနည်းပညာများကို ဆွေးနွေးဖလှယ်နိုင်ရန် ရည်ရွယ်ထားကြောင်း သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာန၊ ပို့ကုန်သွင်းကုန်ရုံး ရန်ကုန်တိုင်းဒေသကြီးတွင်  နယ်စပ်ကုန်သွယ်ရေးနည်းလမ်းဖြင့် ရနောင်း-ကော့သောင်း၊ ရနောင်း-မြိတ်နှင့် ရနောင်း-ရန်ကုန် လမ်းကြောင်း မှ  တင်သွင်းမှုလုပ်ငန်းစဉ်  အသိပညာပေးခြင်း  သင်တန်းဖွင့်ပွဲ အခမ်းအနားကို ဧပြီ ၂၃ ရက် နံနက် ၉ နာရီခွဲတွင် ကျင်းပခဲ့ရာ စီးပွားရေး နှင့်   ကူးသန်းရောင်းဝယ်ရေးဝန်ကြီးဌာန၊  ကုန်သွယ်ရေးဦးစီးဌာန  ဒုတိယညွှန်ကြားရေးမှူးချုပ်  ဦးဝင်းလွင် တက်ရောက်၍ အဖွင့်အမှာစကား ပြောကြား ခဲ့သည်။