ပထမနှစ်ဝက်တွင် အင်ဒိုနီးရှား ရော်ဘာထုတ်လုပ်မှု ၂၆ ရာခိုင်နှုန်းမြင့်တက်

ပထမနှစ်ဝက်တွင် အင်ဒိုနီးရှား ရော်ဘာထုတ်လုပ်မှု ၂၆ ရာခိုင်နှုန်းမြင့်တက်                    ကမ္ဘာ့ဒုတိယအများဆုံးရော်ဘာထုတ်လုပ်သူဖြစ်တဲ့ အင်ဒိုနီးရှားနိုင်ငံက ယခုနှစ် ပထမနှစ်ဝက်မှာ ယခင်နှစ်ထက် ၂၆ ရာခိုင်နှုန်း ပိုမိုတိုးတက်ထုတ်လုပ်ခဲ့ကြောင်း ရော်ဘာအသင်း (Gapkindo) က ပြောကြားခဲ့ပါတယ်။ ၂ဝ၁၁ ပထမ (၆) လမှာ ရော်ဘာ တန်ချိန် ၁ ဒသမ ၇၄၂ သန်း ထုတ်လုပ်ပြီး ယခင်နှစ်အလားတူကာလက တန်ချိန် ၁ ဒသမ ၃၇၉ သန်း ထုတ်လုပ် ကြောင်း (Gapkindo)  ရဲ့ ညွှန်ကြားရေးမှူးကပြောကြားခဲ့ပါတယ်။ ရာသီဥတု အခြေအနေကောင်းတာကြောင့် ယခုနှစ်မှာ ရော်ဘာ တန်ချိန် ၂ ဒသမ ၉၅ သန်း ထုတ်လုပ်နိုင် မယ်လို့ မျှော်မှန်းထားပြီး၊ ၂ဝ၁ဝ မှာ တန်ချိန် ၂ ဒသမ ၇၃၅ သန်း ထုတ်လုပ်ခဲ့ကြောင်းသိရပါတယ်။ အင်ဒိုနီးရှား ရာသီဥတု အေဂျင်စီရဲ့ ခန့်မှန်းချက်အရ ယခုနှစ် နွေရာသီဟာ သာမန်ထက်ပိုပြီး ကာလရှည်နိုင်ကာ နိုဝင်ဘာလအထိ ရောက်ရှိနိုင်တယ်လို့သိရပါတယ်။ မေလနဲ့ဇွန်လမှာ ထုတ်လုပ်မှု အမြင့်ဆုံး ထုတ်လုပ် နိုင်ခဲ့တာကြောင့် ယခုနှစ် ဒုတိယ(၆)လဟာ ပထမ(၆)လထက် ထုတ်လုပ်မှုကျဆင်းနိုင်ကြောင်း (Gapkindo)  မှညွှန်မှူးက ပြောကြားပါတယ်။ ကမ္ဘာ့သဘာဝရော်ဘာ နဲ့ ရော်ဘာတုဝယ်လိုအားက ၂ဝ၁၁ မှာ မြင့်တက်ပြီး တန်ချိန် ၂၅ ဒသမ ၇ သန်းကိုရောက်ရှိကာ ပထမအကြိမ် မတ်လမှာ ခန့်မှန်းခြေထက်နည်းခဲ့ပေမဲ့ သုံးစွဲမှုကတော့ ယခင်နှစ် ထက်များနိုင်ကြောင်း နိုင်ငံတကာ ရော်ဘာလေ့လာရေးအုပ်စု (IRSG) က ပြောကြားခဲ့ပါတယ်။ Source; Reuters ,KZW