နိုင်ငံစီးပွားရေးတွင် ဝန်ဆောင်မှုလုပ်ငန်းများ၏ အခန်းကဏ္ဍ

ဝန်ဆောင်မှု                     ဝန်ဆောင်မှုဟူသော စကားရပ်နှင့်ပတ်သက်၍ အနက်အဓိပ္ပာယ် အမျိုးမျိုးရှိသည့်အနက် အရိုးရှင်းဆုံးသော ဖွင့်ဆိုချက်မှာ ဝန်ဆောင်မှု ဟူသည် ဖောက်သည်  (Customer)  အတွက် ပြုလုပ်ဆောင်ရွက်ပေးသည့် လုပ်ဆောင်ချက် (ဝါ) လုပ်ငန်းစဉ် (ဝါ)ဖျော်ဖြေမှုပင်ဖြစ်ပါသည်။ သာမန် အားဖြင့် ထိုဖွင့်ဆိုချက်မှာ ပြည့်စုံလုံလောက်ခြင်း မရှိဟု မှတ်ထင်နိုင်သော်လည်း ဝန်ဆောင်မှု အဓိပ္ပာယ်အား တိုတိုနှင့်လိုရင်းကို ခြုံငုံမိသည့် ဖွင့် ဆိုချက်ဖြစ်၍ အလွယ်တကူ သဘောပေါက်နိုင်ပါသည်။                       ဝန်ဆောင်မှုလုပ်ငန်းများ၏ သဘောသဘာ ဝကိုလိုက်၍ ငွေစုငွေချေး၊ အာမခံနှင့် အပေါင်ဆိုင် စသော ဝန်ဆောင်မှုလုပ်ငန်းများကို တန်ဖိုးမြှင့်ဝန်ဆောင်မှုလုပ်ငန်းများ (Value Added Services) ဟုလည်းကောင်း၊ ဆက်သွယ်ရေး၊ သယ်ယူပို့ဆောင်ရေးနှင့် ဘဏ်စသော ဝန်ဆောင်မှုလုပ်ငန်း များကို အခြေခံအဆောက်အဦဆိုင်ရာ ဝန်ဆောင်မှုလုပ်ငန်းများ (Infrastructure Services) ဟု လည်းကောင်း၊ ငွေစာရင်း၊ တရားရေးနှင့် သုတေသန စသော ဝန်ဆောင်မှုလုပ်ငန်းများကို ထုတ်လုပ်မှုနှင့် ပတ်သက်သော ဝန်ဆောင်မှုလုပ်ငန်း များ (Manufacturing Services)  ဟု လည်းကောင်း၊ အကြံပေး၊ စာရင်းစစ်နှင့် ကြော်ငြာ စသော ဝန်ဆောင်မှုလုပ်ငန်းများကို စီးပွားရေးဆိုင်ရာ ဝန်ဆောင်မှု လုပ်ငန်းများ(Business Services)  ဟုလည်းကောင်း၊ လက်လီလက်ကား အရောင်းလုပ်ငန်းများနှင့် ပြုပြင်ထိန်းသိမ်းမှု စ သော ဝန်ဆောင်မှုလုပ်ငန်းများကို ဖြန့်ဖြူးရောင်းချခြင်းဆိုင်ရာ ဝန်ဆောင်မှု လုပ်ငန်းများ (Distribution Services)  ဟု လည်းကောင်း၊ ပညာရေး၊ တရားရေး၊ ကာကွယ်ရေး၊ ရဲနှင့် မီးသတ်စသော ဝန်ဆောင်မှုလုပ်ငန်းများကို အစိုးရ ဝန်ဆောင်မှုလုပ်ငန်းများ (Government Services)  ဟု လည်းကောင်း၊ ကျန်းမာရေး၊ အလှ ပြင်နှင့် အစားအသောက်စသော ဝန်ဆောင်မှုလုပ်ငန်းများကို ပုဂ္ဂလိက တစ်ကိုယ်ရေဆိုင်ရာ ဝန်ဆောင်မှုလုပ်ငန်းများ (Personal Services) ဟု လည်းကောင်း အကြမ်းဖျဉ်းအားဖြင့် အုပ်စုများ ခွဲခြားနိုင်ပါသည်။                  အထက်ဖော်ပြပါ ဝန်ဆောင်မှုလုပ်ငန်းများ ကို အကြမ်းဖျဉ်းကြည့်ရုံဖြင့် လူမှုနေ့စဉ်ဘဝတွင် ဝန်ဆောင်မှုလုပ်ငန်းများမှာ မည်မျှလွှမ်းမိုးမှုရှိမည်၊ အရေးပါမည်ကို ခန့်မှန်းကြည့်နိုင်ပါသည်။ ဝန်ဆောင်မှု အဓိကစီးပွားရေးပုံစံ                     ဝန်ဆောင်မှုလုပ်ငန်းများနှင့် ဆက်စပ်ပြီး ကမ္ဘာပေါ်ရှိနိုင်ငံများ၏ စီးပွားရေးလုပ်ငန်းများကို လေ့လာကြည့်မည်ဆိုပါက အဓိကအားဖြင့် ကုန်စည်နှင့် ဝန်ဆောင်မှု (Good and Services) နှစ် မျိုးဖြင့်သာ တိုက်ရိုက်ဖြစ်စေ၊ သွယ်ဝိုက်၍ဖြစ်စေ နှီးနွယ် ပတ်သက်နေကြောင်း တွေ့ရှိရမည်ဖြစ်ပါသည်။ အတိတ်ကာလများသို့ ပြန်ပြောင်းကြည့်လျှင် ကုန်စည်ထုတ်လုပ်မှုနှင့်ပတ်သက်သည့် စီးပွားရေးလုပ်ငန်းများကိုသာ အသားပေးလုပ်ကိုင် ခဲ့ကြသည်ကို တွေ့ရှိရမည်ဖြစ်ပါသည်။ ယင်းသို့ ကုန်စည်ထုတ်လုပ်မှုကို အသားပေးသည့် စီးပွားရေးလုပ်ငန်းများမှ တဖြည်းဖြည်းဖြင့် ဝန်ဆောင်မှုကို အသားပေးသည့် စီးပွားရေးလုပ်ငန်းများကို ပြောင်းလဲလုပ်ကိုင်လာခဲ့ကြပါသည်။                         အဆိုပါအချက်နှင့်ပတ်သက်၍ ကမ္ဘာ့စီးပွားရေးအင်အားအကြီးဆုံးဖြစ်သည့် အမေရိကန်ပြည် ထောင်စု၏ စီးပွားရေးလုပ်ငန်းများ တိုးတက် ပြောင်းလဲမှုပုံစံတွင် ထင်ရှားစွာ တွေ့ရပါသည်။ အမေ ရိကန်ပြည်ထောင်စုတွင် ၁၉ ရာစုအစောပိုင်းကာလများ၌ အလုပ်သမား အားလုံး၏ ၃၀ ရာခိုင်နှုန်းခန့်သာ ဝန်ဆောင်မှုလုပ်ငန်းများတွင် လုပ်ကိုင်ခဲ့ကြပြီး ၁၉ ရာစုအလယ်ပိုင်းကာလများ၌ အလုပ်သမားအားလုံး၏ ၅၀ ရာခိုင်နှုန်းအထိ ဝန်ဆောင်မှုလုပ်ငန်းများတွင် တိုး၍ လုပ်ကိုင်လာနိုင်ခဲ့ကြပါသည်။ လက်ရှိအချိန်တွင်မူ အမေရိကန် ပြည်ထောင်စု၌ အလုပ်သမားအားလုံး၏ ၈၀ ရာ ခိုင်နှုန်းအထက်သည် ဝန်ဆောင်မှုလုပ်ငန်းများတွင် လုပ်ကိုင်လျက်ရှိသည်ကို တွေ့မြင်ရမည်ဖြစ်ပါသည်။                       ကမ္ဘာ့စီးပွားရေးဖွံ့ ဖြိုးမှု ဆင့်ကဲဖြစ်စဉ်နှင့် ဝန်ဆောင်မှုလုပ်ငန်းများ                 အခြားတစ်ဖက်မှာလည်း ကမ္ဘာ့စီးပွားရေး ဖွံ့ဖြိုးမှုတိုးတက်မှုအဆင့်များကို စီးပွားရေးလုပ်ငန်း ပြောင်းလဲမှု ဖြစ်စဉ်များကိုမူတည်၍ ခွဲခြားသတ်မှတ် ထားပြီး အဆိုပါအဆင့်အလိုက် ဝန်ဆောင်မှုလုပ်ငန်းများ ဖွံ့ဖြိုးအရေးပါလာမှုကို လေ့လာနိုင်ပါသည်။                         စက်မှုခေတ်မတိုင်မီကာလ (Preindustrial Age) တွင် စက်မှုနည်းပညာ ဖွံ့ဖြိုးမှုနည်းပါး၍ လုပ်သားအားကိုး လုပ်ကိုင်နိုင်သော စိုက်ပျိုးရေး၊ သတ္တုတူးဖော်ရေးနှင့် မွေးမြူရေး စသော လုပ်ငန်းများကို အဓိကထားလုပ်ကိုင်နိုင်ခဲ့ပြီး အလုပ်လက်မဲ့ပြဿနာများ အများအပြားပေါ်ပေါက်ခဲ့ပါသည်။                         ဝန်ဆောင်မှုလုပ်ငန်းများနှင့်ပတ်သက်၍ အိမ်တွင်း လက်မှုလုပ်ငန်းအနည်းအကျဉ်းသာ ရှိခဲ့ပါသည်။ စက်မှုခေတ် (Industrial Age) တွင် ထုတ်လုပ်မှုပမာဏကို အဓိကထားခဲ့ပြီး အလုပ်ချိန်နှင့် လုပ်အားကို စက်ပစ္စည်း များနှင့်အပြိုင် လိုက်ပါလုပ်ကိုင်နိုင်ရေး တွန်းအားပေး ဆောင်ရွက်ခဲ့ပါသည်။ အရည်အချင်းနှင့် အရည်အသွေးထက် အရေအတွက်ကိုသာ ဦးစားပေးသည့်အပြင် အုပ်စုဖွဲ့ လုပ်ကိုင်မှုများကိုသာ အဓိက ဦးစားပေးနေရ သဖြင့် ထုတ်လုပ်မှုဆိုင်ရာ လုပ်သားအင်အား လိုအပ်ချက် မြင့်တက်လာခဲ့ပါသည်။ သို့ရာတွင် အရည်အသွေးနှင့် တစ်ဦးချင်း လိုအပ်ချက်ကို အခြေခံရသော ဝန်ဆောင်မှုလုပ်ငန်းများ ဖွံ့ဖြိုး တိုးတက်ရန်အတွက် အခွင့်အရေး နည်းပါးခဲ့ရပါသည်။                              စက်မှုခေတ်လွန်ကာလ (Postindustrial Age) ဖြစ်သော မျက်မှောက်ခေတ်တွင်မူ ထုတ်လုပ်မှုလုပ်ငန်းများ၏ အသီးအပွင့်ဖြစ်သည့် ရုပ်ပိုင်း ဆိုင်ရာ တိုးတက်ကြွယ်ဝမှုထက် လူမှုနေထိုင်မှုဘ၀ အရည်အသွေး (Quality of Life)  တို့ကို ရှေ့တန်း တင်လာရာ ပညာရေး၊ ကျန်းမာရေးနှင့် စိတ်ကျေ နပ်ချမ်းသာမှုတို့မှာ အဓိက တိုင်းတာသည့် လူမှုစီးပွားရေးဖွံ့ဖြိုးတိုးတက်မှုဆိုင်ရာ စံများဖြစ်လာ ပါသည်။ အခြေအနေနှင့် အချိန်အခါအလျောက် ၎င်းတို့နှင့်တိုက်ရိုက်ပတ်သက်နေသည့် ဝန်ဆောင် မှုလုပ်ငန်းများမှာလည်း လိုအပ်ချက်အရ တစ်ဟုန် ထိုး ဖွံ့ဖြိုးတိုးတက်လာခဲ့ပါသည်။  ကျန်၍ ချန်၍မရသည့် ဝန်ဆောင်မှုလုပ်ငန်းများ ဖွံ့ ဖြိုးရေး                  သတင်းအချက်အလက်နည်းပညာနှင့် အသိ ပညာဉာဏ်တို့ကို အခြေခံထားသည့် မျက်မှောက်ခေတ်၌ ဝန်ဆောင်မှုလုပ်ငန်းများသည် ပညာရေး၊ လူမှုရေးနှင့် ကျန်းမာရေးတည်းဟူသော အခြေခံပင်မနယ်ပယ်ကြီးများ တွင်သာမက စီးပွားရေးလုပ်ငန်းနယ်ပယ်အားလုံးနှင့် ချိတ်ဆက်လျက်ရှိပါသည်။ သို့ဖြစ်ရာ နိုင်ငံ၏စီးပွားရေး ဖွံ့ဖြိုးတိုး တက်ရေးအတွက် ဝန်ဆောင်မှုလုပ်ငန်းများမှာ အလွန်အရေးကြီးသည့် အခန်းကဏ္ဍမှ ပါဝင်နေပါသည်။                           သာဓကအားဖြင့် သယ်ယူပို့ဆောင်ရေးနှင့် ဆက်သွယ်ရေးဆိုင်ရာ ဝန်ဆောင်မှုလုပ်ငန်းများမှာ နိုင်ငံ၏ စီးပွားရေး ဖွံ့ဖြိုးတိုးတက်ရန်အတွက် ပင်မဒေါက်တိုင်သဖွယ် အလွန်အရေးပါလျက်ရှိသည်ကို တွေ့ရပါသည်။ ထို့အပြင် အစိုးရ ဝန်ဆောင်မှုလုပ်ငန်းများ၊ စီးပွားရေး ဝန်ဆောင်မှု လုပ်ငန်းများ၊ ထုတ်လုပ်မှုဆိုင်ရာ ဝန်ဆောင်မှုလုပ် ငန်းများ၊ ကုန်သွယ်မှုဆိုင်ရာ ဝန်ဆောင်မှုလုပ်ငန်းများ စသည်ဖြင့် အလယ်အလတ်နှင့် အကြီးစား အဆင့် ဝန်ဆောင်မှု လုပ်ငန်းများမှသည် လူတစ်ဦး ချင်းစီ၏ အခြေခံလိုအပ်ချက်များကို ဖြည့်ဆည်း ပေးနေသော ဆေးခန်း၊ စာအုပ် အငှားဆိုင်၊ ဆံသ လုပ်ငန်း စသော အသေးစားဝန်ဆောင်မှုလုပ်ငန်း များအထိ ဝန်ဆောင်မှုလုပ်ငန်းအမျိုးမျိုးကို လူ့ အဖွဲ့အစည်း အတွင်း၌ပုံစံအရွယ်အစားနှင့် အသွင်သဏ္ဌာန်စုံလင်စွာ တွေ့မြင်ရမည်ဖြစ်ပါသည်။                        ကမ္ဘာပေါ်တွင် ဝန်ဆောင်မှုလုပ်ငန်းများနှင့် ကင်းကွာ၍ ရပ်တည်နိုင်သည့် လူ့အဖွဲ့အစည်းရှိ နိုင်မည်မဟုတ်ဟုဆိုလျှင် ဝန်ဆောင်မှုလုပ်ငန်းများ ဖွံ့ဖြိုးတိုးတက်ခြင်းမရှိဘဲ နိုင်ငံ၏ စီးပွားရေးဖွံ့ဖြိုး တိုးတက်အောင် လုပ်ဆောင်ရန်မှာ ခြေထောက် တစ်ဖက်တည်းဖြင့် လမ်းလျှောက်ရသကဲ့သို့ ခရီး တွင်ရန် ခက်ခဲမည်သာဖြစ်သည်။ ဝန်ဆောင်မှုလုပ်ငန်းများ ဖွံ့ဖြိုးတိုးတက်ရေးအား အလေးထား ဆောင်ရွက်ခြင်းဖြင့် ခေတ်သစ်၏ တောင်းဆိုချက် (ဝါ) လိုအပ်ချက်ကို ဖြည့်ဆည်းပေးရာ ရောက်ပါသည်။ ခေတ်မီဖြင့် ကမ္ဘာကြီး၏ စီးပွားရေးဖွံ့ဖြိုး တိုးတက်မှုကို ရှုမြင်ကြည့်ပါက ဝန်ဆောင်မှုလုပ်ငန်းများ၏ အရေးပါအရာရောက်မှုကို အားကျအတုယူဖွယ်ရာ တွေ့မြင်နိုင်မည်ဖြစ်ပါသည်။ သို့ ဖြစ်ရာ ခေတ်မီဖွံ့ဖြိုးတိုးတက်မှု၏ အသီးအပွင့်များ ကို အပြည့်အဝခံစားနိုင်ရေး၊ နိုင်ငံ၏စီးပွားရေးကို ဘက်စုံဖွံ့ဖြိုးတိုးတက်စေရေး တု့ိအတွက် ဝန်ဆောင်မှုလုပ်ငန်းများကို ချန်လှပ်ထား၍မရဘဲ ခေတ်နှင့် အညီ ခေတ်မီဖွံ့ဖြိုးအောင် အကောင်အထည် ဖော် ဆောင်ရွက်သွားရမည်သာဖြစ်ပါသည်။ ဝန်ဆောင်မှုလုပ်ငန်းများ ဖွံ့ဖြိုးတိုးတက်စေခြင်းဖြင့် နိုင်ငံ၏ အလုပ်အကိုင် အခွင့်အလမ်းများ တိုးတက်စေသကဲ့သို့ နည်းပညာ၊ အရည် အသွေးနှင့် ထုတ်လုပ်မှုစံချိန်စံညွှန်းများ တိုးတက် ကောင်းမွန်မှုကို တိုက်ရိုက်အကျိုးပြုသွားနိုင်ပါသည်။ ယင်းသို့ တိုက်ရိုက်အကျိုးပြုမှုမှတစ်ဆင့် အရည်အသွေးကောင်းမွန် သည့် ကုန်စည်နှင့် ဝန် ဆောင်မှုများကို နိုင်ငံတကာနှင့် ယှဉ်ပြိုင်ထုတ်လုပ် ရောင်းချနိုင်စွမ်းရှိလာမည်ဖြစ်ပါသည်။ ဤနည်း အားဖြင့် နိုင်ငံခြားဝင်ငွေ ပိုမိုတိုးတက်ရရှိလာစေ ကာ နိုင်ငံ၏ စီးပွားရေးဖွံ့ဖြိုးတိုးတက်မှုကို အရှိန်အဟုန်မပြတ် ဆွဲတင်သွားနိုင်မည်ဟု ယုံကြည်မိပါသည်။