နယ်စပ်မှ ယခုအပတ် ရော်ဘာတင်ပို့မှုပို              ဒီဇင်ဘာလ ၁၅ ရက်မှ ၂၁ ရက်ထိ ကာလအတွင်း နယ်စပ်ကုန်သွယ်ရေးစန်းများဖြစ်တဲ့ တရုတ်နယ်စပ်က မူဆယ် ၁ဝ၅ မိုင်ကုန်သွယ်ရေးဇုန်နဲ့ ထိုင်းနယ်စပ်မှ မြိတ်နယ်စပ်ကုန်သွယ်ရေးစခန်းတွေကနေ ရော်ဘာအဆင့်စုံ တန်ချိန် ၁၁၅ဝ ကျော် တန်ဖိုး ကန်ဒေါ်လာ ၄ သန်းကျော်ဖိုးတင်ပို့နိုင်ခဲ့ပါတယ်။ ရော်ဘာအဆင့်အလိုက်တင်ပို့နိုင်မှုတွေကတော့ မူဆယ် ၁ဝ၅ မိုင် ကုန်သွယ်ရေးဇုန်ကနေ ရော်ဘာ RSS (1)  ၁၆၆ တန်ကျော်၊RSS (3) ၆၅၂ တန်ကျော်၊RSS (5) ၇၅ တန်၊ MSR (20)  ၄ဝ ဒသမ ၅ တန်၊MSR (50)  ၁၁၆ တန်ကျော်နဲ့ မြိတ်နယ်စပ်မှ MSR (20) တန် ၁ဝဝ အသီးသီးတင်ပို့ခဲ့ တာဖြစ်ပါတယ်။ ယခင်အပတ်က မူဆယ် ၁ဝ၅ မိုင်ကုန်သွယ်ရေးဇုန်နဲ့ချင်းရွှေဟော်နယ်စပ်တို့မှ ရော်ဘာ ၅၆၂ တန်ကျော်သာ တင်ပို့နိုင်ခဲ့တာမို့ ယခုအပတ်မှာ တန်ချိန် ၅၈၈ တန်ကျော်တင်ပို့မှုပိုမိုခဲ့ပါတယ်။ တစ်ဘက်နိုင်ငံ ဝယ်လိုအားရှိပစ္စည်းဖြစ်ပြီး တစ်ဖက်နိုင်ငံ ရော်ဘာဈေးကလည်း မြင့်တက်ခဲ့တဲ့အတွက် တင်ပို့မှုပိုမိုခဲ့တာလို့ မူဆယ် ၁ဝ၅ မိုင် ကုန်သွယ်ရေးဇုန် ပို့ကုန် ဌာနက သတင်းရရှိပါတယ်။ ယခုအပတ်နဲ့ယခင်အပတ်ရော်ဘာဈေးနှုန်းများကို နှိုင်းယှဉ်ဖော်ပြပေးလိုက်ရပါတယ်                                               မိမိဘက်(ကျပ်/တန်)                           တစ်ဘက်နိုင်ငံ(ဒေါ်လာ/တန်)                        ယခု                ယခင်         ပြောင်းလဲမှု     %           ယခု            ယခင်       ပြောင်းလဲမှု    %RSS(3)              ၃၇၂၄၆၄၅        ၃၆၁၂၆၄၅     ၁၁၂ဝဝဝ         ၃            ၄ဝ၆၂          ၃၆၈ဝ           ၃၈၂        ၉RSS(5)              ၃၄၉၁၇၄၅         ၃၃၇၉၇၄၅     ၁၁၂ဝဝဝ        ၃            ၃၇၆၁           ၃၅၃ဝ          ၂၃၁        ၆MIRT (DOBT)

 ပြည်ပဲကြီးဈေးအနည်းငယ်ကျ             ယခုဒီဇင်ဘာ တတိယပတ်အတွင်း ပြည်ဈေးကွက်၌ ပဲကြီးဈေးနှုန်းများ ကျဆင်းနေတာကို တွေ့ရပါတယ်။ ပဲကြီးဈေးနှုန်းမှာလည်း ယခင်အပတ်ကထက် ဈေးအနည်းငယ် ကျဆင်းခဲ့ပါတယ်။ ပဲကြီးကမ်းနားမှာ ယခင်တစ်ပတ်က တစ်တင်း ၃၅ဝဝဝ ကျပ်မှ ယခုဒီဇင်ဘာတတိယပတ်မှာ တစ်တင်းကို ၃၄ဝဝဝ ကျပ်၊ ပဲကြီး (ရွှေကျွန်း)မှာ ယခင်အပတ်က ၃၆ဝဝဝ ကျပ်၊ ယခု ၃၅၅ဝဝ ကျပ်ဖြင့် အရောင်း အဝယ်ဖြစ်လျက်ရှိပါတယ်။ ယခင်အပတ်က တစ်ရက်ကို အိတ် ၂ဝဝ ကျော် အရောင်းအဝယ်ဖြစ်ခဲ့ပြီး ယခုတစ်ပတ်မှာတော့ တစ်ရက်ကို အိတ် ၁ဝဝ ကျော်ခန့် သာ အရောင်းအဝယ်ဖြစ်ကြောင်း သိရပါတယ်။ ခင်ဆွေဝင်း

လက်လီအဝယ်ရှိလို့ အိန္ဒိယ ကုလားပဲဈေးမြင့်တက်          အိန္ဒိယနိုင်ငံမှာ လာမယ့်လပွဲတော်အတွက် လက်လီဆိုင်များနဲ့ ပဲခွဲစက် များက အဝယ်တိုးတက်လာသလို ကြိုပွိုင့်ဈေးလည်းမြင့်တက်လာတာ ကြောင့် အင်ဒိုရီဈေးကွက်ကုလားပဲလက်ငင်းဈေး တစ်တန်ကို ရူပီး ၃ဝဝ (ကန်ဒေါ်လာ ၆ ဒသမ ၆၄) မြင့်တက်ပြီး ရူပီး ၂၃၉ဝဝ-၂၄ဝဝဝ (ကန်ဒေါ်လာ ၅၂၉-၅၃၁) ဈေးဖြစ်ခဲ့တယ်လို့ သိရပါတယ်။ NCDEX  မှာ ဇန်နဝါရီလ ကုလားပဲစာချုပ်ဈေး ဟာ ရူပီး ၃၄ဝ (ကန်ဒေါ်လာ ၇ ဒသမ ၅၂) မြင့်တက်ပြီး ရူပီး ၂၅၈၃ဝ (ကန်ဒေါ်လာ ၅၇၂) ဖြစ်ခဲ့ပါတယ်။ အလားတူ မွန်ဘိုင်းဆိပ်ကမ်းမှာ သြစတြေးလျ ကုလားပဲဈေးလည်း တစ်တန်ကို ရူပီး ၂၅ဝ (ကန်ဒေါ်လာ ၅ ဒသမ ၅၃) မြင့်တက်ပြီး ရူပီး ၂၅၂၅ဝ (ကန်ဒေါ်လာ ၅၅၉) ဖြစ်ခဲ့တယ်လို့ သိရပါတယ်။ နိုင်ငံတစ်ဝန်း ကုလားပဲလက်ကျန်များ လျော့ကျခြင်းနဲ့ လှောင်လက်များ ကလည်း လက်ကျန်များ ရနိုင်သလောက် ထိန်းထားပြီး ဈေးအမြင့်နဲ့ ရောင်းချ နေတာကြောင့် လက်ငင်းဈေးကွက်ရော ကြိုပွိုင့်ဈေးပါ လာမယ့်လများအထိ မြင့်တက်နေဦးမယ်လို့ ခန့်မှန်းကြပါတယ်။ သြစတြေးလျမှာ ကုလားပဲများ ပျက်စီး တဲ့ သတင်းများနဲ့ ကနေဒါ၊ သြစတြေးလျတို့က တင်သွင်းမှု လျော့နည်းခြင်း တို့ ကြောင့် ရောင်းလိုအားနဲ့ ဝယ်လိုအား မမျှတမှုကိုဖြစ်စေပြီး ဈေးနှုန်းကို ပိုမိုမြင့် တက် စေတယ်လို့ ကုန်သည်များက ဆိုပါတယ်။ယမင်းခင်၊ှSources: business line

ဈေးဆက်လက်အေးနေသော ပြည်ကုလားပဲ          ပြည်ဈေးကွက်တွင် ကုလားပဲဈေးမှာ ယခင်တစ်ပတ်က ၂၃ဝဝဝ ကျပ်ဖြင့် အရောင်းအဝယ်ရှိပြီး ယခု တစ်ပတ်တွင် ၂၂ဝဝဝ ကျပ်ဖြင့် ဈေးအနည်း ငယ် ကျဆင်းခဲ့တာကို တွေ့ရပါတယ်။ အရောင်းအဝယ်ဖြစ်မှုအနေနဲ့ ယခင် တစ်ပတ်က တစ်ရက် အိတ် ၂ဝဝ အရောင်းအဝယ်ရှိရာမှ ယခုအပတ်တွင် အိတ် ၁ဝဝ ခန့်သာ ရောင်းချရပါတယ်။ ခွဲစက်သမားနဲ့ ကြာဇံစက်သမားများမှ အဝယ် အေးလာတဲ့အတွက် ဒေသတွင်း ပွဲရုံများတွင် ရောင်းအား နည်း ခြင်းဖြစ်ပါတယ်။ ယခုအချိန်ဟာ ပဲစိုက်ပျိုးသူတောင်သူများမှလည်း စိုက်ပိုျးပြီးဖြစ်တဲ့အတွက် မျိုးပဲ ဝယ်ယူသူ အနည်းငယ်သာရှိတော့တဲ့အတွက် အရောင်းအေးခြင်း ဖြစ်ကြောင်း သိရပါတယ်။                                                                             လွင်လွင်ဆန်း