ဂရိဘဏ္ဍာရေး နှင့် အိုင်အမ်အက်ဖ် ဆေးခါးကြီး

ဂရိနိုင်ငံ၏ ဘဏ္ဍာရေးပြဿနာသည် ယမန် နှစ် အောက်တိုဘာလကတည်းက အစပျိုးခဲ့ခြင်း ဖြစ်သည်။ တိုင်းပြည်၏ အမျိုးသားဝင်ငွေစာရင်းကို ယခင်အစိုးရအဖွဲ့က လိမ်လည်ဖော်ပြ ခဲ့ကြောင်း နောက်တက်လာသည့် အစိုးရက ထုတ်ဖော်ဝန်ခံ လိုက်ရာမှ စတင်ခဲ့ခြင်းဖြစ်သည်။  ပြည်တွင်း ထုတ် လုပ်မှုတန်ဖိုး(ဂျီဒီပီ)၏ ၁၃.၆ ရာခိုင်နှုန်း အထိ ရှိနေသည့် ဘတ်ဂျက်လိုငွေနှင့် ဂျီဒီပီ၏ ၁၁၅ ရာခိုင်နှုန်းနှင့်ညီမျှသော ေ<ကးမြီပမာဏတို့ကြောင့်  လက်ရှိအစိုးရအဖွဲ့တွင် အကျပ်တွေ့နေရသည်။ တိုင်းပြည်ဘဏ္ဍာရေးမှာ မလှုပ်သာ မရှားသာ ဖြစ် နေရသည့်အထဲတွင် ပြည်ပပို့ကုန် တင်ပို့ရောင်းချ နိုင်စွမ်းလည်းမရှိသဖြင့်  အကျပ်အတည်းမှ ရုန်း ထွက်နိုင်မည့်လမ်းစ ပျောက်နေသည်။ ယူရိုငွေ ကြေးနယ်ထဲ ဝင်ထားပြီးဖြစ်နေသဖြင့် ငွေတန်ဖိုး ချခြင်းဖြင့် ဖြေရှင်းနိုင်မှာလည်း မဟုတ်ချေ။ဥရောပသမဂ္ဂအတွင်း ဂရိနိုင်ငံကို ဘဏ္ဍာ ရေး အကူအညီပေးရေးနှင့်ပတ်သက်၍ သုံးလ ကျော် အငြင်းပွားနေခဲ့ရာမှ ယခုနှစ် မေလနှစ်ရက် နေ့မှာတော့ ကူညီကယ်တင်ရန် ဆုံးဖြတ်နိုင်ခဲ့ကြ သည်။ ဘရပ်ဆဲလ်မြို့တွင် ကျင်းပသည့် ယူရိုငွေ ကြေးနယ်ဝင် ၁၆ နိုင်ငံမှ ဘဏ္ဍာရေးဝန်ကြီး များက ယူရိုငွေ ၁၁၀ ဘီလျံကျော်ဖြင့် သုံးနှစ်ကာလအထိ ကူညီကယ်တင်သွားရန် ဆုံးဖြတ် ခဲ့ကြသည်။ ထို ကယ်တင်ရေးရန်ပုံငွေတွင် ယူရိုငွေကြေးနိုင်ငံများမှ ထုတ်ချေးငွေ ယူရို ၈၀ ဘီလျံနှင့် နိုင်ငံတကာငွေ ကြေး ရန်ပုံငွေအဖွဲ့(IMF)မှ ချေးငွေ ယူရို ၃၀ဘီလျံ တို့ပါဝင်မည်ဖြစ် သည်။ ယင်းအစီအစဉ်မှာ ဥရောပ သမိုင်းတွင် အကြီးမားဆုံးသော နိုင်ငံအစိုးရ ကယ် တင်ရေး(Sovereign bail out)အစီအစဉ် ဖြစ်နေ သည်။  ဂရိအစိုးရက  ရှေ့လာမည့် လေးနှစ်တာ အတွင်း အမျိုးသားဝင်ငွေ၏ ၁၃ရာခိုင်နှုန်းနှင့် ညီမျှ သော ခြိုးခြံချွေတာရေး အစီအစဉ်များကို ဆောင် ရွက်သွားရန် လက်ခံသဘောတူခဲ့ရသည်။သို့ဖြစ်လျှင် အဖွဲ့ဝင် ချမ်းသာနိုင်ငံများက မိမိတို့ထက် နွမ်းပါးသော အဖွဲ့ဝင်နိုင်ငံသို့ ငွေကြေး အမြောက်အမြား ကူညီခဲ့ခြင်းသည် ယူရိုငွေကြေး နှင့် အီးယူနိုင်ငံများ အားလုံး၏ အကျိုးစီးပွား အတွက်   ဟုတ်ပါရဲ့လားဟု သံသယဖြင့် မေးခွန်း ထုတ်နေကြသည်။  လွန်ခဲ့သည့် သုံးလအတွင်းက နိုင်ငံရေးအရထိခိုက်လာမှာကို အီးယူခေါင်းဆောင် များက စိုးရိမ်ခဲ့ကြသည်။ ဂရိနိုင်ငံသားတွေ ဖော ဖောသီသီ သုံးဖြုန်းပစ်ခဲ့သည့်အတွက် ဖြစ်ပေါ် လာရသောပြဿနာကို မိမိတို့နိုင်ငံသား၏ ဘဏ္ဍာ ငွေဖြင့် ကယ်တင်ရကောင်းလားဟု မြင်သွားမှာ စိုးရိမ်ကြခြင်း ဖြစ်သည်။ အထူးသဖြင့် ယူရိုငွေကြေး နယ်တွင်စီးပွားရေးအင်အား အကောင်းဆုံးဖြစ်နေ သည့် ဂျာမနီနိုင်ငံ၏ ခေါင်းဆောင်ပိုင်းက စိုးရိမ် သည်။ ဂျာမနီတွင် ဒေသဆိုင်ရာ ရွေးကောက်ပွဲ များကို မေလအစောပိုင်းမှာပင် ကျင်းပရန်ရှိနေသ ဖြင့် မဲဆန္ဒရှင်များ မကျေမနပ်ဖြစ်မှာကို ပူပန်စရာ ရှိနေသည်။IMF ၏ ခြိုးခြံချွေတာရေး စီမံကိန်းအရ ဂရိအစိုးရအနေဖြင့်  ပြည်တွင်းထုတ်လုပ်မှုနှင့် ဝန်ဆောင်မှု လုပ်ငန်းများအပေါ် ကောက်ခံသည့် တန်ဖိုးဖြည့်အခွန် (VAT)ကို လက်ရှိ ၂၁ရာခိုင်နှုန်း မှ ၂၃ရာခိုင်နှုန်းသို့ တိုးမြှင့်ကောက်ခံရမည်ဖြစ်ပြီး၊  လောင်စာဆီ၊  အရက်နှင့် ဆေးလိပ်တို့အပေါ် ကောက်ခံသည့်အခွန်ကို နောက်ထပ် ၁၀ရာခိုင်နှုန်း တိုးမြှင့်ရမည်ဖြစ်သည်။ ထို့ပြင် လစာ၊ လုပ်ခနှင့် ပင်စင်ခံစားခွင့်များအပါအဝင် အစိုးရ အသုံးစရိတ် များကိုလည်း သိသိသာသာ လျှော့ချရဦးမည်ဖြစ် သည်။ ဂရိနိုင်ငံအား ကူညီကယ်တင်ရန် ကြေညာ ပြီးစအချိန်မှာပင် ဥရောပ စတော့ဈေးကွက်ညွှန်း ကိန်းများ တစ်ရက်အတွင်း ၂ရာခိုင်နှုန်းမှ ၃ ရာခိုင်နှုန်းအထိ ကျဆင်းခဲ့ပြီး၊ ယူရိုငွေတန်ဖိုးသည် လည်း ဒေါ်လာနှင့်လဲရာတွင် တစ်နှစ်တာအတွင်း အနိမ့်ဆုံးအဆင့်အထိ ထိုးကျသွားသည်။ သို့ရာ တွင် ထိုကယ်တင်ရေး အစီအစဉ်ကြောင့် ဂျာမနီ အခွန်ထမ်းပြည်သူများအပေါ် ရေရှည်တွင် ထိခိုက် နစ်နာစရာမရှိကြောင်းနှင့်IMF၏ ခြိုးခြံချွေတာ ရေး အစီအစဉ်အတိုင်း အောင်မြင် သွားမည် ဆို လျှင်  ကယ်တင်ရေးရန်ပုံငွေ  ထုတ်ချေးသည့် အတွက် ဂျာမနီနိုင်ငံတွင် အမြတ်ရလာနိုင်မှာ ဖြစ် သည်ဟု ဂျာမနီဝန်ကြီးချုပ် အင်ဂျလာမာကဲလ်က ပြောခဲ့သည်။ ဂရိကယ်တင်ရေးအတွက် ထုတ်ချေး ငွေအပေါ် ၅ ရာခိုင်နှုန်း အတိုးရလာနိုင်မည့် အချက်ကို ရည်ညွှန်းခြင်းဖြစ်သည်။တကယ်တော့ နိုင်ငံပိုင်ကဏ္ဍတွင် လုပ်ခ၊ လစာများ  ဖြတ်တောက်လျှော့ချပြီး၊    အခွန် အကောက်များ တိုးမြှင့်ကောက်ခံရမည်မှာ ဂရိ အစိုးရအတွက် အကြီးအကျယ် ထိခိုက်နစ်နာဖွယ် ဖြစ်သည်။ IMF ၏ ဆေးခါးကြီးဟု အမည်တွင်နေ သည့်  ခြိုးခြံချွေတာရေးလမ်းစဉ်မှာ  အင်မတန် ကြမ်းတမ်းခက်ခဲလှသည်။ ဂရိနိုင်ငံ၏ ပြင်းထန် ဆိုးဝါးသော အတွေ့အကြုံသည် ယူရိုငွေကြေး နယ်မှ ေ<ကးမြီပမာဏ များပြားနေသည့် နိုင်ငံများ အတွက် သင်ခန်းစာယူစရာဖြစ်နေပြီး၊ ထိုခက်ခဲ ကြမ်းတမ်းသောလမ်းကို ရှောင်လွှဲနိုင်ရန်အတွက် ကျန်နိုင်ငံများက မည်သည့်နည်းဖြင့် မဆို ကြိုးစား ကြလိမ့်မည်ဟုလည်း ခန့်မှန်းကြသည်။ဂရိနိုင်ငံ၏ စီးပွားရေးဖွံ့ဖြိုးမှုမှာ ယခုနှစ်တွင် ၄ရာခိုင်နှုန်း ဆုတ်ယုတ်နေပြီး၊ ပြန်လည် တိုးတက် မှုဖြစ်လာနိုင်မည့် ၂၀၁၂ ခုနှစ်မတိုင်မီအထိ ၂.၆ ရာခိုင်နှုန်းခန့် ကျဆင်းနေဦးမည်ဖြစ်ရာ အခွန်တိုး ကောက်ပြီး၊  အသုံးစရိတ်  ဖြတ်တောက်ရမည့် အိုင်အမ်အက်ဖ်၏ အစီအစဉ်အတိုင်း သွားရဦး မည်ဆိုလျှင် အစိုးရအဖွဲ့ ဆက်လက်ရှင်သန်နိုင် ရန်မှာ  အင်မတန်  ခက်ခဲနေလိမ့်မည်ဟု ဆိုပါ သည်။          Ref;The Economistဦးဟန်ထွန်း(အခွန်)