ကယားပြည်နယ် လွိုင်ကော်ဈေးကွက်ကို ဇူလိုင်လကုန်ကစပြီး အစေ့ထုတ် ပြောင်းသစ်များ ဝင်ရောက် လာကာ သြဂုတ်လ ဒုတိယပတ်မှာတော့ အဝင် လှိုင်လာတာတွေ့ရပါတယ်။ ပြောင်းရဲ့အရည်အသွေးပေါ် မူတည်ပြီး အစေ့ထုတ် ပြောင်းသစ် အစိုတစ်ပိဿာ ၂၅၀ ကျပ်မှ ၂၈၀ ကျပ်ထိ ဈေးရှိနေပြီး၊ အခြောက် တစ်ပိဿာကို ၄၀၀ ကျပ်မှ ၄၂၀ ကျပ်ထိ ဈေးရှိနေတာကြောင့် မိုးကြို ပြောင်းစိုက်တောင်သူများက အစိုရောအခြောက်ပါ ဈေးကွက်ကို တင်ပို့ရောင်းချ လျက်ရှိတာတွေ့ရပါတယ်။ ကယားပြည်နယ်မှာ မိုးကြိုပြောင်းကို လွိုင်ကော်ခရိုင် ဒီမော့ဆိုမြို့နယ်မှာ အများဆုံးစိုက်ပျိုးကြတာပါ။ မိုးကြိုပြောင်းကို မတ်လနဲ့ဧပြီလ တွေမှာစတင်စိုက်ပျိုးပြီး ဇူလိုင်၊ သြဂုတ်လများမှာ ရိတ်သိမ်းထွက်ရှိတာဖြစ် ကြောင်း နဲ့ အစေ့ထုတ်ပြောင်းအစိုများကိုတော့ ကုန်သည်ပွဲစားများက ဝယ်ယူပြီး ရှမ်းပြည် နယ် တောင်ပိုင်း၊ တောင်လေးလုံးဒေသရှိ မြနဒီပြောင်းအခြောက်ခံစက်ကို အဓိက တင်ပို့ရောင်းချကြောင်း သိရပါတယ်။ မင်းအောင်
Background