ဟင်္သာတဈေးကွက်မှာ ဒီတစ်ပတ်ဈေးကွက်ထဲ အသစ်ဝင် ရောက်လာတဲ့ မတ်ပဲသစ်နဲ့ စာရင် လက်ကျန်မတ်ပဲ (အဟောင်း) ကိုသာ ရန်ကုန်အဆွဲများခဲ့တယ်လို့ ဆိုပါတယ်။ ဈေးကွက်ထဲဝင်လာ တဲ့ မတ်ပဲဒေသ အခေါ်အဝေါ်ခြံပဲကတော့ ပစ္စည်းအဝင်နည်းသေး တယ်။ အဝင်မလှိုင်သေးဘူး။ ဒါပေမယ့် အဝင်ရှိသလောက် တစ်ပိ ဿာကို ၇၁၅ ကျပ်(တစ်တန်ကို ၄၃၇၈၅၈ ကျပ်)ဈေးနဲ့ တစ်ရက်ကို အိတ် ၁၀၀ ခန့်အရောင်း အဝယ်ဖြစ်ခဲ့ကြောင်း သိရပါတယ်။ ဒါ့အပြင် လက်ကျန်မတ်ပဲ(ဟောင်း)က ရောင်းလက်တွေထံမှာ ပစ္စည်းလက် ကျန်နည်းနေပေမယ့် ရန်ကုန်အဆွဲက ပုံမှန်ရှိခဲ့တယ်လို့ ဆိုပါတယ်။ အရောင်းအဝယ်အနေနဲ့ တစ်ပိဿာ ၇၀၀ ကျပ် (တစ်တန်ကို ၄၂၈၆၇၃ ကျပ်)ဈေးနဲ့ နေ့စဉ်အိတ် ၃၀၀ မှ ၄၀၀ ကြားဖြစ်ခဲ့တယ် လို့သိရပါတယ်။ ပဲလွန်းဖြူကိုတော့ ရန်ကုန်ဝယ်လက်က တစ်ပိဿာ ၉၅၀ ကျပ်(တစ်တန်ကို ၅၈၁၇၇၀ ကျပ်)ဈေးနဲ့ တစ်ရက်ကိုအိတ် ၂၅၀ ခန့်အဝယ်ရှိခဲ့တယ်လို့ ပွဲရုံရပ်ကွက်ကဆိုပါတယ်။ ဒေသထွက် ပဲပုပ်က ဈေးကွက်သို့ဝင်ရောက်မှုများလာသလို ရန်ကုန်အဆွဲက လည်း အဆွဲသွက်ခဲ့တယ်လိ့ု ဆိုပါတယ်။ အရောင်းအဝယ်အနေနဲ့ တစ်ပိဿာကို ၉၀၀ ကျပ်(တစ်တန်ကို ၅၅၁၁၅၁ ကျပ်ဈေးနဲ့ တစ် ရက်ကိုအိတ် ၄၀၀ ခန့်ဖြစ်ခဲ့ကြောင်း သိရပါတယ်။
Background