မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေး ဇုန်မှ ဧပြီလ ၁၇ ရက်မှ ၂၃ ရက် သြင်္ကန်ကာလအပြီးမှာပဲ မြန်မာ့ သရက်တွေတရုတ်ကိုစတင်တင်ပို့နေပါပြီ၊ ကန်ဒေါ်လာ သုည ဒသမ ၂၃၁ သန်းတန်ဖိုးရှိတဲ့ သရက်သီး ၈၅၄ တန်ကျော်ကိုတင်ပို့ခဲ့ခြင်း ဖြစ်ပြီး တင်ပို့တဲ့သရက်သီးအမျိုးအစားတွေကတော့ စိန်တစ်လုံး၊ ရွှေဟင်္သာနဲ့သရက်သီးအကြမ်းတို့ပဲဖြစ်ပါတယ်။ ယမန်နှစ်ကာလတူ ၂၀၁၂ ခုနှစ်ဧပြီလ ၁၇ ရက်မှ ၂၃ ရက်အတွင်းမှာတော့ တန်ချိန် ၁၀၀၀ ကျော်တင်ပို့နိုင်ခဲ့ပြီး ယမန်နှစ်ကသြင်္ကန်ကာလမတိုင်ခင်ဧပြီ လဆန်းပိုင်းက တည်းက တင်ပို့ခဲ့တာလို့သိရပါတယ်။ စိန်တစ်လုံး သရက်သီးမိမိဘက်ပေါက်ဈေးတစ်တန်ကို ၅၁၄၁၂၀ ကျပ်၊ တစ်ဖက် နိုင်ငံဈေး ယွမ် ၃၆၀၀ ရှိပြီး ရွှေဟင်္သာဈေးတစ်တန် ၄၉၉၈၃၈ ကျပ်နဲ့ တစ်ဖက်နိုင်ငံဈေး ယွမ် ၃၅၀၀ ရှိတယ်လို့ သတင်းရရှိပါတယ်။မော်မော်အောင်၊ MIRT (DCCA)
Background