နွားထိုးကြီးမြို့နယ်မှ ရှမ်းပြည်နယ်မြောက်ပိုင်းသို့ လက်ဖက်ခူး ထွက်နေ သော ဒေသခံ ၅၀၀၀ ထက်မ နည်းမှာ လက်ဖက်ခူးပြီးရှမ်းပြည်နယ်မှ ပြန် ရောက်လျက်ရှိကြောင်း သိရသည်။
မိုးမကျမီတစ်လကြာ လက်ဖက်ခူးခဲ့ရာ ရွှေဖီမိုးလွတ်လက်ဖက်ခြောက် နှင့်အတူပြန်ရောက်နေကြသည်။ မိုးမရွာမီ လက်ဖက်အညွန့်အဖူးများကို ခူးခဲ့သော ရွှေဖီမိုးလွတ် လက်ဖက်ခြောက်ဈေးကွက်မှာ ကျပ် ၄၀၀၀ အထက်ဖြင့် ဈေး ကွက် ရှိနေသည်။ ရှမ်းပြည်နယ်တွင် မိုးဖြိုင်ဖြိုင်ကျနေပြီဖြစ်၍ လက်ဖက်ခူးရေးမှာမိုးနှင့် အပြိုင်ခူးနေရ၍ အခက်အခဲရှိသည်။ မိုးမိ၍ဖျားနာမှာကိုစိုးရိမ်ရသည်။ခူးရ သော လက်ဖက်မှာလည်း ဈေးကောင်းမရဟုဆိုသည်။ ယခုနှစ်လက်ဖက်များမှာ ထွက်သလောက် ဈေးကောင်းမရဘဲ ဈေးနှိမ်ခံ နေရသည့်အပြင်သွားလာရေး ခက်ခဲ မှုကြောင့် လက်ဖက် သယ်ယူရေးမှာ စရိတ် ထောင်းနေကြောင်း လက်ဖက်ခူးပြန်သူတို့ကဆိုသည်။ခင်ဇာမွန်မြင့်(ဥပဒေ)