မြန်မာ-တရုတ်နယ်စပ်ရှိ မူဆယ်(၁၀၅) မိုင်ကုန်သွယ်ရေးဇုန်မှတစ်ဆင့် မေ ၆ ရက်မှ ၁၂ ရက်အထိ ရက်သတ္တပတ် အတွင်း အမေရိကန်ဒေါ်လာ ၄၅၃၉၀ တန်ဖိုးရှိ ကော်ဖီစေ့ ၅၁ တန်ကျော်ကို တင်ပို့ခဲ့ရာ ယခင်တစ်ပတ်က တင်ပို့ခဲ့တဲ့ ၃၃ တန်ကျော်နဲ့ နှိုင်းယှဉ်ပါက ၁၈ တန်ပိုမိုတင်ပို့ခဲ့ပါတယ်။မြန်မာနိုင်ငံတွင် ကော်ဖီကို မန္တလေးတိုင်းဒေသကြီးရှိ ပြင်ဦးလွင်၊ ရှမ်းပြည်နယ်ရှိ ရွာငံမြို့၊ မိုးကုတ်၊ နောင်ချိုနဲ့ ချင်းပြည်နယ်တွေမှာ အများဆုံးစိုက်ပျိုးကြပြီး အာရေဘီးကားနှင့် ရိုဘတ်စတာကော်ဖီအမျိုးအစားတွေကို အဓိကစိုက်ပျိုး ကြကြောင်း၊ နိုင်ငံတကာမှ ကော်ဖီဝယ်သူတွေက မြန်မာ့ကော်ဖီကို စိတ်ဝင်စားမှုမြင့်တက်လာကြောင်း၊ ပြည်တွင်းကော်ဖီလုပ် ငန်းတွေမှာ ကော်ဖီသီးအစိုရော၊ လှော်ပြီးသား ကုန်ကြမ်းပါ ဝယ်လိုအားမြင့်တက်လာကြောင်း ပြင်ဦးလွင်မြို့ရှိ ကော်ဖီ စိုက်ပျိုးသူတစ်ဦးထံမှ သိရပါတယ်။ မော်မော်အောင်