အရည်အသွေးပေါ်မူတည်၍ အရောင်းအဝယ်ဖြစ်တဲ့ ပြည်ပဲတီစိမ်း ယခုတစ်ပတ် ပြည်ဈေးကွက်အတွင်း ပဲမျိုးစုံဈေးနှုန်းများကျဆင်းလျက်ရှိရာ ပဲတီစိမ်းဈေးနှုန်းမှာလည်း ယခင်အပတ်ကထက် ဈေးကျသွားခဲ့ပါတယ်။ ယခုတစ်ပတ်အတွင်း ပဲတီစိမ်းဈေးမှာ ပဲအရည်အသွေးပေါ်မူတည်၍ အရောင်း အဝယ်ဖြစ်နေကြပါတယ်။ ပဲတီစိမ်းအရည်အသွေးမှာ အစိမ်းရောင်တောက်သည့်ပဲအမျိုးအစားဖြစ်ပါက တစ်တင်း ၂၆ဝဝဝ ကျပ်၊ ပဲအရောင်မှိန်ပါက ၁ တင်း ၂၂ဝဝဝ ကျပ်ဖြင့် တစ်ရက်ကို အိတ် ၅ဝဝ ကျော် အရောင်းအဝယ်ဖြစ်လျက်ရှိပါတယ်။ ဒေသတွင်း မြို့နယ်များနှင့် မကွေးတိုင်းဒေသကြီးဖက်မှ နေ့စဉ်အဝင်ရှိသလို ရန်ကုန်သို့ တင်ပို့မှုအနေဖြင့် ယခုလ တတိယ ပတ် အထိ အိတ် ၄၉ဝဝ ကျော်နဲ့ မန္တလေးတိုင်းဒေသကြီးသို့ အိတ် ၈ဝဝ ခန့် တင်ပို့ခဲ့ကြောင်း သိရပါတယ်။ ခင်ဆွေဝင်း
Background