မြောင်းမြရော်ဘာ ပြည်ပဈေးကွက်ဝင်လာ မြောင်းမြမြို့နယ် ရော်ဘာစိုက်ပျိုးမှုကို ၁၉၉၆-၉၇ခုနှစ်တွင် ၄၅၃ဧကမှ စမ်းသပ်စိုက်ပျိုးလာရာ ယခုအခါ ၄၉၁၂ ဧကထိရှိလာပြီဖြစ်ပါတယ်။ ရော်ဘာစိုက်ပျိုးထုတ်လုပ်သူ ခြံပိုင်ရှင်တစ်ဦးက ယခုစိုက်ပျိုးဧက ၅ဝ ခန့်ရှိပြီး အထွက်ကောင်း မျိုးသန့်များကို အားဖြည့်စိုက်ပျိုးထားကြောင်း၊ အစေးခြစ်ဧက ၁၅ ဧကလောက်ရှိပြီး၊ မနှစ်ကရော်ဘာဈေးအဖွင့်မှာ တစ်ပေါင်လျှင် ၈၅ဝ-၉ဝဝ ကျပ်လောက်သာရှိရာမှ ယခုနှစ်အဖွင့်တွင် ၁၁၅ဝ ကျပ်၊ ၁၂ဝဝ ကျပ်ထိရှိကာ လက်ရှိပေါက်ဈေးမှာ တစ်ပေါင်လျှင် ၁၅ဝဝ ကျပ်ထိရကြောင်းဆိုပါတယ်။ အစေးခြစ်ရာတွင်လည်း ညဘက်အပူအအေးညီမျှမှုရှိချိန်မှာ ပိုမိုအစေးထွက်ရှိပြီး၊ နည်းစနစ်မှန်မှန်ကန်ကန်နဲ့ ပြုလုပ်ပါက ရော်ဘာအရည်အသွေးကောင်းမွန်၍ ဈေးကောင်းရနိုင်မှာ ဖြစ်ကြောင်း၊ မိမိတို့ရန်ကုန်ပွဲရုံများသို့တင်ပို့တဲ့ ရော်ဘာအဆင့်ဟာ RSS-2/3 ကြားရှိတယ်လို့ ခြံပိုင်ရှင်မှပြောပါတယ်။ ရော်ဘာ ဟာ နှစ်ရှည်ပင်ဖြစ်တဲ့အပြင် ဒေသသုံးစွဲမှုနည်းပြီး ပြည်ပဈေးကွက် လိုအပ်ချက်မြင့်မားလာခြင်းကြောင့် စိုက်ပျိုး ထုတ်လုပ်မှု ကျယ်ပြန့်လာခဲ့တယ်လို့ နှစ်ရှည်စိုက် ခြံတာဝန်ခံမှ ပြောပါတယ်။ ကျော်လင်း
Background