ရော်ဘာဈေးနှုန်းများ အနည်းငယ်ကျ သဘာဝရော်ဘာဈေးနှုန်းဟာ ကမ္ဘာ့ဈေးကွက်မှာ တစ်ကီလိုဂရမ်ကို ရူပီး ၂၂၇ (၅ ဒေါ်လာ) နဲ့ အိန္ဒိယ ပြည်တွင်း ဈေးကွက်မှာ တစ်ကီလိုဂရမ်ကို ရူပီး ၂၃ဝ (၅ ဒသမ ၁၄ ဒေါ်လာ) ရောက်ရှိပြီး ဈေးအနည်းငယ် ကျဆင်းကြောင်း နဲ့ မလေးရှားကဲ့သို့သော အဓိကကမ္ဘာ့ဈေးကွက်များမှာလည်း ရော်ဘာဈေးနှုန်း အနည်းငယ် ကျဆင်းသွားကြောင်း အိန္ဒိယ ရော်ဘာရောင်းဝယ်သူများအသင်းလည်း ပြောကြားပါတယ်။ ဘန်ကောက် နိုင်ငံတကာဈေးကွက်မှာတော့ တစ်ကီလိုဂရမ်ကို ရူပီး ၂၇ဝ (၆ ဒေါ်လာ) ရှိကြောင်း သိရပါတယ်။ လစ်ဗျား မငြိမ်သက်မှုပိုမိုလာခြင်းရဲ့ အကျိုးဆက်က ရေနံဈေးနှုန်းကို သက်ရောက်ပြီး နောက်ဆက်တွဲအနေနဲ့ ကားရောင်းချမှုကို ထိခိုက်နိုင်တာကြောင့် တရုတ်ကလည်း ရော်ဘာ အဝယ် လျော့ နည်းနေပါတယ်။ ဒါ့အပြင် တောင်သူတွေကလဲ ဈေးကျမှာစိုးရိမ်ပြီး ဈေးကွက်ထဲကို လှောင်ကုန်တွေ ထုတ်ရောင်း နေကြကြောင်း သတင်းရရှိပါတယ်။ KZW, Source: Business Standard
Background