ယခင်သီတင်းပတ်များထက် မတ်ပဲပိုမိုတင်ပို့ ပင်လယ်ရေကြောင်းက မတ်ပဲတင်ပို့မှုကတော့ တစ်ပတ်ထက်တစ်ပတ် ပိုတင် လာခဲ့ပါတယ်။ ယခင် တစ်ပတ်က တန်ချိန် ၁၅ဝဝဝ တင်ပို့မှုရှိခဲ့သလို ယခုတစ်ပတ် မေလ ၁၁ ရက်မှ ၁၇ ရက်အတွင်းမှာလည်း တန်ချိန် ၁၆၅ဝဝ ကျော်ထိပိုမို တင်ပို့လာနိုင်ခဲ့ပါတယ်။ ဒီတစ်ပတ်တင်ပို့တဲ့ နိုင်ငံတွေကတော့ ဗီယက်နမ်၊ စင်ကာပူ၊ မလေးရှားနဲ့ အိန္ဒိယတို့ဖြစ်ပါတယ်။ လက်ရှိဘဏ္ဍာနှစ်အတွင်း မတ်ပဲတင်ပို့မှုအနေနဲ့ မေလ ၁၃ ရက်နေ့အထိ တန်ချိန် ၆ဝဝဝဝ နီးပါးရှိပြီး ယခင်နှစ်ကာလတူက တန်ချိန် ၅၃ဝဝဝ ခန့် တင်ပို့မှုနဲ့ နှိုင်းယှဉ်ရင် ယခုနှစ်ကာလတူမှာ ပိုမိုတင်ပို့လာနိုင်တာ တွေ့ရပါတယ်။ လာမယ့် သီတင်းပတ်တွေမှာလည်း မတ်ပဲတင်ပို့မှု ဆက်လက်အားကောင်းဖွယ်ရှိတယ်လို့ ကုန်သည်များက ခန့်မှန်းကြပါတယ်။ MIRT- MAPT
Background