မိုးကြိုပဲတီစိမ်းများ စစ်ကိုင်းမှာထွက်ပြီ စစ်ကိုင်းတိုင်းဒေသကြီးအတွင်း ၂ဝ၁၁-၁၂ ခုနှစ် ပဲတီစိမ်း(မိုးကြို) စိုက်ပျိုးရန်လျာထားဧက ၂ သောင်း ၈ ထောင်ကျော်အနက် ဧက ၃ သောင်း ၃ ထောင်ကျော် ရာခိုင်နှုန်းအားဖြင့် ၁၁၈ ရာခိုင်နှုန်း စိုက်ပျိုးခဲ့ကြောင်း သိရှိ ရပါတယ်။ ဧပြီလမှာ စိုက်ပျိုးခဲ့တဲ့ ပဲတီစိမ်းများမေလနောက်ဆုံးပတ်မှာ ထွက်ပေါ်ပြီး စစ်ကိုင်းမြို့ပေါ်ရှိ ပွဲရုံ များသို့ စတင်ဝင်ရောက်နေပြီဖြစ်ကြောင်း သိရှိရပါတယ်။ စစ်ကိုင်းမြို့ အနောက်ဘက်ရှိ စကျင်ကျေးရွာ၊ မြောက်ဘက်ရှိ ဆည်လေးတော၊ ကန်ကြီးကုန်း၊ ကျောက်ပနန်း၊ ပဒူ၊ ရေတွင်းကောင်း၊ မာလဲတောကျေးရွာ များ၊ စစ်ကိုင်းတောင်ရိုး ဧရာဝတီမြစ်ဘေးရှိ ဝါးချက်၊ မင်းကွန်း၊ ထုံးဖို ကျေးရွာများ၊ အုန်းတောနှင့်ဆားတောင် နယ်တစ်ဝိုက်မှ ပဲတီစိမ်း (မိုးကြို)များ တစ်ရက်ကိုတင်း ၅ဝ၊ ၆ဝ ကျော်ဝင် ရောက်ပါတယ်။ စစ်ကိုင်းမြို့နယ်ရှိ ကျေးရွာများမှထွက်ရှိတဲ့ ပဲ၊ နှမ်းသီးနံှမျိုး စုံကို သယ်ယူပို့ဆောင်စရိတ် သက်သာပြီး ဈေးကွက်နီးသောမန္တလေးမြို့သို့ တင်ပို့ ရောင်းချကြကြောင်း သိရှိရပါ တယ်။ မုံရွာကုန်စည်ဒိုင်မှာ ဇွန်လ ၂ ရက်နေ့ ပဲတီစိမ်းကြီးတစ်တင်း ပေါက်ဈေးမှာ ၂၈ဝဝဝ ကျပ်ဈေးပေါက် ကြောင်းသိရှိရပါတယ်။ သန်းသန်းတင်
Background