ထောပတ်ပဲနဲ့ မြေထောက်ပဲတင်ပို့မှု အရှိန်ကောင်းနေ ယခင်သီတင်းပတ်က ထောပတ်ပဲတန်ချိန် ၈၅ဝ၊ မြေထောက်ပဲ တန်ချိန် ၃၅ဝ ကျော်တင်ပို့မှုရှိခဲ့သလို ယခုသီတင်းပတ် (မေလ ၂၆ ရက်မှ ဇွန်လ ၁ ရက်) အတွင်းမှာလည်း ထောပတ်ပဲ တန်ချိန် ၁ဝဝဝ နီးပါးနဲ့ မြေထောက်ပဲတန် ၄ဝဝ ကျော်နဲ့ တင်ပို့မှုအရှိန်ကောင်းနေတာတွေ့ရပါတယ်။ တင်ပို့တဲ့နိုင်ငံတွေကတော့ တရုတ်၊ မလေးရှား၊ စင်ကာပူနဲ့ အိန္ဒိယတို့ဖြစ်ပါတယ်။ လက်ရှိဘဏ္ဍာနှစ် မေလ ၂၇ ရက်နေ့အထိ တင်ပို့ပြီးစီးမှုအနေနဲ့ ထောပတ်ပဲ တန် ၆ဝဝဝ နီးပါး၊ မြေ ထောက်ပဲ တန် ၂၆ဝဝ ကျော်ရှိပြီး ယခင်ဘဏ္ဍာနှစ် ကာလတူက ထောပတ်ပဲ တန် ၅၃ဝဝ နဲ့ မြေထောက်ပဲတန် ၂ဝဝဝ နီးပါးရှိလို့ ယခုဘဏ္ဍာနှစ်အတွင်း ပိုမို တင်ပို့နိုင်တာတွေ့ရပါတယ်။ ဘုရင့်နောင်ကုန်စည်ဒိုင်မှာ FOB အရောင်းအဝယ်ဖြစ်မှုအနေနဲ့ မေလ ၂၈ ရက်မှ ဇွန်လ ၃ ရက်အထိ ယခုတစ်ပတ်အတွင်း ထောပတ်ပဲတန် ၁၇ဝ နဲ့ မြေထောက်ပဲတန် ၃ဝဝ နီးပါး အရောင်းအဝယ်ဖြစ်ခဲ့ပြီး မေတစ်လလုံးအရောင်း အဝယ်ဖြစ်မှုအနေနဲ့ ထောပတ်ပဲတန် ၃၆ဝဝ ကျော်နဲ့ မြေထောက်ပဲ တန် ၁၆ဝဝ နီးပါး အရောင်းအဝယ်စာချုပ်ခဲ့တယ်လို့ သိရပါတယ်။ ရန်ကုန် FOB ဈေးအနေနဲ့ ပြောင်းလဲမှုမရှိဘဲ ဇွန်လ ၃ ရက်နေ့မှာ ထောပတ်ပဲ FAQ တစ်တန် ကန်ဒေါ်လာ ၇၇ဝ-၈ဝဝ နဲ့ မြေထောက်ပဲ FAQ တစ်တန် ကန်ဒေါ်လာ ၆၂ဝ-၆၄ဝ ရှိကြောင်း သိရပါတယ်။MIRT- MAPT
Background