ဘင်္ဂလားဒေ့ရှ်မှာ ရင်းနှီးမြှုပ်နံှရန် ခြေစလှမ်းတဲ့ ထိုင်းစီးပွားရေးလုပ်ငန်းရှင်များ ဇွန်လလယ်ပိုင်းမှာ ထိုင်းနိုင်ငံ ရင်းနှီးမြှုပ်နံှမှုဘုတ်အဖွဲ့ (Board of Investment -B.O.Iနဲ့ ထိုင်းစီးပွားရေး လုပ်ငန်းရှင်များဟာ ဘင်္ဂလားဒေ့ရှ်နိုင်ငံဒက္ကာမြို့တော်နဲ့ စစ်တကောင်းမြို့တို့သို့ သွားရောက်ပြီး ထိုင်း-ဘင်္ဂလားဒေ့ရှ်နှစ်နိုင်ငံ ကူးသန်းရောင်းဝယ်ရေးနဲ့ ရင်းနှီးမြှုပ်နံှမှုလုပ်ငန်း ဖွံ့ဖြိုးတိုးတက်ရေးဆောင်ရွက်တယ်လို့ သိရပါတယ်။ ဘင်္ဂလားဒေ့ရှ်မှာ ရင်းနှီးမြှုပ်နံှမှု လုပ်ရာမှာ ကောင်းမွန်တဲ့ အဓိကအချက်မှာ အလုပ်သမားပေါများပြီး လုပ်အားခ ဈေးသက်သာခြင်းအပြင် လူဦးရေ သန်း ၁၆ဝ ခန့် ရှိတဲ့အတွက် ပြည်တွင်းဈေးကွက် ကြီးမားတယ်လို့ ဆိုပါတယ်။ ဘင်္ဂလားဒေ့ရှ်နိုင်ငံဟာ ဥရောပအဖွဲ့ဝင်နိုင်ငံများ အမေရိကန် နိုင်ငံနဲ့ ကူးသန်းရောင်းဝယ်မှု အထူးအခွင့်အရေး ရရှိထားတဲ့နိုင်ငံတစ်ခု လည်းဖြစ်တာကြောင့် ဘင်္ဂလားဒေ့ရှ်မှာ ရင်းနှီးမြှုပ်နံှရန် စိတ်ဝင်စားနေတာလို့ သိရပါတယ်။ Source: ထိုင်းရတ်သတင်းစာ သောင်းနိုင်
Background