ဝယ်လိုအားခိုင်မာတာကြောင့် ကုလားပဲဈေး အတက်ဘက်ဦးတည်နိုင် အိန္ဒိယဈေးကွက်များမှာ ဈေးအနိမ့်နဲ့ ဝယ်လိုအားကောင်းတာကြောင့် ကြိုပွိုင့် ဈေးရော လက်ငင်းဈေးပါ အတက်ဈေးနဲ့ အရောင်းအဝယ်ဖြစ်ပါတယ်။ ပွဲတော်ရာသီနီးကပ်လာပြီဖြစ်လို့ လာမယ့် သီတင်းပတ်များမှာ ကုလားပဲထုတ်ကုန် ဝယ်လို အားတက်လာဖွယ်ရှိလို့ ဈေးကျဆင်းဖွယ်မရှိဘူးလို့ ခန့်မှန်းကြပါတယ်။ မိုးရွာသွန်းမှု တိုးတက်လာတာကြောင့် အခြားစိုက်ပျိုးရေး ထုတ်ကုန်များ လျော့ကျလာနေပေမဲ့ ကုလားပဲကတော့ ဝယ်လိုအားတက် လာနိုင်တာကြောင့် ဈေးကျဆင်းခြင်းမရှိဘူးလို့ ဆိုပါတယ်။ လွန်ခဲ့တဲ့ လအနည်းငယ်က ကျဆင်းခဲ့တဲ့ အခြားပဲဈေးများ ခိုင်မာလာနေခြင်းကလည်း ကုလားပဲဈေးနှုန်းကို အထောက် အပံ့ဖြစ်စေပါတယ်။ ကာလတိုအတွင်းမှာ ဝယ်လိုအားမြင့်တက်နိုင်လို့ ဈေးနှုန်းဆက်လက် ခိုင်မာဖွယ်ရှိပေမဲ့ ပဲထုတ်လုပ်မှု မြင့်တက်မယ့် အလားအလာများအရတော့ ထူးထူး ခြားခြား ဈေးမတက်အောင် ထိန်းနိုင်လိမ့်မယ်လို့ ခန့်မှန်းကြပါတယ်။ ယမင်းခင်၊Source: commodityonline
Background