နာနတ်သီးရာသီ ရောက်နေပြီ ဇူလိုင် ၂၇ ရက်မှ သြဂုတ်လ ၂ ရက်ထိကာလအတွင်း မှာ မူဆယ် ၁ဝ၅ မိုင်ကုန်သွယ်ရေးဇုန်မှာ တစ်ဖက်နိုင်ငံသို့ တင်ပို့နေတဲ့ ရာသီချိန်သီးနံှကတော့ နာနတ်သီးပဲဖြစ်ပါတယ်။ တစ်နေ့ကို တန် ၆ဝ ခန့်အဝင်ရှိနေပြီး ၁ တန်ကို ယွမ် ၁၃ဝဝ ဝန်းကျင်ဈေးရတယ်လို့ သိရပါတယ်။ သရက်ရာသီ ကုန်ပြီ ဖြစ်လို့ သရက်သီးအကြမ်း (ရင်ခွဲ) သီးများ ဂျပ်ဖာ ၃ဝဝ ဝန်းကျင်ခန့်သာ နေ့စဉ်အဝင်ရှိနေပါတယ်။ ဖရဲသီးကားများ လည်း တစ်ရက်ကို ၁ စီးစ ၂ စီးစ အဝင်ရှိနေပြီး သခွားမွှေး များလည်း ဝင်စပြုနေပြီလို့ သိရပါတယ်။ ယခုအပတ် မူဆယ်နယ်စပ်မှ ကန်ဒေါ်လာ ဝ ဒသမ ၂၄၉ သန်းတန်ဖိုးရှိ နာနတ်သီး တန် ၅၇ဝ ၊ ဖရဲသီး တန် ၁၂ဝ၊ သခွားမွှေး ၁၅ တန်နဲ့ သရက်အကြမ်းသီး တန် ၂၅ဝ ကျော်အပို့ရှိခဲ့ပါတယ်။ တစ်ဖက်နိုင်ငံမှလည်း ပန်းသီးအဝင်က ကြည့်လျှင် ကန်ဒေါ်လာ ဝ ဒသမ ၁၆၈ သန်းတန်ဖိုးရှိတဲ့ ပန်းသီးတန် ၃၇ဝ ကျော်အဝင်ရှိခဲ့တယ်လို့ သိရပါတယ်။ MIRT(DOBT)
Background