ကုန်စည်ဒိုင်သုံးသပ်ချက် မတ်ပဲ(ကုန်ကြမ်း) ကို မတ်ပဲသန့်စင်ရန် ဝယ်ယူနေတဲ့ ကုန် သည်များနဲ့ ဝယ်ရောင်းကုန်သည်ကြီးများက အိန္ဒိယမွန်ဘိုင်း ဈေးကွက်မှာ မြန်မာ့မတ်ပဲဈေး ကျနေတာကို အကြောင်းပြပြီး ဈေးချအဝယ်ရှိတာကြောင့် ဘုရင့်နောင်၊ မန္တလေး၊ မုံရွာ၊ ပြည်နဲ့ ဟင်္သာတမှာ ဈေးကျဆင်းနေကြောင်း တွေ့ရပါတယ်။ ပဲတီစိမ်း(အညာ)ကို တရုတ်ဝယ်လက်က ပဲအရည်အသွေး ပေါ်မူတည်ပြီး စိစစ်ဝယ်ယူမှုတွေရှိတာကြောင့် မုံရွာ၊ မန္တလေး၊ မကွေးနဲ့ မြင်းခြံမှာ ဈေးကျနေပြီး ပြည်မှာ ဈေးငြိမ်နေကြောင်း တွေ့ရပါတယ်။ ပဲစင်းငုံနီကို ပြည်ပအဆွဲပြန်အေးသွားတာကြောင့် ဘုရင့်နောင်၊ မန္တလေး၊ မုံရွာ၊ ပြည်၊ ပခုက္ကူ၊ မြင်းခြံ၊ အောင်လံနဲ့ မကွေးမှာ ဈေးကကျရိပ်သမ်းနေတာ တွေ့ရပါတယ်။ ကုလားပဲဖြူလုံးကြီးကို အိတ်စပို့ဝယ်လက် ဈေးချအဝယ် ရှိသလို ဝယ်အားပါ နည်းသွားတာကြောင့် မန္တလေး၊ မုံရွာ၊ ပခုက္ကူနဲ့ မြင်းခြံမှာ ဈေးကျလာပြီး ဘုရင့်နောင်မှာ ဈေးတန့်နေကြောင်း သိရပါတယ်။ ထိုင်ဝမ်(ကုလားပဲ)ကို မြို့ခံပဲခွဲစက်များနှင့် ဒေသတွင်း အမှုန့် ကြိတ်စက်သမားများက ဈေးချအဝယ်ရှိတာကြောင့် မန္တလေး၊ မကွေး၊ ပခုက္ကူ၊ မုံရွာ၊ အောင်လံ၊ မြင်းခြံနဲ့ ပြည်မှာ ဈေးကျလာကြောင်း တွေ့ရပါတယ်။ ပြောင်းကို တရုတ်ဝယ်လက်နဲ့ ဒေသတွင်း အစာစပ်လုပ် ငန်းရှင်များက ဈေးလျော့အဝယ်ရှိနေသလိုပြောင်းကလည်း ဈေး ကွက်သို့ အဝင်များလာတာကြောင့် တောင်ကြီး၊ လားရှိုး၊ မြင်းခြံနဲ့ ဟင်္သာတမှာ ဈေးအနည်းငယ်ကျနေပြီး မူဆယ်မှာ ဈေးမဆိုသ လောက်မြင့် နေတာ တွေ့ရပါတယ်။ နှမ်းဖြူ ကို တရုတ်ဝယ်လက်က အရည်အသွေးကို စိစစ် ပြီး ဝယ်ယူမှုတွေရှိတာကြောင့် မန္တလေး၊မုံရွာနဲ့ မကွေးမှာ ဈေးကျ လာကြောင်း တွေ့ရပါတယ်။ သိပ္ပံနှမ်း ကို ရန်ကုန်အဆွဲ ပြန်အေးသွားတာကြောင့် အောင်လံဈေးကွက်မှာ ဈေးကျလာကြောင်း တွေ့ရပါတယ်။
Background