ယခုအချိန်ကာလဟာ ဆောင်းကြက်သွန်နီစိုက်ပျိုးပြီးချိန်ဖြစ်လို့ မိုးကြက်သွန်နီ(အဟောင်း)များ အစို့ ပေါက်တဲ့ ကာလဖြစ် နေပါတယ်။ အလျှော့တွက်များတဲ့အတွက် ပြည်ဈေးကွက်ပွဲရုံများရဲ့ စီးဝင် မှုကို ရောင်းအား ရှိသလောက်သာ ချင့်ချိန်လက်ခံ လျက်ရှိကြောင်း သိရပါတယ်။ ပစ္စည်းအရည်အသွေးကြောင့် ကြက်သွန်နီဈေးနှုန်း များလည်း ယခင်အပတ်ကထက် ပွဲရုံဈေးမှာ ကျဆင်းလျက်ရှိနေပါတယ်။ ယခုတစ်ပတ် ပခုက္ကူ၊ ရေနံချောင်းနဲ့ ကျောက်ပန်းတောင်း ဘက်တို့မှ ၃၅ ပိဿာဝင် အိတ် ၁၅၀၀ ခန့် အဝင်ရှိလို့ လက်လီ၊ လက်ကားရောင်းဝယ်သူများ ဧရာဝတီတိုင်းဒေသကြီးနဲ့ ရခိုင်ပြည် နယ်တို့ကို စီးဆင်းမှုအဖြစ် ဈေးကွက်အတွင်းကို အိတ် ၁၃၅၀ ခန့် အရောင်းအဝယ်ဖြစ်ခဲ့ကြောင်း သိရပါတယ်။ ပြည်ပွဲရုံများရှိ ကြက်သွန်နီဈေးမှာ တစ်ပိဿာ (ရှယ်) ၇၀၀ ကျပ်၊ (ကြီး) ၆၅၀ ကျပ်၊ (လတ်) ၅၅၀ ကျပ်၊ (သေး) ၅၀၀ ကျပ်တို့နဲ့ အသီးသီး ရောင်းဝယ် လျက် ရှိနေပါတယ်။ ဝင်းလဲ့ဝါ
Background