ရော်ဘာအပို့ တန် ၄၀၀ ကျော်မြင့်တက်

               နိုဝင်ဘာ ၁၃ ရက်မှ ၁၉ ရက်အထိကာလအတွင်း ပင်လယ်ရေကြောင်းမှ ရော်ဘာ ၇၆၄ တန်၊ တန်ဖိုး ကန်ဒေါ်လာ ၃ ဒသမ ၀၂၈ သန်းဖိုးကို တင်ပို့ခဲ့ပါတယ်။ တင်ပို့တဲ့နိုင်ငံတွေကတော့ ဗီယက်နမ်ကို တန် ၁၆၀ နဲ့ စင်ကာပူကို ၆၀၄ တန် တင်ပို့ခဲ့တာ ဖြစ်ပါတယ်။ ယခင်အပတ်က တန် ၃၀၀ နီးပါး တင်ပို့ခဲ့တာကြောင့် ယခုတစ်ပတ် တန် ၄၀၀ ကျော် ပိုမိုတင်ပို့ နိုင်ခဲ့ပါတယ်။ ရော်ဘာအထွက်ကောင်းတဲ့ရာသီဖြစ်တဲ့အပြင် ကမ္ဘာ့ဈေးရော၊ FOB ဈေးပါ အနည်းငယ် ပြန်တက်လာတဲ့ အတွက် ယခုလို တင်ပို့မှု ပိုမိုရတာလို့ သိရပါတယ်။ နယ်စပ်ကတော့ မူဆယ်၊ ချင်းရွှေဟော်နဲ့ မြိတ်စခန်းတွေကနေ တန် ၈၀၀ ကျော် တင်ပို့နိုင်ခဲ့တာ တွေ့ရပါတယ်။ FOB (ရန်ကုန်) ဈေးကတော့ အနည်းငယ်တက်သွားပြီး RSS-3 တစ်တန်ကို ၃၁၀၀ ဒေါ်လာနဲ့ RSS-5 တစ်တန်ကို ၃၀၀၀ ဒေါ်လာ အသီးသီးရှိကြောင်း သိရပါတယ်။ KZW