Background
ဆောင်းမြေပဲများစတင်ထွက်ပေါ်တဲ့ အရာတော်မြို့ စစ်ကိုင်းတိုင်းဒေသကြီး ၂ဝ၁ဝ-၂ဝ၁၁ ဆောင်းမြေပဲ လျာထားစိုက်ဧက ၄ သိန်းတစ်သောင်းကျော်အနက် ၄ သိန်းကျော် ၉၈ ရာခိုင်နှုန်းစိုက်ပိုျးပြီး ဖြစ်ပါတယ်။ မြေပဲရဲ့ စိုက်ပိုျးကာလ ၄ လဖြစ်လို့ အောက်တိုဘာလမှာ စတင်စိုက်ခဲ့တဲ့ အရာတော်မြို့နယ်မှ တောင်သူအချို့ရဲ့ ဆောင်းမြေပဲများ စတင် ထွက်ပေါ်နေကြောင်း မြို့ခံတစ်ဦးမှ ပြောပြလို့ သိရပါတယ်။ မြေပဲတစ်ဧက စိုက်ပျိုးမှု ကုန်ကျစရိတ်၊ မိသားစုလုပ်အားခမပါ ၉ သောင်းကျော်ကုန်ကျပြီး အထွက် နှုန်း မြေပဲတောင့် ၄၅ တင်းခန့်ထွက်ရှိကြောင်း၊ မြေပဲတောင့် တစ်တင်းကို မြေပဲဆံ ၂ ပြည်ရရှိလို့ မြေပဲတစ်တင်း ပေါက်ဈေး ၃၃ဝဝဝ ကျပ်နဲ့ ရောင်းချပါက ကျပ် တစ်သိန်းကိုးသောင်းကျော်ရရှိသဖြင့် တစ်ဧကကို အမြတ် တစ်သိန်း ဝန်းကျင် ရှိကြောင်း သိရပါတယ်။ ယခုတစ်ပတ်အတွင်း မုံရွာကုန်စည်ဒိုင်မှာ မြေပဲလုံး ဆံပေါက်ဈေး တစ်တင်း ၃၃ဝဝဝ ကျပ်-၃၅ဝဝဝ ကျပ်ဈေးေပေါက်ကြောင်း သိရပါတယ်။ သန်းးသန်းးတင်
ပြည်ဈေးကွက်တွင် မိုးနှမ်းလက်ကျန်ရှားချိန် ဆောင်းနှမ်း အဝင်နည်း၍ နှမ်းဈေးတက် ပြည်ဈေးကွက်တွင် ဆီကြိတ်နှမ်းနီဈေးမြင့်လာသဖြင့် ဆီဈေးပါတက်လျက်ရှိပါတယ်။ မင်းတုန်း၊ ကံမနဲ့ အောင်လံဘက်မှ ဆောင်းနှမ်းအသစ်များ နေ့စဉ် အဝင်ရှိသော်လည်း အဝင်နည်းနေ၍ ဆီစက်သမားများ လိုသလောက် အဝင် မရှိခြင်း၊ မိုးနှမ်းလက်ကျန်ရှားချိန် ဆောင်းနှမ်းအသစ်ဝင်ရောက်မှုနည်းသဖြင့် ပြည်ဈေးကွက်တွင် နှမ်းဈေးမှာ ဆက်လက်မြင့်တက်ခဲ့ပြီး တစ်နေ့ကို အိတ် ၅ဝဝ ခန့် အရောင်းအဝယ်ဖြစ်လျက်ရှိပါတယ်။ နှမ်းဈေးမှာ နှမ်းနက် ၄၅ ပိဿာတစ်အိတ်ကို ကျပ် ၇၈ဝဝဝ၊ ဆီကြိတ်နှမ်းနီ ၄၅ ပိဿာတစ်အိတ်ကို ကျပ် ၇၇ဝဝဝ ဖြင့် ယခင်တစ်ပတ်ထက် ဈေးမြင့်လာတာတွေ့ရပါတယ်။ နှမ်းဆီဈေးမှာ တစ်ပိဿာ ကျပ် ၃၄ဝဝ -၃၅ဝဝ ဖြင့် ပြည်ဈေးကွက်တွင် တစ်နေ့ကို ၅ ပီပါခန့် အရောင်း အဝယ် ဖြစ်လျက်ရှိပါတယ်။ ဝေဝေမင်း
နှစ်သစ်ကူးကာလဖြစ်လို့ နယ်စပ်အပို့ ဒီတစ်ပတ် အားပျော့ ဇန်နဝါရီလ ၂၆ ရက်မှ ဖေဖော်ဝါရီလ ၁ ရက်ထိကာလအတွင်း မြန်မာတရုတ်နယ်စပ်ရှိ မူဆယ် ၁ဝ၅ မိုင်ကုန်သွယ်ရေးဇုန်မှ ကန်ဒေါ်လာ ဝ ဒသမ ၄၇၉ သန်းတန်ဖိုးရှိ နှမ်းရောင်စုံ ၃၁၇ တန်တင်ပို့နိုင်ခဲ့ပြီး ယခင်အပတ်ကထက် တန်ချိန် ၇၇၃ တန်လျော့နည်းတင်ပို့ခဲ့ပါတယ်။နှစ်ကူးကာလမတိုင်မီရှေ့နှစ်ပတ်က နှမ်းတင်ပို့မှုများခဲ့ပေမဲ့ယခုအပတ်မှာတော့ နှစ်သစ်ကူးပွဲတော်ချိန် အလုပ်များ စတင်နားနေကြပြီဖြစ်လို့ နှမ်းတင်ပို့မှု လျော့နည်းခဲ့ရပါတယ်။စစ်ကိုင်း၊ မန္တလေးနဲ့ မကွေးတိုင်း ဒေသကြီးတွေက ထွက်ရှိတဲ့နှမ်းများကို တင်ပို့ နေခြင်းဖြစ်ပါတယ်။ ယခုအပတ်နှမ်းဖြူ ၁ဝ တန်၊ နှမ်းနက် ၂၁၈ တန်ကျော်နဲ့ နှမ်းဖြူ အခွံချွတ် ၈၈ တန်ကျော် တင်ပို့ခဲ့ပါတယ်။ရွှေလီဈေးမှာတော့ နှမ်းဖြူတစ်တန် ယွမ် ၈၆ဝဝ မှ ၁ဝဝဝဝ နဲ့ နှမ်းနက်တစ်တန် ယွမ် ၁ဝ၅ဝဝ မှ ၁၂၅ဝဝ မှာတန့်နေတယ်လို့ သိရ ပါတယ်။ မိမိဘက်နဲ့ တစ်ဘက်နိုင်ငံမြေပြင်နှမ်းပေါက်ဈေးများကို ဖော်ပြ ပေး လိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု % နှမ်းဖြူ ၁၁၉၄၉၉၃ ၁၂၁၉ဝ၈၂ ၂၄ဝ၈၉ ၂ ၁၄၁ဝ ၁၄ဝ၇ ၃ ဝ .၂နှမ်းနက် ၁၅၉၂၅၄၇ ၁၆၃၂၄၄၇ ၃၉၉ဝဝ ၂ .၅ ၁၇၉ဝ ၁၇၈၇ ၃ ဝ .၂MIRT (DOBT)
ယခုတစ်ပတ်ပင်လယ်ရေကြောင်းက နှမ်းတန် ၆ဝဝ ခန့်တင်ပို့ ဇန်နဝါရီနောက်ဆုံးပတ်မှာ ပင်လယ်ရေကြောင်းက နှမ်းတန်ချိန် ၆ဝဝ ခန့် တင်ပို့မှုရှိခဲ့တာတွေ့ရပါတယ်။ ယခင်တစ်ပတ်ထက် အနည်းငယ်ပိုတင်လာတာ တွေ့ရပါတယ်။ တင်ပို့တဲ့ နိုင်ငံများကတော့ ဂျပန်၊ ကိုရီးယား၊ မလေးရှားနဲ့ စင်ကာပူတို့ဖြစ်ပါတယ်။ ဈေးကွက်တွေကို နှမ်းအသစ်လှိုင်လှိုင်ဝင်လာနေသလို ပြည်တွင်းဆီစက်သမားတွေရော၊ ပြည်ပတင်ပို့သူတွေပါ အဝယ်လိုက်နေလို့ နှမ်းဈေးလည်း မာနေပါတယ်။ ပြည်ပတင်ပို့သူတွေပါ အဝယ်လိုက်နေလို့ နှမ်းဈေး လည်းမာနေပါတယ်။ ပြည်ပပို့ကုန် ဝင်ငွေဒေါ်လာတစ်ယူနစ်တန်ဖိုး အတက်အကျ အပြောင်းအလဲ ရှိနေပေမဲ့ နှမ်းပြည်ပတင်ပို့သူအချို့ကတော့ ပုံမှန်တင်ပို့နေတာ တွေ့ရပါတယ်။ ရန်ကုန် FOB ဈေးအနေနဲ့ ယခင်သီတင်းပတ်ထက် အနည်းငယ် လျော့ပြီး သိပ္ပံ နှမ်းနက်တစ်တန်ကို ကန်ဒေါ်လာ ၁၈၈၅-၁၉၃၅၊ ရိုးရိုးနှမ်းနက် တစ်တန်ကို ကန် ဒေါ်လာ ၁၅၁၅-၁၅၆၅ နဲ့ နှမ်းဖြူတစ်တန်ကို ကန်ဒေါ်လာ ၁၄၅ဝ-၁၅ဝဝ အသီးသီး ရှိတယ်လို့ သိရပါတယ်။ MIRT- MAPT
လာနီညာရာသီဥတုခန့်မှန်းချက်ကြောင့် စားအုန်းဆီဈေး ၃၅ လအတွင်း အမြင့်ဆုံးကိုရောက်ရှိ လာနီညာရာသီဥတုဖြစ်စဉ်ကြောင့် အာရှမှာ ရေလွှမ်းမိုးမှုဖြစ်စေပြီး တောင်အမေရိကားမှာ မိုးခေါင်မှုတွေ ဖြစ်ပေါ်လာတာနဲ့ ပတ်သက်လို့ စားအုန်းဆီဈေးဟာ ၃၅ လအတွင်း အမြင့်ဆုံးကို ရောက်ရှိခဲ့သလို နောက်ထပ် ၄ လအတွင်း မှာလည်း ထပ်မံမြင့်တက်နိုင်တယ်လို့ ခန့်မှန်းမှုတွေ ရှိနေပါတယ်။ ကွာလမ်လာပူမှာ ဧပြီ အရောက် ပို့ရမယ့် စားအုန်းဆီကြိုပွိုင့်ဈေးက ၂ ဒသမ ၃ ရာခိုင်နှုန်းမြင့်တက်ပြီး တစ်တန်ကို ရင်းဂစ် ၃၈၉၅ (ကန်ဒေါ်လာ ၁၂၈ဝ) ဈေးဖြစ်ခဲ့တယ်လို့ သိရပါတယ်။ လာနီညာဟာ ဇွန်လမှာ စတင်ပြီး ပုံမှန်အားဖြင့် ၉ လ၊ ၉ လထက်ပို ကြာတတ်ပြီးအရှေ့တောင်အာရှ ဒေသတော်တော်များများမှာ ပျမ်းမျှမိုးရေချိန် အထက် ရွာသွန်းတတ်တာကြောင့် ထိပ်တန်း စားအုန်းဆီ ထုတ်လုပ်သူများဖြစ်တဲ့ အင်ဒို နီးရှားနဲ့ မလေးရှားတို့မှာ စားအုန်းဆီရိတ်သိမ်းမှုနှောင့်နှေးစေခဲ့ပါတယ်။ လာနီညာဖြစ်စဉ် အားကောင်းမှုဟာ နောက် ၄ လအတွင်း လျော့ကျစေနိုင်တယ်လို့ မလေးရှား မိုးလေဝသဌာနက ပြောကြားပါတယ်။ မလေးရှားနိုင်ငံရဲ့ စားအုန်းဆီအဓိကထုတ်လုပ်တဲ့ Johor ပြည်နယ်မှာ ရေလွှမ်းမိုးမှုကြောင့် ဇန်နဝါရီလ ၃၁ ရက်နေ့အထိ ၂ လကျော်အတွင်း ဈေးနှုန်း အများဆုံး မြင့်တက်ခဲ့ပါတယ်။ လာနီညာကြောင့် အာဂျင်တီးနားမှာ မိုးခေါင်ခဲ့လို့ ကမ္ဘာ့တတိယအများဆုံးပဲပုပ်ထုတ်လုပ်မှုကို ထိခိုက်စေခဲ့ပါတယ်။ မတ်လပို့ရမယ့် ပဲပုပ်ဈေးက တစ်ဘူရှယ်ကို ဝ ဒသမ ၅ ရာခိုင်နှုန်းမြင့်တက်ပြီး ကန်ဒေါ်လာ ၁၄ ဒသမ ၄၅၇၅ (တစ်တန်ကို ကန်ဒေါ်လာ ၅၃၅) ဖြစ်ခဲ့ပြီး၊ ပဲပုပ်ဆီဈေးက တစ် ပေါင်ကို ကန်ဒေါ်လာ ၅၉ ဒသမ ဝ၁ ဆင့် (တစ်တန်ကို ကန်ဒေါ်လာ ၁၃ဝဝ) ဖြစ်ခဲ့ပါတယ်။ ဒေလီယံကုန်စည်ဒိုင်ရဲ့ ဖေဖော်ဝါရီလ ၁ ရက်နေ့မှာ စက်တင်ဘာလ ပို့ရမယ့် စားအုန်းဆီဈေးက ဝ ဒသမ ၅ ရာခိုင်နှုန်းမြင့်တက်ပြီး တစ်တန်ကို ကန်ဒေါ်လာ ၁၅ဝ၅ ဖြစ်ခဲ့ပြီး ပဲပုပ်ဆီဈေးကလည်း ဝ ဒသမ ၃ ရာခိုင်နှုန်း မြင့်တက်ပြီး တစ်တန်ကို ယွမ် ၁ဝ၆၂၈ (ကန်ဒေါ်လာ ၁၆၁၃) ဈေးဖြစ်တယ်လို့ သိရပါတယ်။ ယုဇန၊ှSource: bloomberg.net
စားအုန်းဆီဈေးနှုန်းများ(၂၄-၁-၂ဝ၁၁ မှ ၂၈-၁-၂ဝ၁၁ နေ့ထိ) ရေတွက်ပံုံ - ဒေါ်လာစဉ် နေ့စွဲ CIF(ရန်ကုန်)(၁) ၂၄-၁-၂ဝ၁၁ ၁၃၂၅(၂) ၂၅-၁-၂ဝ၁၁ ၁၃ဝ၅(၃) ၂၆-၁-၂ဝ၁၁ ၁၂၉ဝ(၄) ၂၇-၁-၂ဝ၁၁ ၁၃ဝဝ(၅) ၂၈-၁-၂ဝ၁၁ ၁၃ဝဝSource: ဆီကုန်သည်များအသင်း
မလေးရှားစားအုန်းဆီအပတ်စဉ်ပျမ်းမျှ(FOB)ဈေးနှုန်း၂၈-၁-၂ဝ၁၁ US$/Ton ဇန်နဝါရီလတတိယပတ် ဇန်နဝါရီစတုထ္ထပတ် နှိုင်းယှဉ်ချက်RBD P.Oil ၁၂၃၃ .ဝဝ ၁၂၄၃ .ဝဝRBD P.Oilen ၁၂၃၄ .ဝဝ ၁၂၄၇ .ဝဝRBD P.Strarin ၁၁၉၁ .၅ဝ ၁၂၁၄ .၅ဝSource: econ.mpob
ယခင်နှစ်ထက် ဈေးကောင်းရနေတဲ့ပြည်ပဲပုပ် ပဲပုပ်သီးနံှမှာ ယခင်နှစ် ဇန်နဝါရီလတွင် တစ်တင်းကို ၁၃ဝဝဝ ကျပ်ဖြင့် အရောင်းအဝယ်ဖြစ်ခဲ့ပြီး၊ ယခုနှစ်မှာတော့ ပဲပုပ်ပိဿာ ၂ဝ တစ်တင်းကို ၁၅၅ဝဝ ကျပ်ဖြင့် ပြည်ဈေး ကွက်မှာ အရောင်းအဝယ်ဖြစ်ကြောင်း သိရပါတယ်။ ၂ဝ၁ဝ ပြည့်နှစ် ဇန်နဝါရီ လဈေးနဲ့ နှိုင်းယှဉ်ကြည့်ရင် ဈေးကောင်း ရနေသလို ယခင်တစ်ပတ်ဈေးနဲ့ နှိုင်းယှဉ်ကြည့်ရင်လည်း တစ်တင်းကို ၅ဝဝ ကျပ် မြင့်တက်လာပါတယ်။ တိုင်းအတွင်းရှိ ပေါက်ခေါင်း၊ ပန်းတောင်း မြို့နယ်များမှ နေ့စဉ်အဝင်ရှိပြီး၊ ပြည်ဈေးကွက်မှာ ပဲပုပ်အရောင်း အဝယ်ပါးကာ အိတ် ၄ဝ-၅ဝ ဝန်းကျင် သာ အရောင်းအဝယ်ဖြစ်ကြောင်းသိရ ပါတယ်။ ဆုမွန်မွန်ဆွေ
ကလေး ပဲပုပ် မန္တလေး တိုက်ရိုက်သွား ကျွန်းလှ၊ ရေဦး၊ တန့်ဆည်၊ ဒီပဲယင်း၊ စစ်ကိုင်း၊ မြင်းမူ၊ မြောင်မြို့ နယ်များမှ ပဲပုပ်များ မုံရွာမြို့သို့ ဝင် ရောက်လာပါတယ်။ မုံရွာကုန်စည် ဒိုင်မှာ ၂ဝ၁၁ ခုနှစ် ဇန်နဝါရီလ ပထမ ပတ်မှာ ပဲပုပ်တစ်ပိဿာ ၇၃၉ ကျပ်မှ ဇန်နဝါရီလ တတိယပတ်မှာ ၈ဝ၆ ကျပ် ထိဈေးစွာလာကြောင်း သိရပါတယ်။ ယခုလအတွင်း မုံရွာမှ မန္တလေးသို့ ပဲပုပ် တင်း ၃ဝဝ ကျော်စီးထွက်ခဲ့သလို ကလေးမြို့မှ မန္တလေးမြို့သို့ တိုက်ရိုက် တင်း ၁၂ဝဝ ကျော်စီးထွက်ခဲ့တယ်လို့ သိရပါတယ်။ မုံရွာကုန်စည်ဒိုင်မှာ တစ်ရက်ပျမ်းမျှ ပဲပုပ်တင်း ၂ဝဝ ကျော် အရောင်းအဝယ်ဖြစ်ကြောင်း သိရ ပါတယ်။ သန်းးသန်းးတင်
ဈေးအေးပြီး အရောင်းအဝယ် သွက်နေတဲ့ ဟင်္သာတပဲပုပ် ဟင်္သာတ ပဲပုပ်ဈေးကွက် ဟာ ဇန်နဝါရီလတတိယပတ်မှာ ပိဿာ ၂ဝ တစ်တင်းကို ၁၅၇ဝဝ ကျပ်နဲ့ အရောင်းအဝယ်ဖြစ်ခဲ့ပြီး၊ ယခုဇန်နဝါရီ နောက်ဆုံးပတ်မှာ တစ်တင်းကို ၁၅၄ဝဝ ကျပ်သို့ ဈေးအေးလာပါတယ်။ ဈေး အေးပေမဲ့ ဒေသတွင်းအရောင်း အဝယ် ဖြစ်မှုမှာ ယခင်အပတ်ထက် နေ့စဉ် အိတ် ၂ဝဝ-၃ဝဝ ခန့် တိုးလာကာ ပဲပုပ် တစ်တင်းခွဲအိတ် ၅ဝဝ ဝန်းကျင် အရောင်းအဝယ်သွက်နေတယ်လို့ သိရပါတယ်။ တင်ပို့မှုအနေနဲ့ ရန်ကုန်ဈေး ကွက်ကို နေ့စဉ် တစ်တင်းခွဲဝင်အိတ် ၅ဝဝ ခန့် တင်ပို့တယ်လို့ သိရပါတယ်။ အေးအေးခိုင်