မြေပဲသည် လွန်ခဲ့သော နှစ်ပေါင်း ၃၅၀ဝ ခန့်က ပီရူးအင် ဒီးယန်းလူမျိုးများ စိုက်ပျိုးခဲ့သည့် တောင်အမေရိကတွင် မူလအစဟု ယူဆကြသည်။ ဘရာဇီးနိုင်ငံတွင် နှစ်ရှည်ပင်မျိုးစိတ်ပေါင်း ၆၃ မျိုး ရှိပြီး အများစုမှာ နှစ်ရှည်ပင်ဖြစ်ပြီး အီကွေဒေါတွင်လည်း ဘိုးဘွားမျိုး စိတ်များစွာကို လက်ခံထားသည်။ တောရိုင်းများတွင် မြေပဲများသည် နိုက်ထရိုဂျင်ပြုပြင်နိုင်စွမ်းကို အသုံးပြု၍ မြေဆီလွှာကို ကောင်းစွာ မစိုက်ထုတ်ရဘဲ ရှေ့ဆောင်အပင်များဖြစ်လေ့ရှိသည်။ မြေပဲများကို ယေဘုယျအားဖြင့် ပူနွေးသောရာသီဥတုသီးနှံအဖြစ် သတ်မှတ်ကြ သော်လည်း ဗမခေ့ငျ ့ငမျကအေ (အမွေးရှိသောမြေပဲ) မျိုးကွဲများကို အအေးလွန်ကဲသော အမြင့်ပေ ၈၇၉၀ ရှိသော ဗညိနျ တောင်တန်း များတွင် တွေ့ရှိခဲ့သည်။
မြန်မာနိုင်ငံတွင် ပျမ်းမျှမြေပဲစိုက်ဧကစုစုပေါင်း ၂ဒသမ၈၂ သန်း ကျော်စိုက်ပျိုးလျက်ရှိပြီး မိုးမြေပဲမှာ ၁ဒသမ၆၁ ဧကသန်းနှင့် ဆောင်းမြေပဲမှာ ၁ ဒသမ ၂၁ ဧက သန်း နှစ်စဉ်စိုက်ပျိုးလျက်ရှိ သည်။ ဆီထွက်သီးနှံများတွင် မြေပဲသည် ၃၇ ရာခိုင်နှုန်းဖြစ်သည်။ စိုက်ဧက၏ ၆၉ ရာခိုင်နှုန်းမှာ အပူပိုင်းဇုန်ဒေသတွင် စိုက်ပျိုးပြီး မြေပဲတွင် မြေထောင်မြေပဲနှင့် ပင်ပြန့်မြေပဲဟူ၍ နှစ်မျိုးရှိသည်။ မြေ ထောင်မြေပဲကို ၇၉ ရာခိုင်နှုန်းစိုက်ပြီး ပင်ပြန့်မြေပဲကို ၂၁ ရာခိုင်နှုန်း စိုက်ပျိုးလျက်ရှိသည်။
မြေပဲကိုမုတ်သုံမိုးပေါ် မူတည်၍ မိုးသီးနှံအဖြစ် မေလမှ ဇွန်လ အထိ စိုက်ပျိုးသည်။ သြဂုတ်လနှောင်းပိုင်း သို့မဟုတ် စက်တင်ဘာ လအစောပိုင်းတွင်လည်း စိုက်ပျိုးသည်။ ရေသွင်းသ ီးနှံအဖြစ် ဇန်န ဝါရီလမှ မတ်လအတွင်းနှင့် မေလမှ ဇူလိုင်လအတွင်း အကန့်အသတ် ဖြင့် စိုက်ပျိုးသည်။ မြေပဲသည် များသောအားဖြင့် စိုက်ပျိုးသည့်အမျိုး အစားပေါ်မူတည်၍ရင့်မှည့်သည်အထိ အနည်းဆုံး ရက်ပေါင်း ၁၀ဝ မှ ၁၅၀ အထိ လိုအပ်သည်။ ပန်းပွင့်ချိန် ကြာမြင့်ပြီး အစေ့များသည် ရိတ်သိမ်းချိန်တွင် ကြီးထွားမှုအဆင့်တိုင်းတွင်ရှိနေသည်။
မြေပဲသည် သဲမြေတွင် ၁၅ ရာခိုင်နှုန်း အောက် ရွွှံ့စေးမြေတွင် အကောင်းဆုံးပေါက်သည်။ စိုက်ပျိုးရန် အကောင်းဆုံးအချိန်သည် နိုဝင်ဘာလဆန်းမှ နိုဝင်ဘာ ၂၅ ရက်ထက် နောက်မကျစေဘဲ စိုက် ပျိုးသင့်သည်။ အပူချိန်နှင့် မိုးရွာသွန်းမှုကဲ့သို့သော ရာသီဥတုအခြေ အနေများသည် မြေပဲထုတ်လုပ်မှုအပေါ် သိသိသာသာ လွှမ်းမိုးပါ သည်။ ပူနွေးပြီး စိုစွတ်သောအခြေအနေသည် အေးမြပြီး စိုစွတ်သော ရာသီဥတုထက် သာလွန်ကောင်းမွန်သောကြောင့် အပင်ပေါက်ခြင်း ကို ကောင်းမွန်စေပါသည်။ အပူချိန် ၃၅ဒီဂရီစင်တီဂရိတ်ထက် ကျော် လွန်ပါက မြေပဲကြီးထွားမှုကို ဟန့်တားသည်။ ကြီးထွားရန် အကောင်း ဆုံးအပူချိန်မှာ ၃၀°ဃဖြစ်ပြီး ကြီးထွားမှု ၁၅°ဃ တွင် ရပ်သွားပါသည်။ လျင်မြန်စွာ ပေါ်ထွန်းရန်အတွက် မြေဆီလွှာအပူချိန် ၂၁°ဃ အထက် လိုအပ်ပါ သည်။ မြေပဲများသည် အက်စစ်မြေများတွင် ကောင်းစွာ မပေါက်နိုင်သဖြင့်ကောင်းမွန်သောထွက်ရှိရန် လိုအပ်သော မြေချဉ်ငံ ကိန်းသည်(စံ-၅.၈-၆.၅)အကြား အနည်းငယ်အက်စစ်ရှိသော မြေကို နှစ်သက်သည်။ မြေပဲသီးနှံများ အောင်မြင်စွာ စိုက်ပျိုးနိုင်စေရန် အတွက် စိုက်ပျိုးရာသီတွင်အပူချိန်အနည်းဆုံးရက်၁၀ဝရှိရန် လိုအပ် ပါသည်။ မိုးရေချိန်သည် မြေပဲ၏အမြင့်ဆုံးအထွက်နှုန်းနှင့် အရည် အသွေးအတွက် မရှိမဖြစ်လိုအပ်ပါသည်။ မြေပဲကို မိုးရေချိန် (၆၀ဝ မှ ၁၅၀ဝ) မီလီမီတာ ရရှိရန်လိုအပ်ပြီး ပန်းပွင့်ခြင်းနှင့် အစေ့ဖွံ့ဖြိုးမှု အတွက် ၄၀ဝ-၅၀ဝ မီလီမီတာ လိုအပ်ပါသည်။ မြေပဲသည် နှစ်စဉ် စိုက်ထူထားသော အပင်ဖြစ်ပြီး အကိုင်းအခက်တိုများဖြင့် အမြင့် ၄၅-၆၅ စင်တီမီတာ (၁၈-၂၄ )လက်မ သို့မဟုတ် ပြန့်ပွားပုံစံရှိပြီး အမြင့် (၃၀-၄၅) စင်တီမီတာ(၁၂-၁၈)လက်မ ရှည်သော အကိုင်း အခက်များရှိသည်။ မြေကြီးနှင့်နီးကပ်စွာရှိသည်။ မြေပဲပင်သည် ကြီးထွား ဖွံ့ဖြိုးလာသည်နှင့်အမျှ အဝါရောင်အပွင့်လေးများ ပေါ်လာသည် (ှနူ်-စသူငညအေငသည)မိမိဘာသာဝတ်မှုန် ကူးနိုင်သည်။ အပင်တစ်ပင်စီသည် မြေပဲတောင့်(၂၅-၅၀)တောင့်ခန့်ရှိသည်။
မြေပဲစိုက်ပျိုးရန် မျိုးကွဲများ
မြန်မာပြည်အတွင်း ရေးဆင်းသုတေသမှ စမ်းသပ်ထုတ်လုပ် ထားသော ဆင်းပဒေသားမျိုး(၆၊ ၇၊ ၁၁၊ ၁၂၊ ၁၃) မျိုးများသည် အပင် ပေါက်ရာခိုင်နှုန်း(ွနမာငညအေငသည)၈၀ရာခိုင်နှုန်း နှင့်အထက်ရှိသောမျိုး များကို စိုက်ပျိုးသင့်သည်။ အထွက်နှုန်းမြင့်သောမျိုးကွဲများအကြောင်း သုတေသနပြု ထုတ်ဝေခဲ့သည်။ ဆင်းပဒေသာ -၆၊ ဆင်းပဒေသာ-၇ နှင့် ဆင်းပဒေသာ-၁၁ ကို တွင်ကျယ်စွာ စိုက်ပျိုးကြသည်။
ဆင်းပဒေသာ-၆
အပင်၏သက်တမ်းသည် ၁၀၅ မှ ၁၁၀ ရက်ဖြစ်သည်။ ပဲပင် တစ်ပင်လျှင် (၂၀-၃၅)တောင့်အထိရှိပြီး ပဲတောင့်တစ်တောင့်တွင် နှစ်စေ့ပါရှိသည်။ ထူးခြားသည်မှာ ရေငတ်ခြင်းကို ခံနိုင်ရည်ရှိသည်။
ဆင်းပဒေသာ-၇
အပင်၏သက်တမ်းမှာ ၉၀ မှ ၉၅ ရက်ဖြစ်ပြီး အပင်တစ်ပင်လျှင် ပဲတောင့်(၂၀-၃၀)တောင့်အထိရှိပြီး ပဲတောင့်တစ်တောင့်တွင် အစေ့ နှစ်စေ့ပါရှိသည်။
ဆင်းပဒေသာ-၁၁
အပင်၏သက်တမ်းမှာ ၁၀ဝ မှ ၁၀၅ ရက်ဖြစ်ပြီး အပင်တစ်ပင် လျှင် ပဲတောင့်(၂၀-၃၅)တောင့်အထိရှိပြီး ပဲတောင့်တစ်တောင့်တွင် အစေ့နှစ်စေ့ပါရှိသည်။
ဆင်းပဒေသာ-၁၂
အပင်၏သက်တမ်းမှာ ၁၀၅ မှ ၁၁၀ ရက်ဖြစ်ပြီး အပင်တစ်ပင် လျှင် ပဲတောင့်(၁၅-၂၅) တောင့်အထိရှိပြီး ပဲတောင့်တစ်တောင့်တွင် အစေ့နှစ်စေ့ပါရှိသည်။ မိုးခေါင်ရေရှားမှုနှင့် မိုးရွာသွင်းမှုနည်းသော ဒေသများအတွက် သင့်လျော်သည်။
ဆင်းပဒေသာ-၁၃
အပင်၏သက်တမ်းမှာ ၁၀၅ မှ ၁၁၀ ရက်ဖြစ်ပြီး အပင်တစ်ပင် လျှင် ပဲတောင့်(၂၀-၃၀)တောင့်၊ အထွက်နှုန်းမှာ ၇၄ ရာခိုင်နှုန်းရှိ သည်။ မည်သည့်ဧရိယာအတွက်မဆို သင့်လျော်သည်။
မြေပဲသည် ရာသီဥတုအမျိုးမျိုးတွင် စိုက်ပျိုးနိုင်သော သီးနှံ တစ်မျိုးဖြစ်သည်။ သို့သော် ရာသီပေါ် မူတည်၍စိုက်ပျိုးသင့်ပါသည်။ တစ်ဧကအထွက်နှုန်းသည်လည်း ဒေသအလိုက် ကွဲပြားမှုရှိသည်။
စိုက်ပျိုးချိန်
မိုးရာသီတွင် မြေပဲကို ပထမမိုးပြီးပြီးချင်း စိုက်ပျိုးနိုင်သည်။ နွေမြေပဲစိုက်ပျိုးမည်ဆိုလျှင် အများအားဖြင့် ဧပြီလအစောပိုင်းတွင် ရေသွင်းစိုက်ပျိုးရန် လိုအပ်သည်။ ဆောင်းရာသီတွင် စက်တင်ဘာ လလယ်မှ နိုဝင်ဘာလ ၁၅ ရက်အထိ စိုက်ပျိုးသင့်သည်။ တစ်ဧက မျိုးစေ့လိုအပ်ချက်မှာ နှစ်တင်းခန့်နှုန်းဖြစ်သည်။ အစေ့မစိုက်မီ အပင်ပေါက်နှုန်းကိုလည်း စစ်ဆေးသင့်သည်။ အပင်ပေါက် ရာခိုင် နှုန်း အနည်းဆုံး ၈၀ ရာခိုင်နှုန်းရှိသင့်သည်။ မိုးရာသီတွင် တန်းကြား အကွာအဝေးကို ၁၅ လက်မအကွာနှင့် လေးလက်မအကွာတွင်ရှိသင့် သည်။ မိုးရာသီတွင် တစ်ဧကလျှင် အပင်အရေအတွက် ၁၀ဝ၀ဝ၀ မှ ၁၁၀ဝ၀ဝ ရှိသင့်သည်။ ဆောင်းရာသီတွင် အတန်းများသည် ၁၂ လက်မအကွာနှင့် ၄ လက်မအကွာ ရှိသင့်သည်။ မျိုးစေ့ချချိန်တွင် မြေကြီးအစိုဓာတ်ရှိစေရန် မြေဆီလွှာကို တစ်လက်မခွဲမှ နှစ်လက်မ အထိ အနက်တွင် စိုက်ရပါမည်။
မြေပဲကို အသက် ၅၅ ရက်မှ ၇၅ရက်အတွင်း အစိုဓာတ် ရှိ၊ မရှိ စမ်းသပ်စစ်ဆေးပြီး လိုအပ်ပါက ရေလောင်းပေးသင့်သည်။ အပူချိန် နှင့် မိုးရွာသွန်းမှုကဲ့သို့သော ရာသီဥတုအခြေအနေများသည် မြေပဲ ထုတ်လုပ်မှုအပေါ် သိသိသာသာ လွှမ်းမိုးပါသည်။ ပူနွေးပြီး စိုစွတ် သော အခြေအနေသည် အေးမြပြီး စိုစွတ်သောရာသီဥတုထက် သာလွန်ကောင်းမွန်သောကြောင့် အပင်ပေါက်ခြင်းကို ကောင်းမွန် စေပါသည်။
(ဆက်လက်ဖော်ပြပါမည်)
KMS (DOCA Kayah)