Background
ငြိမ်သက်နေသည့် သဘာဝရော်ဘာဈေးကွက် ရော်ဘာအဓိကရောင်းဝယ်လျက်ရှိတဲ့ တိုကျိုကြိုပွိုင့်ရောင်းဝယ်ရေးမှာ သြဂုတ် ၂ ရက်က အမေရိကန် ဒေါ်လာနဲ့ ဂျပန် ယန်းငွေလဲလှယ်ရာမှာ ယန်းငွေတန်ဖိုးတက်မှုကြောင့် ရော်ဘာကြိုပွိုင့်ဈေးနှုန်း ကျသွားခဲ့ ကြောင်းသတင်းရရှိတယ်။ ဇန်နဝါရီလသင်္ဘောတင်မဲ့ ရော်ဘာကြိုပွိုင့်ဈေးနှုန်းက တစ်ကီလိုဂရမ်ကို သုည ဒသမ ၇ ရာခိုင်နှုန်းဈေးကျ သွားကာ ၃၈၆ ဒသမ ၉ ယန်းနဲ့ ခုျပ်ဆိုခဲ့ပါတယ်။ ဒါ့အပြင် အမေရိကန်ပြည်ထောင်စုနဲ့ အီးယူနိုင်ငံတွေရဲ့ ေြွကးမြီပြဿနာကြောင့် ကမ္ဘာလုံးဆိုင်ရာ စီးပွားရေး တိုးတက်နှုန်းက နှေးကွေးသွားနိုင်ခြေရှိမှုနဲ့ စွန့်စားမှုများနေတာတို့ကြောင့် မလေးရှား ရော်ဘာ ဈေးကွက်က အနည်းငယ် သာပြောင်းလဲလှုပ်ရှားနိုင်ကြောင်း သတင်းရရှိပါတယ်။ မလေးရှားရော်ဘာ SMR 20 ဈေးနှုန်းက တစ်တန်ကို ကန်ဒေါ်လာ ၄၇ဝ၂ ဒသမ ၃၈ နဲ့ ချုပ်ဆိုခဲ့ပြီး latex က တစ်တန်ကို ကန်ဒေါ်လာ ၃ဝ၁၅ ဒသမ ၃ နဲ့ ချုပ်ဆိုခဲ့ကြောင်း သတင်းရရှိတယ်။ ရှန်ဟိုင်းကြိုပွိုင့် ရောင်းဝယ်ရေးမှာတော့ ဇန်နဝါရီလသင်္ဘောတင်မဲ့ ရော်ဘာဈေးနှုန်းက ၂ ဒသမ ၁ ရာခိုင်နှုန်းတက်သွားခဲ့ပြီး တစ်တန်ကို ယွမ် ၃၆၁၉ဝ နဲ့ ချုပ်ဆိုခဲ့ ကြောင်း သတင်း ရရှိပါတယ်။ အေးမွန်မွန်လှိုင်၊Source:biz.thestar.com.my,rubbermarketnews.net
သီရိလင်္ကာ၌ ရော်ဘာတိုးခဲျ့ စိုက်ပျိုးမည် လောင်စာဆီကို အခြေခံတဲ့ ရော်ဘာတုဈေးနှုန်းတွေ တစ်ရှိန်ထိုးတက်လာတာကြောင့် သဘာဝရော်ဘာရဲ့အလားအလာ က တောက်ပလာခဲ့ပါတယ်။ ဒါ့ကြောင့် သီရိလင်္ကာနိုင်ငံအနေနဲ့ ဟိုနာရာဂလာဒေသမှာ ရော်ဘာစိုက်ဧရိယာဟက်တာ ၅ဝဝဝ တိုးခဲျ့ စိုက်ပျိုးမယ်လို့ စက်မှုစိုက်ပျိုးရေးဝန်ကြီးက မကြာသေးမီက ကြေညာခဲ့ပါတယ်။ (၉၂) ကြိမ်မြောက် ကိုလံဘို ရော်ဘာ အသင်းရဲ့ နှစ်ပတ်လည်အစည်းအဝေးမှာ သဘာဝ ရော်ဘာဝယ်လိုအားတွေကြောင့် ဟက်တာ ၁၁ သောင်းလောက် တိုးခဲျ့ဖို့ရှိကြောင်းလည်း အသင်းရဲ့အကြီးအကဲက ပြောကြားခဲ့ပါတယ်။ ယခုလက်ရှိ မြေယာသဘောတူညီချက်က ၃၅ နှစ်သက်တမ်းရှိ မှာဖြစ်ပြီး ပြည်သူတွေ အတွက် ဒီစိုက်ပျိုးရေးလုပ်ငန်းက အကိုျးရှိ၊မရှိနဲ့ စဉ်ဆက်မပြတ်ဆောင်ရွက်နိုင်မှု ရှိ၊ မရှိဆိုတဲ့ မေးခွန်းကို ဝန်ကြီးကမေးမြန်းခဲ့ ပါတယ်။ ဒီကဏ္ဍဖွံ့ဖြိုးတိုးတက်ဖို့အတွက် လုပ်ငန်းငယ်တွေက အဓိကဖြစ်ပြီး အရေးပါတဲ့ စီးပွားဘက်တွေ ဖြစ်ကြောင်းလည်း၎င်း ကပြောကြားခဲ့ပါတယ်။ ဒီဒေသမှာ တန်ဖိုးမြှင့်ထုတ်ကုန်တင်ပို့မှု ဒေါ်လာ ၅၇၆ဝဝဝ ခန့်ရှိပြီး ၂ဝ၁ဝ မှာသိသိသာသာတိုးတက် ခဲ့ပါတယ်။ ရော်ဘာစိုက်ပျိုးရေးအတွက် ဓာတ်မြေသြဇာ ကုန်ကျငွေ သီရိလင်္ကာ ရူပီး ၁.၅ ဘီလီယံလိုအပ်ကြောင်းလည်းသိရပါတယ်။ စိုက်ပျိုးရေးကုမ္ပဏီတွေကိုလည်း ပံ့ပိုးမှုတွေ တိုးမြှင့်ပေးသွားြင်္ပီး ထုတ်လုပ် မှု တိုးတက်ဖို့ ဆောင်ရွက်မယ်လို့သိရပါတယ်။ စိုက်ပျိုးသူတွေနဲ့ စိုက်ပျိုးရေးကုမ္ပဏီတွေအနေနဲ့ ဝင်ငွေကောင်းမှာ ဖြစ်ကြောင်း ကိုလံဘိုရော်ဘာအသင်းရဲ့ ဥက္ကဌက ပြောကြားခဲ့ပါ တယ်။ ထုတ်လုပ်မှုကို ၁၂ ရာခိုင်နှုန်းတိုးမြှင့်ပြီး စိုက်ပျိုးသူ ၁၂၅ဝဝဝ လောက်ပါဝင်တဲ့ လုပ်ငန်းငယ်တွေက စဉ်ဆက်မပြတ် ထုတ်လုပ်မှုမြှင့်တင်ပြီး နှစ်စဉ် (၁၅၃ဝဝဝ) တန်လောက်ထွက်ရှိကြောင်းသိရပါတယ်။ ရော်ဘာတင်ပို့မှုမှလည်း ရော်ဘာစေး အပြင် တန်ဖိုးမြှင့်ထုတ်ကုန်တွေကို တိုးမြှင့်တင်ပို့ဖို့ရည်ရွယ်ထားကြောင်း သတင်းရရှိပါတယ်။ MIRT (DOBT)
ယခုအပတ် မူဆယ်နယ်စပ်အပို့လျော့ ချင်းရွှေဟော်မှပို မူဆယ် ၁ဝ၅ မိုင် ကုန်သွယ်ရေးဇုန်နဲ့ ချင်းရွှေဟော်နယ်စပ်များမှ တစ်ဘက်နိုင်ငံသို့ ဇူလိုင်လ ၂၇ ရက်မှ သြဂုတ်လ ၂ ရက်ထိကာလအတွင်း ကန်ဒေါ်လာ ၂ ဒသမ ဝ၂၈ သန်းတန်ဖိုးရှိရော်ဘာအဆင့်စုံ ၄၄၈ တန်ကျော် အပို့ရှိခဲ့ပါတယ်။ ယခင်အပတ်က ၁၃၃၅ တန်ကျော် အပို့ရှိခဲ့တာမို့ ယခုအပတ်မှာ ၈၈၇ တန်လျော့နည်းတင်ပို့ခဲ့ပါတယ်။ ချင်းရွှေဟော်နယ်စပ်မှ RSS-1 တန် ၂ဝ ၊ RSS-3 ၁၅၃ ဒသမ ၅၄ တန်၊ မူဆယ်နယ်စပ်မှ RSS-1 တန် ၂ဝ၊RSS-3 ၁၇၈ တန်၊MSR- 20 ၉၇ တန်အသီးသီးတင်ပို့ခဲ့တာ ဖြစ်ပါတယ်။ ယခင်အပတ်က ချင်းရွှေဟော်မှRSS-3 တန် ၂ဝ သာ တင်ပို့နိုင်ခဲ့သော်လည်း ယခုအပတ်မှာRSS-3 ၁၅၃ တန်ကျော်အပြင် RSS-1 လည်းအပို့ရှိခဲ့တဲ့ အတွက် တင်ပို့မှုပိုမိုခဲ့သော်လည်း မူဆယ်နယ်စပ် အနေနဲ့ RSS-3 ၊MSR- 20 တို့သာ အပို့ရှိပြီး တင်ပို့မှု ပမာဏမှာလျော့နည်းခဲ့ပါတယ်။ မိမိဘက်နဲ့ တစ်ဘက်နိုင်ငံ ရော်ဘာဈေးများကို နှိုင်းယှဉ် ဖော်ပြပေးလိုက်ရပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS-3 ၃၄၁၁၈၉၃ ၃၄ဝ၇၆၆၁ ၄၂၃၂ ဝ .၁ ၄၅၇၆ ၄၄ဝ၉ ၁၆၇ ၃RSS-5 ၃၂၉၄၄ဝ၅ ၃၂၉ဝ၁၃၁ ၄၂၇၄ ဝ .၁ ၄၄၂၁ ၄၃၃၂ ၈၉ ၂ မိမိနိုင်ငံမှာရော တစ်ဘက်နိုင်ငံမှာပါ ရော်ဘာဈေး အနည်းငယ်မြင့်တက်လျက် ရှိပါတယ်။ MIRT (DOBT)
ပင်လယ်ရေကြောင်းမှ ရော်ဘာတင်ပို့မှု ဇူလိုင်လ ၂၄ ရက်မှ ၃ဝ ရက် ထိကာလအတွင်း ပင်လယ်ရေကြောင်းမှ ကန်ဒေါ်လာ ၂ ဒသမ ၆၄၆ သန်းတန်ဖိုးရှိ ရော်ဘာ ၆၁၃ တန်တင်ပို့မှုရှိခဲ့ပါတယ်။ ယခင်အပတ်ကထက် ၂၅၂ တန်တင်ပို့မှုပိုမိုခဲ့ပါ တယ်။ စင်္ကာပူသို့ MSR-20 ၄ဝ၃ တန်နဲ့မလေးရှားသို့RSS-5 တန် ၂၁ဝ တင်ပို့ခဲ့တာဖြစ်ပါတယ်။ FOB (ရန်ကုန်) ဈေးနှုန်းကတော့ RSS-3 နဲ့ MSR-20 တစ်တန်ကို ဒေါ်လာ ၄၅ဝဝ-၄၆ဝဝ ဖြစ်ပါတယ်။ ယခုအပတ် နယ်စပ်မှ ရော်ဘာအဆင့်စုံ ၄၄၈ တန်ကျော် တင်ပို့နိုင်ခဲ့တယ် လို့သိရပါတယ်။ ုKZW
ကမ္ဘာ့စီးပွားရေး ပြန်လည်ကောင်းမွန်လာခြင်းနှင့် ဆောင်းရာသီအတွက် လောင်စာဝယ်လိုအား မြင့်မားခြင်းက ရေနံစိမ်းဈေးနှုန်းကို မြှင့်တင်ပေးလိမ့်ဦးမည် အမေရိကန် အထက်လွှတ်တော်နဲ့ အောက်လွှတ်တော်အကြား ေြွကးမြီ သက်တမ်းမြှင့်တင်ရေး ဆွေးနွေးမှုမှ သဘောတူညီမှုရရှိပြီဖြစ်ရာ တစ်ပတ်ကြာကျဆင်းသွားတဲ့ ရေနံစိမ်းဈေးနှုန်း ပြန်လည် မြင့်မားလာတယ်။ ဒါကြောင့် စက်တင်ဘာလ အရောက်ပို့ရမဲ့ ရေနံစိမ်းက တစ်စည်ကို၁ဒသမ ၅၉ဒေါ်လာ မြင့်မားကာ ၉၇ ဒသမ ၂၉ ဒေါ်လာနဲ့ နယူးယောက်ကုန်စည်ရောင်းဝယ်ရေးမှာ အရောင်းအဝယ်ဖြစ်ခဲ့တယ်။ ဇူလိုင်လ အတွင်း ရေနံစိမ်းဈေးနှုန်း သုည ဒသမ ၃ ရာခိုင်နှုန်း မြင့်မားခဲ့တယ်။ စက်တင်ဘာလ ငွေချေမယ့် ဘရန့် အမျိုးအစား ရေနံစိမ်းကလည်း တစ်စည်ကို ၁ ဒသမ ၄၁ ဒေါ်လာ(၁ ဒသမ ၂ ရာခိုင်နှုန်း) မြင့်မားကာ ၁၁၈ ဒသမ ၁၅ ဒေါ်လာနဲ့ လန်ဒန် ICE Futures Europe Exchange မှာ အရောင်း အဝယ်ဖြစ်ခဲ့တယ်။ ကာလတိုအတွင်း ရေနံစိမ်းတစ်စည်ကို ၉၅ ဒေါ်လာမှ ၁ဝ၅ဒေါ်လာအကြား ရှိနေလိမ့်မယ်ခန့် မှန်းခဲ့တဲ့တိုကျိုရှိပွဲစားကုမ္ပဏီ DNewedge Group မှ ကုန်စည်အရောင်းမန်နေဂျာ Ken Ltasegawa က ''ကမ္ဘာ့စီးပွား ရေးပြန်လည်ကောင်းမွန်လာခြင်းနဲ့ လာမယ့် ဆောင်းရာသီအတွက် လောင်စာ ဝယ်လိုအား မြင့်မားခြင်းက ရေနံစိမ်း ဈေးနှုန်းကို မြှင့်တင်ပေးလိမ့်ဦးမည်'' လို့ ခန့်မှန်းထားတယ်။ ဇူလိုင်လအတွင်း တရုတ်နိုင်ငံရဲ့ ကုန်ပစ္စည်းထုတ်လုပ်မှု အညွှန်းကိန်းက စီးပွားရေးပညာရှင်တွေ ခန့်မှန်းထား တာထက် ပိုမိုမြင့်မားလာခြင်းကလည်း ရေနံစိမ်းဈေးနှုန်းကို မြင့်မားစေတဲ့ အချက်အလက်ဖြစ်တယ်လို့သိရပါတယ်။ Source:Bloomberg.com, ပပ
အိန္ဒိယဈေးကွက်များအတွင်း လက်ကျန်လံျှနေတာကြောင့် နနွင်းဈေးကျဆင်း အိန္ဒိယနိုင်ငံ အီရော့နနွင်းဈေးကွက်အတွင်း နနွင်းဝင်ရောက်မှုမှာ မျှော်မှန်းမထားတဲ့ ပမာဏနဲ့ ဝင်ရောက်လာတာကြောင့် တစ်တန်ကို ရူပီး ၅၈ဝဝ (ကန်ဒေါ်လာ ၁၂၉ ဒသမဝ၅) ကျဆင်းခဲ့ပြီး အခြားဈေးကွက် တွေမှာလည်း ရူပီး ၂ဝဝဝ (ကန်ဒေါ်လာ ၄၇ ဒသမ ၆၅) ကျဆင်းခဲ့တယ်လို့ အီရော့နနွင်းကုန်သည်များ အသင်း ဥက္ကဌ မစ္စတာ အာကေဗွီရာဗီရှန်ကာမှ ပြောကြားပါတယ်။ နနွင်းဈေး ထိုးကျဆင်းခြင်းအပေါ် တောင်သူများ ထိတ်လန့် နေကြတယ်လို့ ဆိုပါတယ်။ ပုံမှန်အားဖြင့် ယခုလိုရာသီမှာ နနွင်းဈေးကွက်အတွင်း ဝင်ရောက်မှု လျော့ကျပေမဲ့ ယခုနှစ်မှာတော့ နနွင်းစိုက် တောင်သူ တွေက လက်ကျန်တွေ သယ်ယူရောင်းချတာကြောင့် ဈေးကျဆင်းရခြင်းဖြစ်တယ်လို့ ဆိုပါတယ်။ ပြည်ပတင်ပို့နေတဲ့ ဝယ်လက် တွေကလည်း ဈေးအနိမ့်နဲ့ နည်းနည်းပဲ ဝယ်ယူတယ်လို့ ဆိုပါတယ်။ နနွင်းကြိုပွိုင့်ဈေးကွက်မှာ သြဂုတ်လ ၁ ရက်နေ့က တစ်တန်ကို ရူပီး ၇ဝ၅ဝဝ-၇၁၃ဝဝ (ကန်ဒေါ်လာ ၁၇၇၄-၁၇၉၂) ဈေးရှိပြီး ထပ်မံ ကျဆင်းနိုင်တယ်လို့လည်း ခန့်မှန်းကြပါတယ်။ ဈေးကွက်ထိန်းသိမ်းရေးကော်မတီဝင်းမှာ နနွင်းတစ်တန်ကို ရူပီး ၅၈ဝဝ (ကန်ဒေါ်လာ ၁၂၉.ဝ၅)ကျဆင်းပြီး ရူပီး ၆၄ဝ၆ဝ (ကန်ဒေါ်လာ ၁၇၃ဝ) ဖြစ်ခဲ့လို့ ယခုနှစ်အတွင်း နနွင်းလက်ချောင်းဈေးဟာ အနိမ့်ဆုံးဖြစ်ခဲ့တယ်လို့ သိရပါတယ်။ ယမင်းခင်၊ Source: businessline
ဝယ်လက်ကိုမျှော်တဲ့ ရှမ်းနနွင်း ရှမ်းနနွင်းကလည်း ဈေးထပ်ကျနေပါတယ်။ နနွင်းက ဝယ်လက်ကိုမျှော်နေကြပေမဲ့ ဒီနှစ်ကတော့ မိုးကောင်းလိုက်၊ သယ်ယူခတွေဈေးမြင့်လိုက်၊ နနွင်းအရည်အသွေးကလည်း အညံ့စတွေသာ များနေတာကြောင့် ရှမ်းနနွင်းက အခုအချိန်ထိ အဝယ်မလိုက်ခဲ့ပါဘူး၊ ပြီးခဲ့တဲ့ လကသာ တရုတ်ဝယ်လက်တွေ နနွင်းခေါင်းကို ဝယ်ယူတာလောက်သာ အရောင်းသွက်ခဲ့ပြီး ကျန်တာကတော့ ပြည်တွင်းအရောင်းလောက်သာ ရှိခဲ့ပါတယ်။ ဒါပေမဲ့ နှစ်ရှည်အထားခံတဲ့ သီးနံှဖြစ်တာကြောင့် ပိုးမွှား အန္တရာယ်ကာကွယ်ဖို့အတွက် ဆေးအုပ်ပြီးထားရင် ၅ နှစ်လောက်တော့ အထားခံတယ်လို့လည်း သိရပါတယ်။ အချို့ လှောင်လက်တွေကတော့ အသားတင် (အလေးချိန်) ချိန်တော့ နူးအောင်မပြုတ်ပဲထားရင်တော့ အဲဒီနှစ်လောက်ထိ မခံပါဘူး။ ရှမ်းပြည်နယ်တောင်ပိုင်းမှာ နနွင်းတို့ ဒီနှစ်လည်း ပုံမှန်သာပြန်စိုက်ပါတယ်။ ဒီနှစ်စပိုင်းမှာ နနွင်းက တွက်ခြေမကိုက်လို့ အထွက်နှုန်းများတဲ့ ဂမုန်းဥ တွေစိုက်ပေမဲ့ ဂမုန်းဥတွေလည်း ဈေးပျက်သွားတာကြောင့် အစိုက်ရပ်ပြီး နနွင်းကိုသာ ပုံမှန်ပြန်စိုက်ကြတယ်လို့ ဟိုပုံးမြို့နယ်က တောင်သူများထံမှ သိရပါတယ်။ ဒီတစ်ပတ်နနွင်းဈေးကတော့ အောင်ပန်းဈေးကွက်မှာ တစ်ပိဿာ ၇ဝဝ ကျပ်မှ ၁၃ဝဝ ကျပ်အထိရှိပါတယ်။ တောင်ကြီးဈေးကွက်မှာတော့ ဟိုပုံးနနွင်း တစ်ပိဿာ ၁၄ဝဝ ကျပ် ရှိတယ်လို့ တောင်ကြီးကုန်စည်ဒိုင်က သိရှိရပါတယ်။ ဧဧခိုင်
မူဆယ်မှ ယခုအပတ် နနွင်းတက်တင်ပို့မှု လျော့ကျ မြန်မာ-တရုတ်နယ်စပ်ရှိ မူဆယ် ၁ဝ၅ မိုင်မှ ဇူလိုင်လ ၂၇ ရက်မှ သြဂုတ်လ ၂ ရက်ထိကာလအတွင်း ကန်ဒေါ်လာ ဝ ဒသမ ၁၃၈ သန်းတန်ဖိုးရှိ ဂျင်းတက် (ရှမ်းစ) ၈၇ တန်ခန့် အပို့ရှိခဲ့ပါတယ်။ ယခင်အပတ်ကထက် တန် ၁၉ဝ ခန့် တင်ပို့မှု လျော့နည်းခဲ့ပါတယ်။ ဇူလိုင်လတစ်လလုံး နယ်စပ်မှ နနွင်းတက် ၆၃၈ တန် တင်ပို့နိုင်ခဲ့ပြီး ယမန်နှစ်ကာလတူမှာ ၁ဝ၅ တန်ခန့်သာ နယ်စပ်မှ အပို့ရှိခဲ့တဲ့အတွက် ယခုနှစ်မှာ တင်ပို့မှု တန် ၅၃ဝ ကျော်ပိုမိုခဲ့ပါတယ်။ ဧပြီလမှ ဇူလိုင်လအထိ ယခုနှစ်အပို့မှာ ၂၁၁ဝ တန် ရှိပြီး ယခင်နှစ်ကာလ တူထက်၁၂၈၅ တန်ပိုမိုတင်ပို့နိုင်တာတွေ့ရပါတယ်။ MIRT (DOBT)