Background
ယခုအပတ် မတ်ပဲတင်ပို့မှု ပိုမို ဇွန်လ ၁၅ ရက်မှ ၂၁ ရက်အထိ ကာလအတွင်း မူဆယ် (၁ဝ၅) မိုင် ကုန်သွယ်ရေးဇုန်မှ ကန်ဒေါ်လာ ၂၇ဝဝဝ တန်ဖိုးရှိ မတ်ပဲ တန် ၃ဝ တင်ပို့မှုရှိခဲ့ပါတယ်။ ယခင်အပတ်ကထက် ၁ဝ တန် ပိုမိုတင်ပို့ နိုင်ခဲ့ပါတယ်။ စစ်ကိုင်း၊ မန္တလေးနဲ့ ပဲခူးတိုင်းဒေသကြီး များက ထွက်ရှိတဲ့ မတ်ပဲများကို တင်ပို့နေတာ ဖြစ်ပါတယ်။ ယခင်အပတ်ကထက် မိမိဘက်မှာရော တစ်ဘက်နိုင်ငံမှာပါ ဈေးများ ကျလျက်ရှိပါတယ်။ နှစ်ဘက်မြေပြင်ပေါက်ဈေးများကို နိုှုင်းယှဉ် ဖော်ပြပေးလိုက်ရ ပါ တယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %မတ်ပဲ ၅၅၂၁၈၄ ၅၆၆၁ဝ၃ ၁၃၉၁၉ ၃ ၈ဝ၃ ၈၃၄ ၃၁ ၄MIRT (DOBT)
ယခုတစ်ပတ် အိန္ဒိယမတ်ပဲဈေးတည်ငြိမ်နေ ယခုတစ်ပတ်အတွင်း အိန္ဒိယပြည်တွင်းလက်ငင်းဈေးကွက်တွေမှာ မတ်ပဲဈေး တည်ငြိမ်နေတာတွေ့ရပါတယ်။ ဝယ်လိုအားအကန့်အသတ်သာရှိလို့ အရောင်း အဝယ်ပါးတယ်လို့သိရပါတယ်။ မကြာသေးခင်က မိုးလေဝသဌာနရဲ့ ကြိုတင်ခန့်မှန်း ချက်အရ ပုံမှန်မိုးရွာသွန်းမှုလျော့မယ့် သတင်းများအရ ပဲခွဲစက်များနဲ့ ပြန်လည် ရောင်းချသူများမှ ပဲဝယ်လိုအား ပြန်လည်ကောင်းလာနိုင်တယ်လို့ ခန့်မှန်းကြပါတယ်။ဒါပေမဲ့ ပဲမျိုးစုံဟာ အခြားသီးနံှတွေထက် ရေလိုအပ်မှုနည်းတဲ့အတွက် ပဲစိုက်ပျိုးတဲ့ ဒေသအများစုမှာ မြေဆီလွှာအစိုဓါတ်လုံလောက်နေတယ်လို့ သိရပါတယ်။ ပြုပြင်ပြီး မတ်ပဲကို အဝယ်တက်ခြင်းက မတ်ပဲဈေးကို အထောက်အပံ့ဖြစ်စေ နိုင်တယ်လို့ ခန့်မှန်းကြပါတယ်။ တစ်ပတ်အတွင်း ဖြစ်ပေါ်ခဲ့တဲ့ ဈေးတွေကို ဖော်ပြလိုက်ပါတယ် ဒေါ်လာ/ တန် ၂၃-၆-၁၁ ၂၂-၆-၁၁ ၂၁-၆-၁၁ ၂ဝ-၆-၁၁မွန်ဘိုင်း ၈၄၆-၈၅၇ ၈၄၈-၈၅၉ ၈၄၆-၈၅၇ ၈၅၆-၈၆၇ဒေလီ ၈၂၄-၈၉ဝ ၈၂၆-၈၉၂ ၈၂၄-၈၉၁ ၈၂၂-၈၈၉ချန်နိုင်း ၈ဝ၇-၉၁၈ ၈ဝ၉-၉၂ဝ ၈၁၈-၉၃ဝ ၈၂၂-၉၃၃MIRT(MAPT)
FOB ဈေးကွက်မှာ မတ်ပဲ အရောင်းအဝယ်ဖြစ်နေဆဲ ရန်ကုန်တိုင်းဒေသကြီးကုန်စည်ဒိုင် (ဘုရင့်နောင်) FOB ဈေးကွက်မှာ ပို့ကုန် ဝင်ငွေ တစ်ယူနစ်တန်ဖိုး ဈေးနှုန်းအပြောင်းအလဲ မတည်ငြိမ်မှုကြောင့် ကုန်သည်များ အရောင်းအဝယ်မလုပ်ရဲကြဘူးလို့ ဆိုပေမဲ့ ဇွန်လ ၁၈ ရက်မှ ၂၄ ရက်အထိ တစ်ပတ်အတွင်း မတ်ပဲ SQ ၊ FAQ ၊ အခွံချွတ် စုစုပေါင်း တန်ချိန် ၁၈ဝဝဝ ခန့် အရောင်းအဝယ်စာချုပ်ချုပ်ခဲ့တယ်လို့ သိရပါတယ်။ ဇွန်လ ၁၈ ရက်မှ ၂၄ ရက် အထိ စုစုပေါင်း အရောင်းအဝယ် ဖြစ်မှုမှာ မတ်ပဲ SQ တန်ချိန် ၁၆ဝဝဝ ကျော်၊ FAQ တန်ချိန် ၄၂ဝဝဝ ကျော်နဲ့ အခွံချွတ် စုစုပေါင်း တန်ချိန် ၆ သောင်းကျော် အရောင်းအဝယ်ဖြစ်တယ်လို့ သိရပါတယ်။ ပို့ကုန်ဝင်ငွေဈေးနှုန်းအပြောင်းအလဲကြောင့် ပဲဈေးများလည်း ပြောင်းလဲလျက် ရှိရာ ရန်ကုန် FOB မတ်ပဲဈေးမှာ ယခင်တစ်ပတ်ထက် လျော့ကျခဲ့တာ တွေ့ရပါတယ်။ ဒေါ်လာ/တန် မတ်ပဲ(FAQ) မတ်ပဲ(SQ)၂၄-၆-၁၁ ၇၃ဝ-၇၅ဝ ၈၅ဝ-၈၇ဝ၁၇-၆-၁၁ ၇၅ဝ-၇၇ဝ ၉ဝဝ-၉၂ဝMIRT(MAPT)
မတ်ပဲသင်္ဘောတင်ပို့မှု တန်ချိန် ၁၈ဝဝဝ ကျော်ရှိ ပင်လယ်ရေကြောင်း မတ်ပဲတင်ပို့မှုဟာ ယခင်သီတင်းပတ်များက တန်ချိန် နှစ်သောင်းကျော်နဲ့ တင်ပို့မှုရှိခဲ့ရာမှ ယခုတစ်ပတ် (ဇွန်လ ၁၆ ရက်မှ ၂၂ ရက်)မှာ အနည်းငယ်လျော့ပြီးတန်ချိန် ၁၈ဝဝဝ ကျော် တင်ပို့မှုရှိခဲ့ပါတယ်။ တင်ပို့တဲ့ နိုင်ငံ က အိန္ဒိယ၊ မလေးရှား၊ အင်ဒိုနီးရှား၊ စင်ကာပူနဲ့ ထိုင်းနိုင်ငံတို့ဖြစ်တယ်လို့ သိရပါတယ်။ လက်ရှိဘဏ္ဍာနှစ် ဇွန်လ ၁၇ ရက်နေ့အထိ မတ်ပဲတင်ပို့ပြီးစီးမှုဟာ တန်ချိန် ၁၆ဝဝဝဝ ကျော်ရှိပြီဖြစ်လို့ ယခင်ဘဏ္ဍာနှစ်ကာလတူ တင်ပို့မှု တန်ချိန် တစ်သိန်း ကျော်ထက် ပိုမိုတင်ပို့ထားပြီး ဖြစ်တယ်လို့ သိရပါတယ်။ လာမယ့် သီတင်း ပတ်တွေ မှာ တော့ တင်ပို့မှု လျော့ကျဖွယ်ရှိတယ်လို့ ကုန်သည်များက ခန့်မှန်းကြပါတယ်။ MIRT - MAPT
ပုံမှန်အရောင်းအဝယ်ဖြစ်နေတဲ့ ပြည်အာလူးဈေးကွက် ယခုတစ်ပတ်တွင် အောင်ပန်းဘက်မှ အာလူးများ ပြည်ဈေးကွက်အတွင်းသို့ ပိဿာ ၄ဝ ဝင်အိတ် ၁၅ဝ ခန့်နဲ့ ယခင် ပတ်အတိုင်း ပုံမှန်အဝင်ရှိပြီး ဧရာဝတီနှင့် ရခိုင်ဘက်သို့ ပိဿာချိန် ၆ဝဝ ခန့်ကို ဈေးကွက်မှတစ်ဆင့် တင်ပို့ခဲ့ကြောင်း သိရပါတယ်။ ဈေးနှုန်းမှာ ယခင်အပတ်ဈေးအတိုင်း တစ်ပိဿာကို (ကြီး) ၈ဝဝ ကျပ်၊ (လတ်) ၇ဝဝ ကျပ်၊ (သေး) ၆၅ဝ ကျပ်တို့ရှိပြီး ဈေးကွက်အတွင်း ပွဲရုံများ၌ ပိဿာချိန် ၂၅ဝဝ ခန့်နှင့် ယခုတစ်ပတ်၌ အရောင်းအဝယ် ပုံမှန်ဖြစ် လျက်ရှိကြောင်း သိရပါတယ်။ ဝင်းလဲ့ဝါ
အိန္ဒိယ နနွင်းတောင်သူများ အကျိုးအမြတ်မရှိတဲ့ဈေးနဲ့ မရောင်းချဖို့ ဆုံးဖြတ် အိန္ဒိယနိုင်ငံတစ်ဝန်းရှိ နနွင်းတောင်သူများဟာ အကျိုး အမြတ် ရရှိမယ့်ဈေးနှုန်း ဖြစ်မလာချိန်ထိ နနွင်းရောင်းချခြင်း မလုပ်ဖို့ ဆုံးဖြတ်ထားကြောင်း သိရပါတယ်။ နနွင်းတစ်တန် ထုတ်လုပ်မှုစရိတ် ရူပီး ၇၅ဝဝဝ (ကန်ဒေါ်လာ ၁၆၇၆)ဖြစ်ပြီး လက်ရှိ ဈေးနှုန်းဟာ အဲဒီဈေးအောက်ရောက်နေတယ်လို့ တမီနာဒူးက စိုက်ပျိုးရေးပညာရှင် T Veloyutham ပြောကြားပါတယ်။ အစိုးရကလည်း နနွင်းအတွက် အနိမ့်ဆုံး ထောက်ပံ့ဈေးနှုန်းကို ကြေညာသတ်မှတ်ခြင်းမရှိဘူးလို့ ဆိုပါ တယ်။ အကယ်လို့သာ အကျိုးအမြတ်ရတဲ့ ဈေးထပ်မဖြစ် လာရင် နနွင်းစိုက်ပျိုးနိုင်တော့မှာ မဟုတ်ဘူးလို့ ၎င်းက ဆိုပါတယ်။ NCDEX မှာ နနွင်းလက်ငင်းဈေးဟာ ၂ဝ၁ဝ ဒီဇင်ဘာ ၃၁ ရက်နေ့က တစ်တန် ရူပီး ၁၆၈ဝဝဝ (ကန်ဒေါ်လာ ၃၇၅၄) ရှိရာမှ ယခုအခါ ၅၇ ရာခိုင်နှုန်းကျဆင်းပြီး တစ်တန် ရူပီး ၇၂ဝဝဝ (ကန်ဒေါ်လာ ၁၆ဝ၉) ဝန်းကျင်ဖြစ်နေပါတယ်။ နနွင်း စိုက်ပျိုးရာမှာ ပေါင်းမြက်နဲ့ ကြားသီးနံှတို့အပြင် ရေနဲ့ ပိုးသတ်ဆေးတို့ရဲ့ သွင်းအားစုလိုအပ်ချက်များတယ်လို့ ဆိုပါတယ်။ အိန္ဒိယလယ်သမားများအသင်း (Cifa ) အထွေထွေအတွင်းရေးမှူး ွRV Giri ပြောကြားတာတော့ တောင်သူတွေအနေနဲ့ နနွင်းဟာ ရိုးရာအမွေအနှစ်ဖြစ်လို့ ဆက်လက်စိုက်ပိုျးမှာဖြစ်ပေမဲ့ ရောင်းချတော့မှာ မဟုတ်ဘူးလို့ ဆိုပါတယ်။ သီနံှရောင်းထုတ်မှု ရပ်တန့်ဖို့ ဆုံးဖြတ်ထားတယ်လို့Giri မှပြောကြားပါတယ်။ ဒီလိုဈေးနှုန်းကျဆင်းလာခြင်းဟာ ရောင်းချမှု ပိုလံျှနေတာကြောင့်လို့ ဆိုပါတယ်။ ယခင်ဘဏ္ဍာနှစ်နောက်ပိုင်းကစပြီး ရောင်းချမှု စတင်တိုးတက်ခဲ့တယ်လို့ ဆိုပါတယ်။ ဖေဖော်ဝါရီလ တိုင်အောင် စုစုပေါင်း ထုတ်လုပ်မှုဟာ ယခင်ဘဏ္ဍာနှစ် ၂ နှစ်ကထုတ်လုပ်မှုထက် ၄၃ ရာခိုင်နှုန်းပိုမိုနေတယ်လို့ ဆိုပါတယ်။ ဒီဇင်ဘာလမှာ ဈေးနှုန်း မြင့်တက်ခဲ့ချိန် ပြည်ပတင်ပို့မှုလည်းကျဆင်းခဲ့ပါတယ်။ အသင်းအနေနဲ့ တောင်သူတွေဆီက နနွင်းအားလုံးကို ဝယ်ယူပြီး အအေးခန်းသိုလှောင်ရုံတွေမှာသိမ်းထားပြီး ဈေးနှုန်းပြန်ကောင်း လာမှသာ ရောင်းထုတ်မယ်လို့ Cifa ဥက္ကဌ P Changal Reddy မှ ပြောကြားပါတယ်။ ယမင်းခင်၊Source: hindustans.com
ဝယ်လက်ကို မျှော်တဲ့ ရှမ်းနနွင်း ဒီတစ်ပတ်မှာ ရှမ်းနနွင်းကလည်း ကျောက်ဆည်နနွင်းလိုပဲ ဝယ်လက်ကို မျှော်နေဆဲဖြစ်ပါ တယ်။ ပြည်ပဝယ်လိုအား မရှိတာကြောင့် ဈေးကွက်ကလည်း တဖြည်းဖြည်းပျောက်နေပါတယ်။ ပြီးခဲ့တဲ့လမှာ တရုတ်ဝယ်လက်တွေက တိုင်းရင်းဆေး ဖော်စပ်ဖို့အတွက် နနွင်းခေါင်းတွေကိုသာ သီးသန့်ဝယ်ယူကြတယ်လို့ သိရပါတယ်။ နနွင်းခေါင်းတွေကတော့ နနွင်းတက်လို ပစ္စည်း အများအပြားမရှိတာကြောင့် ခဏတာသာ ဈေးကွက်ရှိခဲ့ပြီး တစ်ပိဿာ ၁၈ဝဝ ကျပ်ဈေးပေါက်ခဲ့ပါတယ်။ နနွင်းတက်က လည်း လှောင်လက်တွေနဲ့ ခြံသမားလက်တွေမှာ ကျန်နေပါသေးတယ်။ ဒီနှစ်တော့ နနွင်းစိုက် တောင်သူအချို့တွေလည်း ပြန်စိုက်ဖို့အတွက်တောင် အခက်အခဲရှိနေတယ်လို့ သိရပါတယ်။ ယခင်နှစ်တွေကတော့ နနွင်းဈေးကောင်းရတာကြောင့် နနွင်းအဖြူတွေပါ ရောနှောစိုက်ခဲ့ကြပေမဲ့ ဒီနှစ်တော့ မျိုးကောင်းကိုသာ စိုက်ကြတယ်လို့ သိရပါတယ်။ အဖြူပါနနွင်းတွေက ိုပယ်၊ မျိုးကောင်းနနွင်းကိုသာစိုက်ပြီး အရည်အသွေးကောင်းတဲ့ နနွင်းတွေသာ စိုက်ပျိုးထုတ်လုပ်ဖို့ ဆောင်ရွက်နေတယ်လို့ ဒေသခံတွေထံက သိရပါတယ်။ ဒီတစ်ပတ် နနွင်းဈေးတွေကတော့ အောင်ပန်းဈေးကွက်မှ တစ်ပိဿာ ၁ဝဝဝ ကျပ်-၁၂ဝဝ ကျပ်ဈေးရှိပြီး၊ နနွင်းခါးက တစ်ပိဿာ ၄ဝဝ ကျပ် ဈေးရှိပါတယ်။ တောင်ကြီးဈေးကွက်မှာတော့ တစ်ပိဿာ ၁၅ဝဝ ကျပ်ဈေး ရှိပါတယ်။ဧဧခိုင်